VOV4.K’ho- Drim ngai 19/3, tàm hìu lơh broă Chính phủ, Thường trực Mpồl đơng lam dà lơgar rơcang sơndră kòp Covid-19 neh tơrgùm cribơyai bè ală broă lơh nàng gơtùi lam lơh “hộ chiếu vaccine” tàm tơngai tơnơ̆ do, pơgồp bơnah lơh gơlik bơta ƀuơn wă cau Việt Nam bơh lơgar ndai rê hờ lơgar tờm, tàm hơ̆ ai tơlik broă lơh liên thông jơnau tơnggit bè bơta cit sơnơm vaccine rơcang sơndră kòp Covid-19 bơh làng bol dê mờ dữ liệu làng bol ơm kis dà lơgar.

Gơwèt mờ làng bol tàm lơgar, Bộ Y tế pà git, geh pà mã QR code ai tơl nă cau neh cit sơnơm vaccine kòp Covid-19 in mờ tơrgùm tàm sră nggal atbồ pràn kơldang să jan cau dùl nă să is nàng geh tơl dữ liệu dilah kờñ dờp neh cit sơnơm  vaccine tŭ lik lòt hờ lơgar ndai. Bè broă do, Phó Thủ tướng, ồng Vũ Đức Đam đơs loh: Broă lơh bơh Việt Nam dê là atbồ bơh anih atbồ sră nggal pràn kơldang să jan làng bol, tơrgùm ală jơnau tơnggit bè cit sơnơm vaccine mờ geh liên thông mờ cơ sở dữ liệu làng bol, lơh gơlik bơta ƀuơn ngan rlau jơh ai làng bol in tàm broă cit sơnơm vaccine, sền gròi broă lòt rê tàm bơta geh kòp tơnơ̆ do dùl bă ring bal mờ ƀuơn ƀuài.

Cau mblàng K’Duẩn