VOV4.K’ho – Thủ tướng Chính phủ pa geh sră nggal pơyua sồr tơrgùm sơndră mờ càl rbut dờng sồ 5 nam 2020. Tơngume sră nggal đơs loh: Càl rbut dờng sồ 5 gam lòt mhar ngan rê hờ đah ù gờl lơgar he dê, gơ rềng tơn tus tiah kềng gah dà lềng ală càr bơh Hà Tĩnh tus Quảng Ngãi. Do là càl rbut dờng pràn ngan, lòt mhar ngan, gơ rềng bơh càl rbut lơh gơbàn mìu sơr tàm ua\ tiah tàm tiah tàm gùl lơgar, gơlik geh bơh càl rbut dờng dê gam kal ke.

Nàng rơcang lài sơndră mờ càl rbut dờng, Thủ tướng Chính phủ sồr ală Bộ, gah broă lơh geh gơ rềng mờ ală tiah sền gròi nền nòn broă gơlik geh bơh càl rbut dờng, mìu dà ko\ dà cò dê, rơcang lài đơng lam mờ lam lơh broă sơndră jat jơnau đơs “4 tơn tàm dùl anih” di mờ broă gơlik geh bơh càl rbut dờng mờ broă gơlik geh ngan ngồn tàm [òn lơgar dê.

Mpồl đơng lam dà lơgar bè rơcang sơndră trồ tiah lơh aniai sùm yal bè càl rbut, yal tiah ngòt rơ ngơt nàng ơhò, plung, rơndeh rơndồ mờ ală tiah in lam lơh ală broă lơh sơndră; yal mờ dan Thủ tướng Chính phủ đơng lam bơsong ală broă sơr lèt rlau mờ gơ noar broă he dê.

Cau mblàng K’Duẩn