VOV4.K’ho - Ơ làng bol, kuang bàng, cau ling gùt lơgar mờ làng bol lơgar he tàm lơgar bơdĩh!

            Di dơ\\ wa\ rò sơnam pa Bính Thân 2016, a` jơh nùs  pơyua tus làng bol,  kuang bàng, cau ling gùt lơgar he tàm lơgar bơdĩh, ala\ bơyô lơgar bơdĩh gam kis lơh broa\, bơsram sra\ tàm lơgar Việt Nam jơnau còp sa\ dềt mềr mờ jơnau gờm chờ nam pa niam bơne\ ngan. A` kung pơyua tus làng bol dunia, bơyô dunia ala\ nùs nhơm  tam klac, git gơp bal mờ bơh làng bol lơgar Việt Nam dê.

            Tàm nùs nhơm chờ hờp tam jàu sơnam,  he ngoh rngac kah tus ala\ cau jak chài  lài do neh bơt bơtàu dà lơgar, sền gàr dà lơgar mờ jàu pơlam dà lơgar niam bơne\ bơh ala\  rài dê; kah tus Bác Hồ mờ ala\ cau khin cha jak chài, cau ling chơt màng  neh chơt phi sa\ tài bơta khat gơboh ngap lơngai is, trơgùm bal dà lơgar; he kơlôi wơl bè nam pa do, rcang tus nam pa mờ kơp kờ` geh  ala\ bơta niam bơne\ rlau.

            Nam pa do, làng bol he pơnyờ sa\ ngan tơng kah ala ngai chờ  dờng bơh dà lơgar dê,  dùl nùs, dùl pràn, sơlèt mờ ua\ ngan kal  ke, tơ lòng,   bơtàu tơngguh lơh sa,  bơta chài rgơi, mpồl bơtìan, sền gàr bơta ngap lơngai is, gơnoar  ù tiah dà lơgar,  gàr niam bơta ngap lơngai, ờ do ờ da\, chồl pràn broa\ trơgùm bal mờ dunia, ai dà lơgar mut tàm tơngai bơtàu tơngguh pa mờ ua\ jơnau kơp kờ` niam bơne\ rlau.

            He gam kis tàm rài gùt dunia tơrgùm bal mờ tơrgùm, dunia mờ ala\ tam gơl dờng màng, geh bal bơta niam mờ kòl yan kal ke bơrlu\ bal. Tàm lơgar, bơdĩh mờ ala\ cồng nha  neh lơh geh, gam ua\ ngan broa\ lơh pal lơh kờ` bơt bơtàu dà lơgar he pas gơs, gàr kơljap dà lơgar, di pal mờ ala\ rài  ồng pàng  neh lời wơl mờ lơh gơs kơnòl mờ ala\ kòn sau tơnơ\ do.

            Nam pa do la nam sơnrờp ngan lơh jat kơrnuat pơrjum dờng Đảng gùt lơgar dơ\ XII, a` hoò jà làng bol, kuang bàng, cau ling gùt lơgar, làng bol he kis tàm lơgar bơdĩh pơnjat tai lơh ngan, tơngguh bơta  ngac ngar, nùs nhơm kơ\ dơn, bơhìan jak chài,   kờ` gơboh dà lơgar, pràn kơldang, jak chài jơi bơtìan he dê, git tu\, sơrlèt mờ ala\ kal ke,  tơlòng, lơh geh ua\ ngan cồng nha pa tàm broa\ bơt bơtàu mờ sền gàr  dà lơgar Việt Nam làng bol pas gơs, dà lơgar pràn kơldang, lơh tờm,  drờm bal, jak chài, jơh ala\ bơta pơndrờm bal mờ ala\ bơyô 5 châu.

            Chờ gờm sơnam pa, a` dan nting  bơr tus ala\ cau, ala\ hìu nha\ tàm gùt ù tiah dà lơgar,  làng bol lơgar he kis tàm lơgar bơdĩh gơboh gơbài mờ geh cồng nha, kơp kờ` ala\ bơta niam bơne\ ngan tus mờ dà lơgar he.

            Dan ơm ngac!

                          Cau cih mờ yal tơnggit K’ Brọp