VOV4.K’ho - Ơ làng bol mờ cau ling gùt lơgar!

Di dơ\ wa\ rò sơnam pa Ất Mùi 2015, an\ jơh nùs ngan dan pơyua tus làng bol mờ cau ling gùt lơgar, làng bol he tàm lơgar ndai jơnau còp să đềt mềr mờ jơnau nting săp kơ\p kờn sơnam pa niam bơne\ ngan rlau jơh. Nting săp jơh tơl hìu, jơh tơl nă cau ngăp lơngai chờ hờp mờ geh cồng nha.

Nam 2014, làng bol mờ cau ling gùt lơgar neh tam klăc bal dùl nùs, sơr lèt gan uă kal ke, bơta lòng, gàr kơ\ tiah ơm kis ngăp lơngai, kơ\ kơl jăp gùng dră bal- mpồl bơtiàn, bơtàu tơnguh lơh sa, chài rơ gơi, lơh pràn broă lơh mờ lơgar ndai mờ mu\t gơ rờm bal mờ dunia…Hơ\ là ală cồng nha pal cih dờp mờ jờng rơ, pơ gồp bơnah wa\ rò sơnam pa nam do sơlơ chờ hờp rlau.

Nam 2015, bol he kờn pal pơn jăt tai brồ guh ală cồng nha neh lơh geh, bơsong ală jơnau ờ hềt pràn jak, ờ hềt lơh niam bơh nam yau dê, ngui jơh ală tu\ tơngai niam, bơta bươn, sơr lèt gan jơh ală kal ke, bơta lòng pa; lơh ngan lơh geh jơnhoa ngan rlau jơh ală jơnau kờn, kơ nòl broă bơtàu tơnguh lơh sa-mpồl bơtiàn 5 nam bơh nam 2011-2015; jơh nùs gàr kơ\ bơta ngăp lơngai is, gơnuar tờm, tơr gùm dùl, tơl làm ù tiah dà lềng, bồt bơlào bơh Dà lơgar dê mờ tiah ơm kis ngăp lơngai, kơ\ kơl jăp nàng bơtàu tơnguh dà lơgar; lơh pràn broă lơh bơ\t bơtàu Đảng, Dà lơgar mờ jơh ală anih lơh broă gùng dră bal sàng kloh pràn kơldăng kơ\ kơl jăp; tam dră pràn kơldăng kơria`, mờ tơn jơh broă sa kuề sa kùa, pơhì pơhà, nùs tồr ờ niam mờ bơta gơbàn ờ niam tàm nùs nhơm bồ tơngoh, adăt adia, rài kis, mờ broă lơh tàm ờ uă mpồl kuang bàng, cau geh Đảng, cau lơh broă sa priă nhai dà lơgar dê, pơ gồp bơnah tàm broă lơh geh cồng nha bơh Pơrjum dờng Đảng ală kơnă, wèt tus Pơrjum dờng cau ala măt gùt lơgar dơ\ 12 bơh Đảng dê.

Brồ guh uă nùs nhơm kờn gơboh dà lơgar mờ bơta pơnìơ să jơi bơtiàn dê, bol he pal lơh niam lơh jăt Sơnua boh lam nam 2013, mu\t lơh làng bol lơh tờm làm uă, sơlơ lơh glài, lơh jăt niam kơrnuat boh lam, loh làng, song dơ pă, lơh pràn dùl ròt mờ tơl làm broă lơh tam gơl pa, bơ\t bơtàu nùs nhơm, bồ tơngoh jak, pràn jak mờ kơ nòl cau làng bol tàm lơgar dê, ai dà lơgar bơtàu tơnguh pràn kơldăng mờ kơ\ kơl jăp, lơh ngan gờn gơ gơs là dùl dà lơgar lơh sa pa mờ măi mok jăt gùng dà pa, làng bol he geh rài kis hờm ram, khăt gơboh mờ ngăp lơngai, jơh dùl jơi bơtiàn guh ntàu bal mờ tu\ tơngai.

A` dan nting săp kơ\p kờn dùl sơnam pa tam klăc bal, tam gơl pa mờ uă bơta niam bơne\ geh gơ tus mờ dà lơgar Việt Nam kờn gơboh bơh bol he dê, tus mờ tơl nă làng bol mờ cau ling tàm gùt lơgar mờ làng bol he tàm lơgar ndai.

Jơh nùs dan tơngăc!

      Trương Tấn Sang kuang atbồ lơgar Việt Nam.

                      }au mblàng Lơ Mu K’ Yến.