VOV4.K’ho – Bơh dùl tiah lơh sa kal ke, broă lơh sa ờ bơtàu tơnguh, [òn Ol Bù Tung, xã Quảng Tín, kơnhòal Dak Rlâp, càr Dak Nông neh geh ală tam gơl loh làng ngan bơh broă lơh bơt bơtàu [òn lơgar pa. Gùng lòt dờng ơnàng, ală hìu đam niam, pa geh lơh ngai sơlơ ua\, ai go\ bơta bơtàu tơnguh pràn kơldang ngan bơh tiah làng bol kòn cau do dê. Ală tam gơl hơ\ ai go\ bơh bơta git wă làng bol dê tàm broă tơn jơh jơgloh tơmù r[ah mờ bơt bơtàu [òn lơgar pa.

Tus [òn Ol Bù Tung, xã Quảng Tín, kơnhòal Dak Rlâp, càr Dak Nông tàm trồ mho ngai bồ nhai 12, làng bol tàm [òn gam ờ ru ngan jun ală [àu kơphe dum pơr hê rê hờ hìu tơ nơ\ 1 ngai pic. Tơl nă cau ndrờm `o\ chờ hờp lơm. Bi Điểu Sang, dùl nă cau lơh broă sa geh pơn rơ gơguh jak lik klàs r[ah tàm [òn chờ hờp boh bơr mờ bol a`. Bi yal, lài do, hìu bơnhă r[ah ngan, 2 nă ùr bơklau bi bulah geh mờr 2 lồ kơphe mơya ờ git bơta chài sơngka sền gàr, lời suơn gơ hòn dờng is, tơnhàu ờ huan geh. 5 nam do, geh càn pria\ dong kờl pria\ cồng ai hìu bơnhă r[ah in, kung bè bơsram, đòm jat ală jơnau yal bè broă tam phan bơh sră [au\, rơdiô, tivi, geh bơta dong kờl bơh ală kuang bàng pơlam lơh sa suơn sre dê, hìu bơnhă bi neh khin cha blơi phơng sih, sơngka sền gàr suơn kơphe in. Suơn kơphe  sùm ai cồng nha tơnhàu kơ\ kơljap, hìu bơnhă bi neh ngan ngồn jơh r[ah bơh 3 nam lài. Hìu sèt lài do neh geh lơh pa dờng niam ngan.

Tu\ neh jơh r[ah, Điểu Sang mờ jơh ală làng bol dùl nùs bal tă pơgồp 60 tơlak pria\ nàng crap lơh gùng che đèng sòl àng gùt [òn Ol Bù Tung nàng gàr niam bơta lơngap lơngai, dong broă lòt rê [uơn [ùai: “Lài mờ tu\ ờ hềt geh ồs đèng sòl àng tàm gùng lòt den bơta lơngap lơngai, tung kơ`au kung gam gơlik geh. Tu\ geh ồs đèng sòl àng geh lơh bơh pria\ làng bol tă pơgồp is den bơta lơngap lơngai neh tam gơl niam rlau, rài kis tàm [òn kung chờ hờp rlau, trồ mang den geh [ong đèng sòl àng, hìu lơi kung geh lơm. Rài kis làng bol dê neh bơtàu tơnguh rlau mờ lài do”.

Bi Y Đoan, atbồ [òn Ol Bù Tung yal wơl, pơgap 7 nam lài, làng bol tàm [òn geh rài kis kal ke ngan, broă lơh sa hìu bơnhă ua\ ngan là lòt lơh ơpah jat kàl lơh sa mờ tam điều den tàng pria\ lơh geh ờ ua\. Ală nam rềp ndo, ală broă lơh dong kờl bơcri pria\ bơh Đảng, dà lơgar dê ngai sơlơ tơnguh cồng nha, rài kis lơh sa làng bol dê hời rơ hời geh bơtàu tơnguh. Làng bol geh càn pria\ dong kờl pria\ cồng bơh Ngân hàng chính sách xã hội, geh pơlam bơta chài sơngka sền gàr chi tam, ròng phan… Khà hìu bơnhă r[ah tàm [òn neh gơmù loh làng ngan, tu\ do mìng gam 18 hìu bơnhă r[ah mờ hìu bơnhă ndrờm bè cau r[ah: “Tu\ do làng bol neh git ngui khoa học kỹ thuật, git klah ntê, ơn phơng, [ồm dà, tu\ do 1 lồ den làng bol kung tơnhàu geh 3 tấn kơphe. Pah nam den Ban Dân tộc kung tus bơ to pơlam làng bol in bơta chài sơngka sền gàr kau su, kơphe, điều mờ ròng phan. Pria\ càn den dà lơgar neh ai làng bol in càn, den tàng làng bol blơi ma\ mok, blơi ding nàng [ồm dà nàng làng bol bơtàu tơnguh rài kis, broă lơh sa ngai sơlơ kơ\ kơljap rlau”.

Ồng Phạm Văn Hải, Phó Chủ tịch UBND xã Quảng Tín pà git, ờ mìng [òn Ol Bù Tung, mờ jơh 4 [òn làng bol kòn cau ơm kis bơh jo\ tàm xã ndrờm neh geh rài kis wil tơl. Ală nam do, mờ ală broă lơh ngan ngồn bơh broă dong kờl ai càn pria\, bơto pơlam tơn lơh sa suơn sre, pơgồp bal mờ sơlơ tơnguh broă yal jơnau [òn lơgar in neh dong làng bol tam gơl bơta sơ nơng, broă lơh, ờ gam tai bơta kơp kơnờm bơta dong kờl bơh dà lơgar dê. Làng bol kòn cau tàm do neh lơh gơlik ală suơn kơphe ai cồng nha tơnhàu ua\ bơh mpàng tê lơh broă tryang tryồng he dê: “Tu\ do tàm tiah làng bol kòn cau den làng bol neh git bè broă bơtàu tơnguh lơh sa he dê, khi git là khi pal lik klàs is bơh bơta r[ah. Tàm tu\ hơ\, hìu bơnhă khi tơ nơ\ tu\ geh càn ală bơnah pria\ dong kờl gơ rềng tus  Đảng mờ Dà lơgar dê, ngan là pria\ càn bơh Ngân hàng chính sách xã hội den khi geh tơr gùm tàm broă bơcri lơh sa mờ khi sơngka sền gàr chi tam phan ròng nàng geh cồng nha, bơtàu tơnguh là geh dong jơh r[ah, ờ kơp kơ nờm tàm bơta dong kờl bơh Đảng mờ Dà lơgar dê tai”.

{òn Ol Bù Tung tu\ do neh cèng dùl muh mat pa, rài kis làng bol dê neh tam gơl pah ngai. Cồng nha bơh [òn Ol Bù Tung dê ai tơnggo\ tus bơta tam klac bal, lơh ngan brồ guh, sơr lèt gan kal ke. Mờ ală broă lơh dong kờl bơh Đảng mờ Dà lơgar dê, làng bol tàm [òn pơn jat tai pơgồp bơta pràn, dùl nùs bal bơt bơtàu [òn tờm ngai sơlơ pas sơm, bơtàu tơnguh.

Cau mblàng K’Duẩn