VOV4.K’ho- Dùl tàm 19 broă bơh xã [òn lơgar pa dê là jơnau sàng goh tiah ơm kis. Bơta do tồn lah là [ươn mơya gơ wèt mờ tiah kơh bơnơm, tiah làng bol kòn cau den gơ sồr wơl bơta lơh ngan uă ngan. Tàm [òn Khe O, thị trấn Bình Liêu, kơnhoàl Bình Liêu, càr Quảng Ninh dê, làng bol cau Dao tàm do neh lơh bơka niam wơl hìu đam, lơh gùng lòt [òn lơgar, lơh sàng goh gùng [òn, mpồng hìu, khòm tơrgùm pơrgu\c, tơ\p jơh sồ siă [ơ\...Broă lơh do tơngo\ bơta tam gơl uă ngan tàm bơta gi\t wa\ bơh làng bol dê, tam gơl ală bơhiàng mờng quèng lài do ờ gam dipal tai.

Ngài mờ thị trấn Bình Liêu mìng pơgăp 10 kơi sồ lơm, [òn Khe O gơlơh bè dùl ù tiah krơi is wơl pơndrờm mờ [òn lơgar gal cau, nggồr nggàc bơh tiah drà dê. Glòm gùt dar [òn là brê bơnơm, rlau 200 hìu bơnhă tàm do ndrờm là cau Dao lơm, bal mờ bơhiàn mờng quèng lơh sa sươn sre ờ bơtàu tơnguh ngan. Bơh tu\ lam lơh broă lơh bơ\t bơtàu [òn lơgar pa, muh mat [òn Khe O dê neh krơi mờ lài uă ngan. Ờ gam tai jơnau rơpu kơnrồ, sur iar tơngklàs lòt gơlềng gơlàng, sàng goh tiah ơm kis, gùng [òn, mpồng hìu kung gơ gơs niam bơne\ rlua.

Hìu bơnhă bi Lý Thị Nguyên pa lơh geh hìu um, hìu jă brê. Lài do, broă tuh dìh, jă brê bơh ală cau tàm hìu bơnhă dê ndrờm lòt jă brê tàm dar tàm brê lơm halà jă brê tàm sươn tàm mìr. Bi Lý Thị Nguyên yal bè do: Lài do [ơ\ [ơl ngan, sền go\ rê tàm hìu là sa ờ gơ mu\t, ờ jai ngan kong. Tu\ do, geh dà lơgar dong kờl lơh gùng lòt den lòt rê [ươn ngan rlau, wàng rơpu den ntrờ` tus tiah ngài ngan kung sàng goh ngan sơl. Lài do den pal lòt jơng tùng rơndeh lòt tus đah đơm ne, tu\ do den rơndeh măy lòt tus tơn tàm hìu. Sền go\ gơlơh sàng goh bè do den kung gơlơh chờ hờp ngan tàm nùs, niam ngan.

Jơh ală hìu bơnhă làng bol tàm do ndrờm ờ geh hìu jă brê, wàng rơpu wàng kơnrồ geh lơh rềp kềng hìu tơn. Mờ geh tu\ là geh uă hìu bơnhă gam lơh bơtô pơdơng è ro rơpu kơnrồ dê tềng đăp [làng hìu tơn. Ală rơpu geh kơ\t tềng jrong tềng mum hìu tơn, è rơpu bềng gùt dar hìu là jơnau sền go\ sùm pah ngai. Bi Tằng Thị Sinh, ơm tàm bòn Khe O yal bè do: Lài do, [ơ\ [ơl ngan gơ wài, gùng den rềp wàng rơpu, mờ geh lơh bal wàng sur tơn. Tu\ do, geh lòt tàm gùng sàng goh den gơlơh chờ hờp ngan, sền go\ [òn he dê niam rlau. Chờ hờp ngan geh ală kuang bàng gơnoar ătbồ dà lơgar neh dong làng bol lơh geh ală thôn niam bơne\ bè do.

Ală nam rềp ndo, gơnoar ătbồ xã Lục Hồn neh tơrgùm lam lơh dùl ròt uă gùng dà broă lơh bơ\t bơtàu [òn lơgar pa, lơh pràn broă mblàng yal tơnguh uă bơta gi\t wa\, bồ tơngoh geh kơnòl bơh tơl nă làng bol dê. Mơkung ngui niam ală bơnah priă dong kờl bơh càr, bơh kơnhoàl dê nàng bơcri ai ală hìu bơnhă in lơh wàng ròng phan, lơh hìu um, hìu jă brê sàng goh.

Rềp ndo, gùng lòt geh lơh jòng mờr 1 kơi sồ geh lơh mờ bê tông neh lơh gơs, bal mờ pa ai ngui wàng rơpu bal- hơ\ là jơnau đơs gơ dan `o\ bơh làng bol dê bè anih ròng rơpu kơnrồ tơrgùm bal dùl bă tiah geh bơcri priă lơh pa neh lơh muh mat [òn lơgar Khe O tam gơl sơrbac mhar ngan. Ờ gam tai ală jơnau [ơ\ [ơl rơnhah rơnhơ bè lài tai, mờ ala tàm hơ\ là ală lo\ sre kòi dum rơmi\t jơh dùl kơnhoàl tiah, ală rơpu, sur geh ròng tơrgùm bal dùl bă tiah.

Mò Bùi Thị Hồng, Chủ tịch UBND xã Lục Hồn, pà gi\t: srơh “Ngai rlô tơlir” tàm broă lơh bơ\t bơtàu [òn lơgar pa ngan ngồn neh dờp geh ală tềl sơ`io jơh nùs ngan bơh làng bol dê. Mò Bùi Thị Hồng đơs: Tu\ do, muh mat [òn lơgar [òn Khe O dê neh tam gơl uă ngan. Bơh sơnrờp bol a` tus dong làng bol, pơlam khi in nàng khi tam gơl is bơta gi\t wa\. Broă lam lơh Ngai rlô tơlir hòi jà mpồl kuang bàng xã, cau pơgru tus dong kờl den bơh sơnrờp làng bol kung ờ hềt jơh nùs sơl, mìng nggui sền lơm. Bơh hòi jà den tu\ do, jơh ală làng bol neh dùl nùs bal, bơh ơruh pơnu, kơnòm dềt, bơh ală oh mi cau ùr mă bal kòn tềng ngkời nàng lòt pơs wàs sàng goh tiah ơm kis. Jơh tơl nă cau ndrờm chờ hờp lơm, duh hồl ngan kờ` ngan dong kờl broă lơh do.

Srơh “Quảng Ninh tơrgùm bal pràn bơ\t bơtàu [òn lơgar pa” tàm 10 nam do tàm kơnhoàl Bình Liêu neh lơh geh bơta pràn lơh gơrề tàm jơh tơl nă làng bol, bal mờ jơnau kờ` bal bơ\t bơtàu [òn lơgar pa ngai sơlơ niam bơne\ rlau, rài kis niam chài, nùs nhơm bơh làng bol dê geh tam gơl niam.

Mò Lê Thị Thu Hương, Phó Kuang ătbồ phòng drơng kơnòl broă Phòng Nông nghiệp mờ Phát triển Nông thôn kơnhoàl Bình Liêu, càr Quảng Ninh, pà gi\t: Broă tam gơl bơhiàn mờng quèng ơm kis kung bè broă tam gơl rài kis bè tiah ơm kis kung ngan là bơta tờm mờ là jơnau dờng màng ngan rlau jơh tàm bơ\t bơtàu [òn lơgar pa bơh kơnhoàl Bình Liêu dê. Gơ wèt mờ [òn Khe O tus tu\ jiơ do den tam gơl, geh bal tàm bơta gi\t wa\ làng bol dê kung sền go\ là, tu\ rài kis tus tu\ do neh gơ tam gơl, geh piang sàu àu soh tơl den sền go\ rài kis sàng goh rlau, tiah ơm kis àng sơndah rlau, kuơmàng là gi\t ròng siam sền gàr phan ròng bè lơi. Hơ\ ngan là bơta sền go\ bơh làng bol tàm Khe O dê tu\ do tơn.

Bal mờ nùs nhơm ờ ngòt bòl glar kal ke, gơnoar ătbồ bal mờ làng bol [òn Khe O, xã Lục Hồn đơs is, mờ kơnhoàl Bình Liêu đơs bal gam ngan ngồn lơh tam gơl muh mat bơh ală [òn lơgar tàm tiah do dê. Hơ\ là cơng tàng nàng kơnhoàl tiah nhàr dà lơgar do pơn jăt tai lơh ngan bơ\t bơtàu dùl kơnhoàl ù tiah pràn bè lơh sa, gơguh jak bè bơta niam chài- mpồl bơtiàn, pơgồp bơnah tàm broă sền gàr kơ\ kơl jăp, lơngăp lơngai, ờdo ờdă tàm tiah nhàr lơgar.

Cau cih Duy Thái- Cau mblàng Lơ Mu K’Yến