VOV4.K’ho- Lạc Dương là kơnhoàl tiah kơh bơnơm bơh càr Lâm Đồng dê, geh uă ngan làng bol ơm kis là làng bol kòn cau. Kơnờm tam gơl pa tàm broă kơlôi sơnơng, broă lơh, uă làng bol neh lik klàs bơh r[ah mờ brồ guh lơh pas.

Tryiang trồng ngan koh ală ntê bơkào hồng ơn tàm hồp nàng di tu\ pơn diang rê tàm drà kă bro bơh sơn rờp tàm [òn dờng Hồ Chí Minh in tăc, ồng Kră Jan Blim, ơm tàm Bon Đơng 1, thị trấn Lạc Dương, kơnhoàl Lạc Dương pà g^t, bơh broă bơsram sră bơh oh kòn dê, priă jền ngui sa pah ngai tàm hìu bơnhă tus lơh hìu dờng, ơnàng mờ niam bè ngai do ndrờm kơnờm jơh tàm suơn bơkào hồng do.

Lài do, jơh bă ù 3 sào hìu krơh tam bơkào hồng là blàng srê 1 kàl, priă lơh geh tu\ geh tu\ ờ, bơta jơ gloh r[ah kung gam gơ jat sùm. Bơh ngai tam gơl tam bơkào tàm hìu krơh, priă lơh sa tàm hìu bơnhă ồng Kră Jan Blim dê ngai sơlơ uă rlau, mờ khà priă cồng lơh geh rlau 300 tơlak tàm 1 nam.

Lài do lơh kòi sre kung mìng tơl sa lơm, den tam kơphê priă tăc kung gơmù, tam gơl tam chi zâu kung ờ kơl jap sơl. Tơnơ\ do càn priă Dà lơgar lơh rơngda tam bơkào hồng, hìu bơnhă kơ\ kơl jap rlau, rài kis geh tơnguh uă rlau.

Ồng Kra Jan Blim (đah kiau) koh bơkào hồng di tu\ nàng jàu năc in 

Ndrờm bè hơ\ sơl, bơh ngai tam gơl tus broă tam bơsềt rơhe, tơl nhai, hìu bơnhă bi Cil K’Pam (ơm tàm thôn Dar Hoa, xã Dà Nhim) kung lơh geh rlau 10 tơlak priă. Bi K’Pam pà g^t, bơh dùl hìu tam bơsềt bơh sơn rờp tus tu\ do hìu bơnhă lơh tai 3 nơm hìu nàng tam bơsềt mơ kung ờ tơl nàng tăc tàm drà kă bro in sơl.

Bơh tu\ lơh hìu tam bơsềt tus tu\ do hìu bơnhă geh bơta tam gơl loh làng ngan. Pơn drờm mờ broă lòt lơh công nhân, lòt lơh kơphê den tam bơsềt ru rlau, priă lơh geh uă rlau. Bơh hơ\ hìu bơnhă a` kung kơl jap rlau, broă lơh he dê sùm tàm pơ dar mờ geh broă lơh sùm.

Bơh dùl tiah mờ chi tam tờm ngan là kòi mờ kơphê. Tus tu\ do gùt kơnhoàl tiah kơh bơnơm Lạc Dương geh mờr 780 lồ lơh sa suơn sre công nghệ cao, priă lơh geh kờp bal tàm dùl bă tiah lơh sa lơh geh 225 tơlak priă tơl lồ. Tàm hơ\, bă ù tam biăp tàm hìu krơh lơh geh bơh 500 tus 800 tơlak priă tơl lồ dùl nam. Bă ù tam bơkào lơh geh bơh 800 tus 1 tơmàn priă. Kuơ màng ngan là bă tiah tam bơkào ly ly lơh geh tus 2 tơmàn priă tơl lồ tơl nam.

Pa do Thủ tướng Chính phủ neh ki\ tiah lơh sa suơn sre ngui công nghệ cao tàm xã Dà Sar, mờ kờp jơh bă ù rlau 220 lồ, lơh geh tai bơta buơn nàng kơnhoàl Lạc Dương in lơh ală broă lơh dong kờl ai càn priă, ờ duh tơm priă dia ù tiah nàng pơn jờng mpồl lơh sa kă bro bơcri priă lơh sa suơn sre kloh niam pơgồp bal mờ lơh gơlik tơn tàm kơnhoàl.

Ồng Lê Quang Minh, Phó Chủ tịch UBND kơnhoàl Lạc Dương pà g^t, tàm tu\ tơngai bơtàu tơnguh bal, làng bol kòn cau tàm kơnhoàl kung geh ală broă lơh gơguh jak uă ngan bè bơta chài lơh sa, kuơ màng là tơn jơh broă lơh bơngơl gơla bơh yau, lơh kuèng mờ tam chi jo\ tơngai, tam biăp, bơkào, phan lơh sơnơm. Tàm gùt kơnhoàl, hìu bơnhă r[ah tiah làng bol kòn cau dê mìng gam 46 hìu bơnhă lơm.

Jat ồng Lê Quang Minh, kơnhoàl gam pơn jat tai lơh pràn tàm jàu khoa học kỹ thuật tàm broă lơh sa suơn sre nàng dong làng bol lơh jat ală bơta pràn nàng tơnguh uă rài kis.

Do là tiah geh trồ tiah buơn ngan ai broă lơh sa suơn sre công nghệ cao. Mờ chi kơphe là tờm ngan mơya ring bal mờ hơ\ là kơnhoàl geh broă lơh ngan ngồn nàng dong làng bol tam gơl rơndap tap sèng chi tam jat broă lơh sa suơn sre công nghệ cao mờ jơnau kờ` tơnguh priă lơh kơl jap lơh sa.

Mờ bơta pràn bè ù tiah, nhơl chờ, niam chài rơgơi neh geh lơh jat, tu\ do, den lơh jat tai bơta pràn khoa học công nghệ, kơnhoàl Lạc Dương gam geh ală broă lơh buơn ngan nàng pơn jat brồ guh. Tơrmù r[ah tàm do neh ờ gam là broă kal ke tai. Làng bol kòn cau tàm do gam ơm tềng đap geh uă ngan tu\ tơngai niam nàng lơh pas.

Cau mblàng K’ Hạnh