VOV4.K’ho - Amăng Mrai là 1 ntum tiah nhàr dà lơgar gơwèt kơnhoàl Sa Thầy, càr Kon Tum dê. Tàm ù tiah do, mờr 20 nam do, ală cau ling lơh broă tàm anih lơh sa kă bro bal 1 nă să lơh is 78, Binh đoàn 15 gam lơh ngan bal mờ làng bol tơnguh bơtàu lơh sa, gàr niam bơta lơngăp lơngai dà lơgar. Ntum tiah nhàr dà lơgar rơ[ah rơ[ừp gam sơlơ ngai sơlơ tam gơl.

{òn Le, ntum tiah nhàr dà lơgar Amăng Mrai, kơnhoàl Sa Thầy, càr Kon Tum là anih ơm kis bơh jo\ rài làng bol kòn cau Rmâm dê, do là 1 tàm ală jơi bơtiàn kòn cau ờ gal bơnus ngan tàm lơgar he. {òn tu\ do geh 100 hìu làng bol mờ di pơgăp 400 nă cau. Ồng A Jói, kuang atbồ [òn pà g^t, lài do, làng bol tàm [òn mìng kis kơnờm mờ broă mus, chu, tùc kòi mìr mờ ting ku\p phan tàm brê, rài kis kal ke ngan, jơgloh tàm tơngai puh pah gơbàn geh sùm. Rơlao 15 nam pa do, bơh tu\ cau ling tàm anih lơh sa kă bro 78, Binh đoàn 15 tus, làng bol neh rơhời tam gơl tàm broă lơh sa, rài kis. Uă hìu neh tus bal tam cao su mờ lơh broă tàm anih lơh sa kă bro, kơnờm mờ hơ\, rài kis neh tơnguh bơtàu, ờ gam ngòt jơgloh rơ[ah bè lài do tai. Ồng A Jói đơs tai: “Bơh tu\ geh cau ling tus tàm do, làng bol chờ hờp ngan, rài kis làng bol geh tơnguh. Tu\ do làng bol neh wă, neh g^t tàm broă lơh sa, phe, tơngời ờ gam ờ tơl bè lài do tai, hơ\ sồng gam geh tam cao su tai. Khà priă cao su tu\ do gơmù, mơya a` sùm lam sồr làng bol pal gàr niam suơn cao su neh tam kờ` kơ\p khà priă gơguh, ală cau lơh broă tàm anih lơh sa kă bro pal lơh ngan lơh broă bal mờ anih lơh sa kă bro”.

Bal mờ làng bol kòn cau kis tàm do, rài kis bơh ală cau lơh broă tus tàm ntum tiah nhàr dà lơgar Amăng Mrai jăt gùng dà tơnguh bơtàu lơh sa tàm tiah nhàr dà lơgar bơh Gah sền gàr dà lơgar ai kung neh ring niam. Bi Lê Văn Lĩnh, lơh broă tàm mpồl sồ 5, anih lơh sa kă bro 78 pà g^t, bi kis tàm 1 hìu nhă rơ[ah, kal ke, tus lơh broă tàm ntum tiah nhàr dà lơgar Amăng Mrai bơh tàm ală ngai sơnrờp geh crơng gơs anih lơh sa kă bro, sơnam rơ\p dờng mờ ờ hềt geh bao. Tus tu\ do, bi neh bao, geh 1 na kòn ùr neh bơsram jơh ơdu\ 4 mờ rài kis neh ring niam: “A` tus lơh broă tàm do bơh nam 1999, lơh broă tus tu\ do neh 16 nam. Đềt mềr mờ anih lơh sa kă bro 16 nam, tus tu\ do, rài kis neh ring niam. Lơh broă tam cao su, lơh broă còr bơsơ\t cao su pal drơng mang, đơs ngan là glar bòl, mơya đềt mềr jo\ jòng den neh mờng, a` gam kơ\p kờ` geh lơh broă jo\ jòng rơlao”.

Ntum tiah nhàr dà lơgar Amăng Mrai là tiah pôs đồng kăc màng tàm rài tam lơh mờ ling Mỹ sò tơm. Ntum neh 2 dơ\ geh jàu khà Khin cha jăk chài mpồl ling klàng Làng bol. Bơhiàn kăc màng hơ\ gam geh sùm tus tu\ do, ală mpồl ling, làng bol ală kòn cau tàm ntum sùm pơgồp bal bơta pràn lơh ală broă kờ` tơnguh bơtàu lơh sa bal mờ sền gàr bơta lơngăp lơngai dà lơgar. Mờ broă lơh ngan hơ\, bal mờ ù tiah, trồ tiah di pal, cồng nha suơn cao su tàm ntum tiah nhàr dà lơgar Amăng Mrai sùm geh uă ngan tàm Tây Nguyên dê mờ cồng nha bơh anih lơh sa kă bro 78 sùm geh uă ngan Binh đoàn 15 dê. Ală broă lơh tàm broă lơh sa kă bro ndrờm geh sền kuơ mờ sùm lơh jăt nền nòn bơh kuang bàng đơng lam anih lơh sa kă bro tus mờ ală mpồl lơh sa bal mờ cau lơh broă. Đại uý, Hà Duy Trưởng, kuang atbồ mpồl lơh sa sồ 5, anih lơh sa kă bro bal 78 pà g^t: “Tus tu\ do, mpồl neh lơh broă 10 nam, bơh 10 nam lơh broă, khà geh mpồl dê geh rơlao 2 rơbô 100 k^ bơsơ\t ra` tàm 1 lồ 1 nam. Kờ` geh khà uă bè hơ\, den bơta kuơ màng tòm ngan là broă lơh. Mờ tàm broă lơh tòm den bơta ai tơl^k tòm ngan là broă jăk chài cau còr bơsơ\t cao su. Bol a` pal sùm bơto kờ` tơnguh broă jăk chài cau còr bơsơ\t cao su in. hơ\ sồng broă lơh den pal lơh jăt niam jăt broă geh ai, lơh bè lơi di kàl den suơn cao su hơ\ sồng geh hòn gơs niam”.

Ntum tiah nhàr dà lơgar khin cha jăk chài Amăng Mrai gam tam gơl pah ngai. Ală suơn cao su rơhời tìm tơlir tàm dòr ù tiah nhàr dà lơgar bal mờ rài kis ală [òn gam rơhời geh ring niam.

    Cau cih mờ yal tơng^t Ndong Brawl