VOV4.K’ho- Kơnhoàl Krông Bông neh là pôs đồng kăc màng càr Dak Lak dê tàm rài tam lơh tam dră mờ bol sò tơm mờ geh tơngklàs bơh nam 1965. Tus tu\ do, tơnơ\ rlau 55 nam lơngap lơngai is, muh mat kơnhoàl Krông Bông neh geh uă tam gơl niam ngan, rài kis làng bol dê ngai sơlơ tơnguh uă.

Tơngai do, tàm blàng sre [òn Tul, xã pôs đồng Kăc màng Yang Mao, kơnhoàl Krông Bông, càr Dak Lak, kòi neh să neh dum, mìng gam rlau gùl nhai tai là làng bol tàm do mut tàm tơngai toès kòi. Lòt tàm gùng bê tông tàm tơr bo\ bal mờ [òn Tul bal mờ blàng sre, ồng Y Dhăk Niê Kđăm kra [òn kah wơl, lài do, [òn Tul là dùl tàm ală [òn kal ke ngan rlau jơh xã Yang Mao dê, lài mờ nam 2010 khà hìu bơnhă r[ah tàm [òn là rlau 70%. Mơya tu\ do, tơl bơta neh tam gơl jơh, làng bol g^t ngui bơta jak chài mờ ma\y mok tàm broă lơh sa den tàng rài kis geh tơnguh uă loh làng.

Tam gơl dơ\ 1 là bè phan bơna [òn lơgar, geh gùng, geh hìu bơsram, geh hìu sơnơm, geh ồs đèng. Lài hơ\, ờ geh be do ờ. Rài kis làng bol dê kung geh tơnguh bal sơl, khi g^t kơlôi lơh sa, geh phan sa phan prap, geh lơh sa tai. Dilah bè lài do sa piang bơr lu\, ngai 2 dơ\ den tu\ do là sa hờm, soh niam. Tàm [òn, thôn geh bơta tam klăc bal, khi geh bơta tam klăc bal niam ngan, dong kờl bal mờ gơ\p tàm tu\ kal ke, jơgloh r[ah, ờ gơtìp bơta bơchồt bơh đah bơdìh lơh tam cah is halà sơnờm.

Dùl gah [làng sre [òn Tul, xã Yang Mao

Kung neh là tiah gơtìp aniai kơn jơ\ kơn ju\t ngan tàm rài tam lơh, mut tàm tơngai dà lơgar tam gơl pa, xã Khuê Ngọc Điền, kơnhoàl Krông Bông gam rơ hời tam gơl pa. Ồng Nguyễn Văn Trương, Bí thư xã Khuê Ngọc Điền dê pà g^t, nam 1965 tu\ pa tơngklàs, xã Khuê Ngọc Điền mìng geh 163 hìu bơnhă làng bol. Tơnơ\ do, geh rlau 1 rơbô hìu bơnhă bơh Quảng Nam, Đà Nẵng mut trờ` ơm kis lơh sa pa. 

Bơh ală [làng brê geh is, làng bol neh mus kơl, lơh gơs [làng sre, lơh bơtơ\t r[òng dà pơđì dà rê nàng lơh kòi. Nam 2003, tu\ gùng che ồs đèng dà lơgar geh lơh rê tus tơn tàm ală [òn lơgar, làng bol rơ hời tam gơl pa broă kơlôi sơnơng, broă lơh mờ ngui rơndeh rơn dồ tàm broă lơh sa. Rài kis rơ hời tam gơl, bơh khà kờp bal phan sa tơl nă cau mìng geh 80 ki\ 1 nă cau 1 nam tàm nam 1986, tus tu\ do neh lơh geh rlau 1 rơbô ki\ 1 nă cau 1 nam. Priă lơh geh kờp bal geh bơh 16 tơlak đong 1 nă cau tàm nam 2015 tus tu\ do neh gơguh tus 25 tơlak đong 1 nă cau 1 nam.

Làng bol tiah do neh g^t ngui bơta jak chài mờ ma\y mok tàm broă lơh sa

Ồng Nguyễn Văn Trương đơs là, tài bơh geh bơta sền gròi bơcri priă bơh Đảng mờ Dà lơgar, bơta lơh ngan brồ guh bơh làng bol dê neh pơgồp bơnah tàm broă lơh tam gơl muh mat [òn lơgar tàm tiah do dê.

Bơh bơta đơng lam, tề lam mờ bơta dong kờl bơh càr, dà lơgar mờ bơh kơnhoàl dê bơcri priă lơh sa phan bơna, tus tu\ do, den neh tam gơl niam ngan, muh mat [òn lơgar tam gơl niam. Làng bol pin dờn bal mờ Đảng mờ gơnoar atbồ, gàr niam bơhìan kăc màng den neh lơh ngan bơtàu tơnguh lơh sa- mpồl bơtìan, gàr niam bơta lơngap lơngai, sền gàr dà lơgar mờ bơt bơtàu [òn lơgar pa geh làng bol dùl nùs dùl tồr bal tus bal dong kờl.

Ală gùng lòt tàm dơlam [òn dê gam geh lơh bê tông tàm Krông Bông

Jat ồng Đỗ Quốc Hương, Bí thư huyện ủy Krông Bông đơs, bulah gam uă ngan kal ke tài bơh bơta geh is ờ đòm jat, làng bol kòn cau ntrờ` ơm kis khat gơ boh uă, mơya kơnhoàl neh lơh ngan ngui niam bơhìan kăc màng, ngui ală priă jền nàng bơtàu tơnguh. Jơnau kờ` mờ Đảng bộ kơnhoàl dê ai tàm tơngai lơh broă bơh nam 2020 – 2025 dê là gơnguh lơh sa kờp bal tus 11% tàm 1 namảmpiă geh bơh lơh sa kờp bal tơl nă cau lơh geh rlau 95 tơlak đong tàm 5 nam tai; khà hìu bơnhă r[ah gùt kơnhoàl gơmù gam hơ đơm 9%. Ồng Đỗ Quốc Hương pà g^t:

Bol a` tơr gùm bơt bơtàu phan bơna, ngan là gùng lòt mờ ală bơtơ\t r[òng dà nàng làng bol in geh gùng dà lòt rê. Dơ\ 2 tai là tơr gùm đơng lam lơh sa ală tiah tàm ală bă ù di pal mờ bơta lơh sa bơh tiah làng bol tàm tiah do dê. Tus bal tơn at tê sơnđio broă lơh, ai bơta jak chài mờ ma\y mok mờ ală sơn tìl pa sih tam nàng rề ơnàng ală broă lơh. Dơ\ 3 tai là tơr gùm bơt bơtàu [òn lơgar pa bơcri priă tàm [òn lơgar pa, tam gơl bơta g^t wă làng bol dê bè lơh sa, tơn jơh jơgloh tơr mù r[ah, ai tơl bơta ai làng bol tiah pôs đồng kăc màng in geh tơl bơta nàng brồ guh tàm rài kis mờ bơta pràn bơh să tờm khi dê mờ bơta dong kờl bơh Dà lơgar dê.

55 nam tơnơ\ ngai tơngklàs, muh mat [òn lơgar tàm Krông Bông gam rơ hời geh ală tam gơl pa niam. Sơr lèt ală bơta bòl glar kal ke tàm rài tam lơh tam dră mờ bòl sò tơm, ngai do làng bol tiah pôs đồng den dùl nùs wơl tai sơr lèt gan bơta kal ke nàng bơtàu tơnguh [òn lơgar, lơh ngan bơt bơtàu rài kis pa ngai sơlơ brồ guh, pas sơm niam bơne\ rlau.

Cau cih H’ Xíu- Cau mblàng K’ Hạnh