VOV4.K’ho- Gùng Trường Sơn- gùng dềt Hồ Chí Minh tàm tơr bo\ bơh tiah đah Tô tus tiah đah Jum dà lơgar, jat kềng gah bơnơm Trường Sơn dờng ơning ơnàng, gơ jat bal mờ g^t nđờ bơta pha lin dờng ngan bơh ling klàng mờ làng bol he dê. Gơl gùng jun pơn diang phan kuơ màng jòng mờr 17 rơbô kơi sồ do là tềl tơngo\ bơh bồ tơngoh kơ\p kờ` tơr gùm dùl dà lơgar. Rlau 20 nam bơcri priă mờ lơh gùng Hồ Chí Minh. Gùng lòt tiah kơh bơnơm geh tàm tơr bo\, pờ tơlik tu\ tơngai niam bơtàu tơnguh lơh sa ai làng bol kòn cau in kis jat kềng gah bơnơm Trường Sơn.

Hìu ùr bơklau mò Hồ Thị Yến ơm tàm xã Hồng Bắc, kơnhoàl A Lưới, càr Thừa Thiên Huế ơm ngài mờ gùng Hồ Chí Minh bàr pe kơi sồ. Ală nam tam lơh, mò Yến tus bal à` phan sa, jun gar phàu, mă cau ling sồt să mờ pờ gùng Trường Sơn. Mò Yến yal, ngai hơ\, bòl glar kal ke uă ngan, ală ùr ơruh sơnam mìng pa 19, 20 lơm, hu\i jơh să tờm he dê tềng đap [ồm gơ đùh bè mìu mờ gar phàu gơ par bè càl, kong mờ kòp sốt rét. Tiah tam lơh tiah đah mat tơngai mut Trị- Thiên ală nam lồi nam 1960 tam lơh cui rơ cai uă ngan. Mỹ tơn đùh [ồm uă ngan nàng kờ` tam cah gơl gùng pơn diang phan kuơ màng gùng Hồ Chí Minh dê dong kờl ai tiah đah Jum in. Mơya kơnờm bơta pràn bơh rơnàng kơnòm să dê mờ bơta tam klăc bal, tam dong kờl bal bơh làng bol kòn cau Pa Cô, Tà Ôi dê kung bè ală làng bol kòn cau ndai tàm tiah đah mat tơngai mut Trị-Thiên, mò Hồ Thị Yến bal mờ cau ling bal neh lơh gơs kơnòl broă mờ mpồl dê neh jàu:

 Jơh nùs lòt jat Đảng, jat Kac mạng, jat Bác Hồ ngai den lòt tờ, lòt po\, lòt lơh broă; ai mang den rê b^c mờ ờ geh hìu đam mờ lòt sùm bè hơ\. Tui phan jài mờ lơh gùng jài, tiah lơi kờ` geh bơta dong kờl là lòt tàm tiah hơ\. Lòt jat bal, mờ ờ di là lòt dùl nă să is ờ, lòt jơh dùl mpồl, jơh bal Tiểu đoàn tơn. A` g^t Kac mạng mờ lòt jat Kac màng. Dà lơgar ring lơngai, jơh ală kòn bơnus ndrờm kis chờ hờp.

Hìu duh khoai kah ưn ngài tàm rơ gồng Tám Cô, càr Quảng Bình

 Rlau 20 nam kờp bơh dì tu\ gùng Trường Sơn bơh ngai geh lơh niam wơl gơ gơs là gùng Hồ Chí Minh, gơl gùng là bơta tàm tơr bo\ đah ală [òn lơgar làng bol kòn cau dê, dong làng bol kòn cau geh tơl bơta nàng bơtàu tơnguh lơh sa, tơn jơh jơ gloh tơr mù r[ah. Bi Hối Thị Hoa, ơm tàm xã Mà Cooi, kơnhoàl Đông Giang, càr Quảng Nam yal, lài òr làng bol kòn cau Cơ Tu rê lơh broă bơh tàm mìr, geh sơnđùng prìt, bàr pe nơm tơngời halà bùm blàng, ku\p geh phan brê kung pal tui, à` tus tàm thị trấn P’rao nàng tăc. Lòt mờ rê roh bàr pe jiơ, geh tu\ tus tàm drà jơla ir den ờ gơtùi tăc phan. Tu\ do, mìng cèng tus tàm gùng Hồ Chí Minh, bè lơi kung tăc jơh sơl tài bơh uă cau lòt rê. Bi Hoa  pà g^t, bơh ngai lơh gơs gùng Hồ Chí Minh, làng bol tàm do tam gơl jơh ală bă ù mìr tus tam tờm keo, lơh geh priă g^t nđờ rơhiang tơlak đong pah nam.

 Lài òr bòl glar kal ke ngan, lòt pơ\ [ang kung ờ geh cau blơi sơl, kup\ koăt mờ ku\p uă ir kung ờ geh cau blơi, kă bro phan lơi kung ờ gơtùi. Kơnờm geh gùng Hồ Chí Minh mờ tu\ do kă bro buơn ngan. Pơn yơu bè tam tơngời, geh [ang là gơtùi tăc jơh lơm. Bè plai chanh làng bol dê tam tàm do, hơ\ sồng gơtùi pa pic mờ tăc, mờ tăc tờm keo kung geh priă ngan sơl.

Xã Mà Cooi, kơnhoàl Đông Giang, càr Quảng Nam kung là tiah geh Tập đoàn FVG rơ wah bơt bơtàu Tiah nhơl chờ brê bơnơm Cổng Trời kơnờm mờ bơnơm lu\ vôi dờng ngan, mờ ală rơgồng lu\ dờng dềt. Tiah nhơl chờ brê bơnơm mờ ơm b^c wơl do geh priă bơcri lơh 400 tơmàn đong geh kơ\p gơn gơ hòi gơ jà pơgap 100 rơbô nă năc lòt còp pah nam.

Broă ngui bơta pràn nhơl chờ jat kềng gah gùng Hồ Chí Minh dê kung geh uă tiah sền gròi. Tiah do geh uă ngan tiah lời wơl kah yau, bơta niam chài rơ gơi, uă rơ gồng, chi che niam tiơng pơn rơ bè Ù tiah crih crài brê bơnơm bơnơm dunia- Suơn dà lơgar Phong Nha- Kẻ Bàng, càr Quảng Bình; Blàng tơ\p [ồc cau ling chơ\t màng dà lơgar Trường Sơn, càr Quảng Trị; Ală gùng tàm ù Ðộng So, gùng tàm ù Lam Sơn, dòr A Bia, kơnhoàl A Lưới, càr Thừa Thiên- Huế; {òn tà` phan kòn cau Zara mờ `rùh dà Grăng, kơnhoàl Nam Giang, càr Quảng Nam…

Gùng Hồ Chí Minh lòt gan thị trấn P'rao, kơnhoàl Đông Giang, càr Quảng Nam

Ồng A viết Sơn, Phó Chủ tịch UBND kơnhoàl Nam Giang, càr Quảng Nam pà g^t, gùng Hồ Chí Minh gơl lòt gan ù tiah kơnhoàl dê jòng rlau 50 kơi sồ, tàm tơr bo\ bal mờ ală kơnhoàl tiah kơh bơnơm đah mat tơngai mut càr Quảng Nam mờ ală càr Tây Nguyên dê, là tu\ tơngai niam bơtàu tơnguh lơh sa, pờ ơnàng tiah làng bol ơm kis kung bè lam lơh ală broă lơh dong kờl gàr tơl niam rài kis mpồl bơtìan.

 Gùng Hồ Chí Minh lòt gan tàm ù tiah kơnhoàl dê là bơta chờ hờp mờ pơn ìơ să ngan gơ wèt mờ ală cau tus bal tàm tiah tam lơh tơn mơ kung là bơta pơn ìơ să gơ wèt mờ rơnàng kơnòm să dê. Tu\ do, ală tiah ơm rềp mờ gùng Hồ Chí Minh den khà hìu bơnhă r[ah, hìu bơnhă ndrờm bè r[ah pah nam ndrờm gơ mù uă pơn ndrờm mờ ală tiah ndai. Hơ\ là cơng tàng sền go\ ngan ngồn tu\ geh gùng Hồ Chí Minh dê lòt gan.

Ngai do, bơh ală gùng dềt geh lơh bơh sơn rờp, gùng Hồ Chí Minh gơ gơs là 1 tàm 4 gơl gùng lòt tờm kuơ màng bơh đah Tô mut tàm đah Jum dà lơgar dê. Gơl gùng jòng rlau 3 rơbô 100 kơi sồ lòt gan tiah kơh bơnơm đah mat tơngai mut gam pơn jat tai geh pờ ơnàng, lơh niam wơl, pờ geh tu\ tơngai niam bơtàu tơnguh lơh sa đah ală tiah dê mờ tàm tơr bo\ kă bro mờ ală lơgar tàm tiah do dê.

Cau mblàng K’ Hạnh