VOV4.K’ho - Gơnoar atbồ mờ làng bol xã Ea Tar, kơnhoàl Cư\ Mgar, càr Dak Lak chờ hờp ngan tu\ [òn lơgar neh lơh gơs broa\ lơh  [òn lơgar pa. Ala\ gùng lơh mờ bê tông ring song ngan, ala\ hìu niam đam hàng, ala\ sươn kơphe, tiêu tơlir gơs ngan la ala\ cồng nha bơh broa\ bơt bơtàu [òn lơgar pa mờ Ea Tar neh lơh geh. Do ngan ngồn la bơta pràn, broa\ lơh kuơ màng nàng xã brồ guh  lơh geh ala\ cồng nha jơnhua rlau tàm ala\ nam tus.

            Sền  gùng mờ bê tông pa lơh gơs, lo\ H’ Hoan Êban kis tàm [òn Drai Sí, xã Ea Tar chờ ngan. Lo\  yal, lài do gùng do lòt rê kal ke ngan, tàm nhai mìu mìng gơtùi lòt jơng lơm. Làng bol cau lơi kung kờ` geh dùl nơm gùng mờ bê tông nàng lòt rê. Tu\ dà lơgar pơrjum làng bol lam sồr  ai ù lơh gùng, den hìu nha\ a` kờ` mo tơn. 800 thơt vuông la ù bulah la kuơ ngan, mơya lơh gùng den gam geh kuơ ua\ rlau:

             Tu\ yau gùng ntar, ờ cau lơi gơtùi đì rơndeh ma\y, bol a` pal lòt jơng.  A` sùm kờ` ngan geh dùl gùng lòt  niam bè ala\ [òn  ndai. Tu\ dà lơgar lơh gùng den hìu nha\ a` kung ờ pơlai ù lơh gùng. Tu\ do gùng lòt rê bươn boài,  lòt mìr kung bươn ngan sơl.

            Gùng mờ bê tông lơh tus tềng lơi, den geh tam bơkào tus tềng hơ\ bơh Mpồl cau ùr xã lam lơh. Lam bol a` lòt tềng gùng geh bơkào lì niam ngan tềng đap hìu, lo\ H’ Huyên Ayun, [òn Drai Sí, xã Ea Tar, kơnhoàl Cư\ Mgar, càr Dak Lak chờ hờp đơs: Tu\ do, lòt tềng lơi kung go\ gùng bơkào, go\ tềng lơi kung niam lơm, kloh lơm, tàm nus nhơm chờ ngan,   lơh gơ jơh bòl glar:

            Lơh jat dơ\ lam sồr hòi jà bơh Mpồl cau ùr xã la hòi jà ala\ oh mi cau ùr tam bơkào tềng gah gùng tàm [òn bơh ala\ mpồl cau ùr mờ lam sồr ala\ mpồl tờ bơtô tuh sìô sia\  kờ` bơt bơtàu [òn lơgar pa nam 2018. Pơndrờm mờ nam 2017,  nam 2018 ala\ gùng bơkào niam rlau ua\ ngan.  Rê lơh broa\ go\ 2 dah gùng la bơkào den gơ lơh  niam ngan, chờ ngan. Tàm nus  nhơm chờ ngan ờ git đơs bơta lơi tai.

            Bal mờ gùng lòt,  ala\ phan bơna lơh sa-mpồl bơtìan bè ồs đèng, gùng lòt hìu bơsram, hìu sơnơm  bơtơt rbòng dà geh lơh kơ\ kơljap. Lơh broa\ sa  sươn sre geh bơcri, pơ gồp bal, geh lơh niam khà phan bơna lơh geh, tơngguh cồng nha lơh geh mờ tơngguh pria\ geh làng bol in, rài kis bơh hơ\ slơ ngai slơ bơtàu tơngguh. Nam 2018,  pria\ geh kờp bal tơl na\ cau geh tus 34 tơlak pria\ dùl nam. Gùt xã gam 83 hìu rbah,  geh tus 4,21%. Lo\ H’ Brach Niê,   phó at bồ [òn Drai Sí ai git,  dơ\ bơt bơtàu [òn lơgar pa tàm do neh gơ cèng geh bơta niam pa ai Ea Tar in, gơ cèng geh bơta chờ làng bol tu\ khà niam rài kis  geh bơtàu tơngguh, jơh bal phanbơna mờ nùs nhơm:

             Tu\ mut lơh dơ\ bơt bơtàu [òn lơgar pa, nam do,  la nam lơh gơs den nam lài neh lơh gơl gùng go\ làng bol kờ`  ua\ ngan. {òn lơgar pa den 100% làng bol lơh di bè ồs đèng ai bè hìu bơsram la mpờl go\ ngan. Hơ\ la dùl tam gơl pa ai go\ chờ ngan. Rài kis bơh làng bol geh bơtàu tơngguh go\ ngan. Sa tềp den chờ rlau mờ nam lài.

            Kơnờm  bơh broa\ lơh bơt bơtàu [òn lơgar pa,  rơndap lơh broa\ sa bơh xã Ea Tar geh ala\ bơtàu tơngguh loh ngan, khà lơh sa sươn sre geh tus 80%,  lơh sa ma\y mok dềt- bơt bơtàu 6%, ka\ bro mờ broa\ lơh ndai di 145, phan bơna den geh sền gròi bơcri lơh. Kơnòm bơsram jơh  bơsram ơdu\ 9 geh mut bơsram ơdu\ 10 geh tus rlau 80%.  Cau lơh broa\ geh broa\ lơh sùm geh tus rlau 95%. Ồng Đinh Quang Trung, Phó Bí thư Đảng uỷ xã Ea Tar, kơnhoàl Cư\ Mgar, càr Dak Lak ai git,  bơh bơta bơtàu tơngguh do, tàm nam 2019 xã geh lơh ngan bơtàu tơngguh lơh sa kat broa\ lơh ua\ chi tam ua\ phan ròng, nàng tơngguh pria\ geh tàm dùl ba\ ù. Lơh ngan tus nam 2020,  geh kờp bal tơl na\ cau tàm xã geh 41 tơlak pria\:

            Xã geh gùng lơh ngan rhời  nàng rài kis làng bol  bơtàu tơngguh. Tu\ do he pơnjat tai lơh gơs phan bơna gùng dà broa\ lơh, ngan la gùng lòt nàng làng bol lòt rê bươn boài. Lơh sa den geh lơh ngan tàm bơtàu tơngguh ua\ chi tam,  tam bơrlu\ bal nàng geh tai pria\ jền,  hơ\ sồng pơ ơnàng ròng phan.

             Ea Tar tu\ do neh soh ào pa niam ngan,  bềng   pràn kis. Ala\ hìu  dờng niam, kloh ngan, rài kis gơguh jak, niam gam gơ gơs tàm tơl cau, tơl hìu… Jơh ala\ geh lơh geh pang rềp  niam mờ ala\ dà sơng àng bơh rài kis hờm ram.

          Cau mblàng K’ Brọp