Dùl tàm ală broă geh pơnrơ niam tus mờ broă tam gơl tàm Nâm Nung geh go\ loh làng ngan là tàm hìu nhă lo\ H’Thuynh kis tàm [òn Rcập. Pa bao 7 nam, mơya lo\ neh lơh hìu dờng niam, mờ geh tơl phan ngui tàm hìu. 3 lồ kơphe geh ùr bơklao lo\ tam, sền gàr, tu\ do neh geh cồng nha tơnhào niam, 4 nam pa do geh 150 tơlăk priă tàm 1 nam. Mờ khà priă geh do, bơdìh mờ broă drơng tàm rài kis hìu nhă, broă bơsram sră oh kòn in, lo\ H’Thuynh gam dong kờl ờ uă hìu làng bol gam tìp kal ke in tai:

- Rài kis lơh sa neh hờm ram, den tàng broă sền gàr oh kòn kung niam, lơh sa geh tơl den 2 nă ùr bơklao kung kis niam, ờ tam lơh, rài kis kòn bao niam, bơh tu\ do den hìu nhă kung ai tơl bơta niam kờ` dong kờl ală cau tàm [òn bal bè broă lơh, ờ uă hìu den ờ tơl priă bơcri tàm broă lơh sa den hìu nhă a` pà càn kờ` blơi phơng sih kơphe in.

Ùr bơklao ồng Đình Nhớt mờ H’Krông kis tàm [òn Jốc Ju, drơng broă kăc màng bơh tu\ gam kơnòm să, mờ ùr bơklao ồng là cau g^t loh làng ngan bè ală tam gơl tàm ù tiah kăc màng Nâm Nung dê. Tàm hìu pa lơh, kơnờm mờ broă dong kờl bơh dà lơgar bal mờ [òn lơgar dê, ồng Đình Nhớt pà g^t, ờ mìng dong kờl bè broă lơh hìu ơm, gơwèt mờ hìu rơ[ah bal mờ hìu nhă cau geh màng mờ kăc màng, Dà lơgar gam dong kờl broă bơsram sră tus mờ oh kòn tàm [òn tai. Kơnờm mờ hơ\, jơh 9 nă kòn ồng dê ndrờm geh lòt bơsram tus gùng tus dà, geh ờ uă cau neh geh broă lơh niam. Ồng Đình Nhớt pà g^t:

- 9 nă kòn a` dê ndrờm geh bơsram sră tài bơtoah ngan geh broă dong kờl bơh gơnoar atbồ dê, dà lơgar dê den tàng ală kòn a` bơtoah ngan geh lòt bơsram tàm ală hìu bơsram, tu\ do kòn a` geh ờ uă neh geh broă lơh niam, geh ờ uă gam bơsram.

Xã Nâm Nung geh rơlao 1 rơbô 600 hìu, mờ rơlao 6 rơbô nă cau, tàm hơ\ làng bol kòn cau kis bơh jo\ geh tus rơlao 40%. Làng bol ală kòn cau tàm do neh g^t mờ lơh tòm ală broă lơh bè ròng phan, tam phan. Broă lơh ồs đèng àng, gùng lòt, hìu bơsram tàm xã neh geh bơcri priă l;ơh niam kờ` drơng tàm rài kis làng bol, dong kờl làng bol sơlèt tàm broă tơnguh bơtàu lơh sa. Mò H’Thương, Phó chủ tịch UBND xã Nâm Nung đơs:

- Kờ` làng bol he klàs mờ rơ[ah mờ geh broă lơh sa kơl jăp, den bol a` pơgồp bal mờ ală ngân hàng bè ngân hàng chính sách ndai mờ ờ uă anih lơh sa kă bro dong kờl bal mờ ală rơndăp broă kờ` dan ală khà priă kờ` làng bol in càn mờ geh priă bơcri tàm broă lơh sa.

Rơlao 40 nam tơnơ\ mờ tu\ dà lơgar geh tơnklàs, rài kis làng bol tàm xã Nâm Nung neh tam gơl bè ală bơta. Geh uă làng bol neh g^t tơnguh bơtàu lơh sa kờ` lơh pas mờ ròng oh kòn bơsram sră, lơh ngan sơlèt tàm broă tơn jơh jơgloh, tơmù rơ[ah. Gơnoar atbồ bal mờ làng bol tàm xã gam pơn jăt tai lơh ngan bơ\t bơtàu [òn lơgar pa, ai broă tơnguh bơtàu mhar, kơl jăp, di pal mờ bơhiàn jăk chài tiah pôs đồng kăc màng dê.

                                                Cau cih mờ yal tơng^t Ndong Brawl