VOV4.K’ho- Nàng tam klăc bal nùs nhơm ling klàng làng bol tiah nhàr lơgar, Mpồl ling sền gàr tiah nhàr lơgar càr Gia Lai neh lơh broă lơh “ kòn ròng pôs đồng ling sền gàr tiah nhàr lơgar” dờp ròng siam 12 nă oh geh rài kis kal ke tàm tiah nhàr lơgar. Ală kuang bàng geh tam pà bal broă sền gròi tơn, jat sền, bơto pơlam ală oh bơsram, bơsram tàp, dong kờl tơl nă oh 1 nơm rơndeh coh nàng lòt bơsram. Gơ wèt mờ ală oh, ală kuang bàng, cau pôs đồng ling sền gàr tiah nhàr lơgar là Bèp mờ kung là cau pơgru, là krơh niam, bơto sồr ală kơnòm tàm broă bơsram sră mờ bơto pơlam ală bơta chài kuơ màng tàm rài kis.

Oh Lê Đại Vỹ, kơnòm bơsram ơdu\ 5, hìu bơsram kấp dùl Trần Phú, xã Ia Dom, kơnhòal Đức Cơ geh rài kis kal ke, geh Pôs đồng ling sền gàr tiah nhàr lơgar mpồng nhàr lơgar Lệ Thanh, kơnhòal Đức Cơ, càr Gia Lai, dờp ròng siam. Bèp oh Vỹ dê gơbàn rềs àr gùng lòt chơ\t gờ`, mè sang te\ mò dô bau mờ cau ndai, lời wơl Vỹ kis mờ ồng mò đah bèp. Mò đah bèp rài kis kal ke, Vỹ siơ\u siar ngan bè phan bơna mờ nùs nhơm kờ` gơboh bơh mè bèp dê.

                                       Trung úy Rơ Chăm Tuyn wă ală kơ mòm lòt bơsram rê  

Bồ nam 2019, Pôs đồng ling sền gàr tiah nhàr lơgar mpồng nhàr lơgar dunia Lệ Thanh dờp Vỹ rê ròng, wă oh rê ơm bal mờ ală wa tàm Mpồl lơh broă tàm ù tiah gơ wèt xã Ia Dom, kơnhòal Đức Cơ. Bơh mờr 2 nam ơm bal mờ ală wa tàm Pôs đồng ling sền gàr tiah nhàr lơgar, Vỹ tu\ do neh gơguh ki\, bơsram jak rlau mờ lài do.

Mò Lê Thị Quyền, mò gah bèp oh Lê Đại Vỹ ngoh rơ ngăc tềng đap broă lơh kuơ màng bơh ală wa tàm Pôs đồng ling sền gàr tiah nhàr lơgar dê. Mò Quyền pà g^t, tài bơh mò neh dờng sơnam, sùm kòp tê jê să, hìu bơnhă kal ke ờ gơtùi sền gròi niam ai sau Vỹ in tai. Bơh tu\ sau Vỹ geh mpồl ling sền gàr tiah nhàr lơgar dờp rê ròng, sền sau pràn kơl dang ua\ mờ bơsram sră jak, mò iang nùs ngan. Pah ngai ơm rlô tàm ală ngai lơh chờ, sa tềp dà lơgar, Vỹ rê còp mò, sền go\ sau ngăc ngar, wă wờng g^t jơnau, g^t dong mò lơh ua\ broă tàm hìu, mò chờ hờp ngan.

Drờm bè hơ\ sơl, rài kis bơh oh Nguyễn Quốc Tĩnh dê, bơsram ơdu\ 7, hìu bơsram kấp bàr Nguyễn Trãi, xã Ia Dom, kơnhòal Đức Cơ rài kis bòl glar kal ke ua\ ngan. Mè bèp chơ\t tài bơh rềs àr gùng lòt, Tĩnh mìng gam bi klau gam bơsram Đại học nam dơ\ 1, ờ geh cau pròc mhàm bal. Sền go\ rài kis ơm kòn đời sơn đàc sơng^t, kis tàm hìu ơm ing, mơya kơnòm Tĩnh geh bồ tơngoh kờ` bơsram sră, Mpồl ling sền gàr tiah nhàr lơgar mpồng nhàr lơgar dunia Lệ Thanh neh dờp Tĩnh rê ròng siam.

                                  Nùs nhơm bèp mờ kòn tam klăc bal bè cau pròc mhàm bal

Tĩnh pà g^t, geh ală “wa tàm mpồl ling sền gàr tiah nhàr lơgar” ròng siam, bơto bơsram, oh chờ mờ chờ hờp ngan. Tĩnh hơ is mờ să tờm he dê là pal lơh ngan tryang tryồng bơsram sră mờ là cau gơ lòng sồr, bơsram jak nàng tơnơ\ do sau gơ gơs là cau ling sền gàr tiah nhàr lơgar nàng sền gàr dà lơgar mờ dờp ròng siam ală oh dềt geh rài kis kal ke bè să tờm sau dê sơl.

 Jat ùr pơgru Võ Lê Minh Huyền, ùr pơgru atbồ ơdu\ sau Tĩnh dê yal, g^t rài kis kal kê bơh sau dê den pơgru, gơ\p bơyô neh dong kờl, ai geh tơl bơta nàng Tĩnh in iang nùs bơsam sră. Ală bơnah hòi jà tă pơgồp pria\ jền tàm hìu bơsram bơh sau Tĩnh dê sùm geh ală gơ\p bơyô dong kờl tă pơgồp mơ. Ală pơgru bơto jat môn kung sền gròi ua\ ngan jơnau bơsram sră ai sau Tĩnh in sơl. Tĩnh là kơnòm bơsram gơ lòng sồr ngan, rềp mềr, geh bồ tơngoh bơsram jak, hạnh kiểm niam. Bal mờ broă dờp ròng siam, Pôs đồng ling sền gàr tiah nhàr lơgar mpồng nhàr lơgar dunia Lệ Thanh gam hòi jà cau geh nùs nhơm niam, ală kes pria\ dong kờl cau r[ah, lơh dùl nơm hìu ơm mờ kờp pria\ 50 tơlak đong nàng dong oh mi Tĩnh dê in geh tiah ơm kơl jap.

Trung úy Rơ Chăm Tuyn, Pôs đồng ling sền gàr tiah nhàr lơgar Mpồng nhàr lơgar dunia Lệ Thanh pà g^t,  mờ broă lơh “ kòn ròng pôs đồng ling sền gàr tiah nhàr lơgar” lơh rề ơ nàng tàm ală pôs đồng ling sền gàr tiah nhàr lơgar tàm gơl gùng tiah nhàr lơgar, dong ua\ kơnòm bơsram geh bơta niam pơn jat tai lòt bơsram. Mờ kơnòl broă kung bè mờ nùs nhơm bơh dùl nă cau bèp sùm ơm ngài hìu bơnhă, ală kuang bàng, cau ling sền gàr tiah nhàr lơgar neh ròng siam ală kơnòm dềt bè là cau tàm hìu bơnhă bal. Bơdìh mờ broă  sào sa, ơm kis pah ngai, mpồl ling gam bơto ală oh in ală bơta chài kis kuơ màng, ngan là sền gròi broă bơsram sră ai ală kơ nòm dềt in.

Bal mờ hơ\, ală “ bèp ròng” kung sùm lùp còp, bơto bơtê jơnau g^t wă nàng gơtùi bơto ală kơnòm in tàm jơnau bơto bơtê pa. Tềng dùl nơm hìu ơm bal tàm mpồl ling sền gàr tiah nhàr lơgar dê, ală oh ndrờm geh nùs nhơm kờ` gơboh bal, bơto bơtê bơsram sră bal, pơlam tàp nùs nhơm niam nàng tơnơ\ do dờng gơtùi gơ gơs là làng bol geh kuơ ai mpồl bơtìan in.

Ờ mìng lơh gơs kơnòl broă sền gàr tiah nhàr lơgar dà lơgar dê, ală cau ling sền gàr tiah nhàr lơgar gam lơh tơl kơnòl broă “cau bèp” bơh ală kơnòm dềt geh rài kis ua\ kal ke in. Rùp să cau ling cèng gria\t tơlir tàm gơl gùng tiah nhàr lơgar ngai sơlơ rềp mềr, kờ` gơboh mờ làng bol tiah nhàr lơgar. Ală broă lơh geh kuơ tiah “nhàr lơgar kơ\ kơl jap” bơh dà lơgar dê gam pơgồp bơnah bơt bơtàu mờ lơh pràn bơta pin dờn bơh làng bol tàm tiah do lơh ngan tus bal gàr kơ\ kơl jap gơnoar tờm ù tiah, kơnhòal, bơta lơngap lơngai tiah nhàr lơgar bơh dà lơgar dê.

Quốc Học jat ba\o Gia Lai- Cau mblàng K’ Hạnh