VOV4.K’ho – Ngai òr 19/01, tàm hìu lơh broă Gah Kuang àng dà lơgar dê, Đại tướng Trần Đại Quang kuang atbồ Gah Kuang àng dà lơgar wa\ Mpồl kuang bàng ala mat dờng màng Gah Kuang àng dà lơgar Campuchia bơh Thống tướng Em Sam An kuang atbồ Gah Kuang àng dà lơgar Campuchia lơh kuang atbồ mpồl lòt còp mờ lơh broă mờ Gah Kuang àng dà lơgar Việt Nam.

Tàm dơ\ wa\ rò mpồl kuang bàng, Đại tướng Trần Đại Quang đơs loh, tềng đap ală bơta gơbàn bơh bơta tàm dunia mờ tàm tiah do dê, sồr mpồl kuang àng bơh 2 lơgar dê kờn pal pơn jat tai sơlơ tàm yal tơngi\t bal jơnau, tam pà bal bơta mờng chài tam dră mờ ală cau lơh tìs, ngan là cau lơh tìs geh mpồl gan ù tiah nhàr lơgar, cau lơh tìs ma tuý, cau lơh tìs ngui măy mok jak chài pa, cau lơh tìs kă bro cau. Mơkung lơh sùm broă tam tìp, ai ală mpồl kuang bàng ală kơnă đah 2 Gah Kuang àng dà lơgar dê lòt còp bal mờ gơ\p kờn sơlơ tơnguh tai bơta gi\t gơ\p lơh bơ yô bal, tam klac bal đềt mềr; sùm lơh uă tai mờ bơtàu tơnguh bơta gi\t gơ\p dờng màng mờ bơta tam klac bal tơl làm đah mpồl kuang àng 2 lơgar…

Cau cih mờ yal tơngi\t- Lơ Mu K’ Yến