VOV4.K’ho - Neh rơlao 40 nam, mơya mờ cau ling Trường Sơn, nùs nhơm kah kơlôi bè tam lơh Hồ Chí Minh-tơnklàs Sài Gòn, tơnklàs đah jum, dà lơgar tơrgùm bal gam geh sùm. Hơ\ là nùs nhơm kah kơlôi bè ală ngai jăk chài, tơl mpồl rơndeh cau ling sò tơm tus tàm ală tiah tam lơh mờ lồi du\t là Sài Gòn. Hơ\ là bơta pràn bơh pha lin mờ nùs nhơm ngoh rơngăc neh geh tu\ tus tàm Sài Gòn-{òn dờng Hồ Chí Minh tơnơ\ mờ tu\ [òn dờng do geh tơnklàs.

Thiếu tướng Phan Khắc Hy, kuang jat jơng đơng lam bồ Mpồl ling Trường Sơn lài do nam do neh mờr 90 sơnam, mơya tu\ kah wơl bè dơ\ tam lơh Hồ Chí Minh, ồng kung gam kah bè ờs tơl tu\ jơ, tơl mpồl ling, mat ồng gơlơh àng gơ crà bơta pơn ìơ să, bơta chờ hờp. Ồng yal, nhai 2 nam 1975, uă mpồl lơh broă dà lơgar dê tus sền broă rơcang lài tus mờ dơ\ tam lơh dờng tàm Trường Sơn. Tu\ hơ\, mpồl ling Trường Sơn mờ 2 Sư đòan rơndeh dờng pơndiang tơl làm bă tiah ală mpồl ling kuơ màng, 4 Sư đòan ling phàu kơnong, gùng brong xăng jờu neh tus Bù Gia Mập, gàr tơl xăng zờu ală mpồl ling in…neh rơcang tus mờ dơ\ tam lơh dờng. Tàm dơ\ tam lơh do, dơ\ sơn rơờ tàm rài kah yau, ling klàng lơgar Việt Nam geh ngui mai\ mok, rơndeh rơndồ. Hơ\ là, tơn jơh bơta ling lòt jơng, à` ơnòng phan, ala mờ hơ\, ală mpồl ling, phàu crong geh pơndiang mờ rơndeh dờng lơm. Ală mpồl ling ndrờm geh mpồl mai\ rơndeh mơya mìng tơl nàng gàr broă dong kờl. Jơh ală broă pơndiang gam wơl nàng pơndiang mpồl ling, dong kờl phàu crong dờng ndrờm geh mpồl ling Trường Sơn lơh jơh. Thiếu tướng Phan Khắc Hy kah wơl: “Tu\ hơ\ mpồl ling Trường Sơn dờp kơnòl geh pơyua kuơ màng gơ rềng tus pha lin dơ\ tam lơh dê. 2 Sư đòan rơndeh dờng, pơndiang ală mpồl ling dờng, gơs là mpồl ling geh ngui rơndeh rơn dồ. Den tàng, tơngai tam lơh gơguh mhar, lơh gơs bơta pràn ni sơna mờ Đại tướng, kuang atbồ dờng màng ling klàng dờp git là: Kơnờm geh mpồl ling Trường Sơn mờ ală mpồl ling tờm geh anih nàng tơr gùm, geh anih nàng sơn đờm tàu tam lơh, mơkung geh ai rơndeh rơn dồ, lơh gơs bơta pràn tam lơh tàm dơ\ tàu tam lơh kuơ màng, den tàng bơngă bơh 2 Sư đòan rơndeh dờng mpồl ling Trường Sơn dê tă pơgồp uă ngan tàm dơ\ tam lơh Hồ Chí Minh”.

Rlao 5.000 nơm rơndeh di 2 Sư đòan 471 mờ 571 bơh mpồl ling Trường Sơn dê pơndiang Quân đòan 1, Quân đoàn 2, Quân đòan 3 tam lơh mờ bol sò tơm bơh Huế, Đà Nẵng, Tây Nguyên tus tiah đah jum mattơngai lik dà lơgar mờ lồi dut là tơngklàs Sài Gòn. Tus tềng lơi, jai pha tềng hơ\, bol sò tơm ruc ling dô ur ar. Kung tài là dơ\ sơn rờp tàm rài kah yau bol he ngui rơndeh rơn dồ ling klàng, den tàng ờ gơtùi ràng tơlik jơh nùs nhơm bơh mpồl ling Trường Sơn dê tu\ hơ\. Bơh broă mut lơh kơnòl ờ mìng tam lơh, mờ gam pờ mờ sền gàr gùng Hồ Chí Minh, gùng brong xăng jờu, tus bal bal mờ ling đăng ù gờl mờ ală mpồl ling ndai tus bal tơn tàm ală dơ\ tam lơh tơngklàs tiah đah jum, mpồl ling Trường Sơn tu\ hơ\ git loh làng ngan kơnòl he dê, tơr gùm jơh bơta pràn nàng geh pha lin. Đại tá Đinh Công Ty, tu\ hơ\ là atbồ mpồl Đảng mpồl ling rơndeh dờng pơndiang sồ 11, Sư đòan 571, mpồl ling Trường Sơn yal: Băng: “Mai\ rơndeh đơs bal mờ chờ hờp ngan. Tu\ hơ\ să tờm he là rơndeh dờng, mờ bơh jo\ mìng pơndiang phan bơna, phàu crong bơh tiah đah tô mut tiah đah jum dà lơgar tà m bơta bol sò tơm lơh aniai, kal ke ngan. Tu\ do mai\ rơndeh tàm gùng dờng sồ 1, pơndiang ling tam lơh đăng ù gờl tai den tàng ờ geh bơta lơi chờ hờp rơlau. Den tàng oh mi lơh ngan gàr ờ do ờ dă, tàm pơdar mai\ rơndeh ờ rơlô, drơng tơl jơnau kờ` ling tam lơh đăng ù gờl dê, ờ duh pal sàu sa kung di sơl, ai phan sa lơh ro di sơl. Chờ hờp bè hơ\ tơn. Bol sò tơm ntoat dô ur ar, he pal jòi rơndeh, cau mai\ rơndeh mpồl ling Trường Sơn dê nàng pơndiang ală mpồl ling kuơ màng hơ\ sồng geh thàn”.

Tu\ neh pha lin, tus Sài Gòn, nùs nhơm ờ tu\ lơi gơtùi đơs mờ ală cau ling Trường Sơn tơngklàs dà lơgar. Tàm mpồl ling mut tàm Sài Gòn, cau ling Trường Sơn geh tai 1 kơnòl, hơ\ là tus bal sền gàr [òn dờng tơl làm, dờp sền gàr ală bơta gam wơl nàng bơt bơtàu niam rlau. Thiếu tướng Phan Khắc Hy tus Sài Gòn tàm drim ngai 1 nhai 5 yal wơl: “Tu\ hơ\ a` mờ bi Đinh Đức Thiện, kuang atbồ đah dong broă, kuang jat jơng đơng lam dơ\ tam lơh, 2 nă bol a` mut tàm Sài Gòn, bi Thiện đơs mờ a` là “Dơ\ do dờp atbồ Sài Gòn, pal krơi, ờ di bè lài”. Sài Gòn wil tơl bè hơ\, pal sền gàr ală broă lơh gơ dê. A` mờ bi Thiện mut tàm ală hìu tac phan, lòt jơh ală gơl gùng, làng bol chờ hờp ngan, sền cau ling 1 bă ngềr ngan. Chờ hờp ngai tơnklàs dê, 1 ngai mờ cau lơi kung hòr dà mat, 1 bơta kơp kờ` nđờ jơt nam. Den tàng gơtùi đơs bol a` tu\ hơ\ ờ gơtùi đơs bơta ngoh rơngac he dê”.

Dơ\ tam lơh Hồ Chí Minh kung neh tơn jơh kơnòl kah yau jo\ jòng 16 nam bơh mpồl ling Trường Sơn dê, kờp bơh tu\ geh crơng gơs tàm nhai 5 nam 1959 mờ mat sơnđan mpồl 559. Tàm 16 nam hơ\, mpồl ling Trường Sơn neh geh ală cồng nha kal ke ngan gơtùi sơnơng git, hơ\ là git nđờ jơt rbô kơi sồ gùng lòt, gùng brong, hơ\ là mpồl ling mờ ơruh pơnu lam lài geh mat tàm tiah tam lơh do geh tu\ gơguh tus 120 rbô nă cau, hơ\ gam là bơta pin dờn pha lin sơr lèt gan jơh ală bơta kal ke, cui rơcai bơh dơ\ tam lơh dê. Tam lơh Hồ Chí Minh, tơng klàs Sài Gòn, tơnklàs tiah đah jum gam kuơ màng ngan tus mờ mpồl ling Trường Sơn, tu\ pha lin ngan ngồn là 1 tơngai àng gơ crà bơh mpồl ling do dê./.

Cau mblàng K’ Duẩn