VOV4.K’ho - Tàm dơ\ ntàu tam lơh dờng kàl prang nam 1975, Buôn Ma Thuột là tiah dờng màng ngan sơnđờm ai dơ\ ntàu tam lơh in. Buôn Ma Thuột ờ di là dùl anih lơh broă ling klàng pràn, mơya gơlơh ngòt rơ ngơ\t ngan wơl. Rơwah jơnau kờn tus ntàu tam lơh sò tơm là ờ pràn mờ ngòt rơ ngơ\t là Buôn Ma Thuột, ling he neh mhar ngan tam lơh jai pha, tơngklàs jơh ù tiah Tây Nguyên, mờ jơh bal tiah ring kềng gah dà lềng đah jum tàm gùl lơgar, tus tam lơh tơngklàs Sài Gòn.

Đơs tus jai pha tam lơh Buôn Ma Thuột, dùl na\ cau ling gơguh grap dờng sơnam sơnđan Phan Khắc Hy mờr tòm 90 nam geh bơta bềng chờ hờp mờ pơnyờ sa\ ngan. Tu\ hơ\ òr, ồng la kuang jat jơng atbồ Binh Đoàn 559 cau ling Trường Sơn la ling sa\ tờm ngan tus bal tàm dơ\ tam lơh jai pha  Buôn Ma Thuột. Ồng đơs ờ hềt tu\ lơi cau ling he lik lòt tam lơh kờ` ngan, chờ ngan mờ bềng bơta pin dờ` bè dơ\ tam lơh lơh tàm Buôn Ma Thuột tàm kàl prang bồ sơnam 1975. Tu\ hơ\ òr, dơ\ tam lơh bơh jơi bơtìan he neh mut tàm tu\ geh ai go\ tờm ngan, tu\ bơta dờng neh gơlik geh. Dà lơgar mờ Gah atbồ ling klàng geh kơrnuat rwah anih lơh ngan tam lơh, anih kuơ màng. Rwah anih lơi geh pơrya kuơ màng ngan? Mờ anih tờm ngan la Buôn Ma Thuột- ù tiah geh kuơ mờ hơ\ la bol sò tơm ờ pràn nàng pờ gùng lam lơh  dơ\ sò tơm dờng nam 1975. Ala\ sư đoàn tờm bơh cau ling Trường Sơn neh ngui 2 sư đoàn rơndeh dờng cơ động mhar sơbac ngan mờ ai sơ gràm geh ala\ anih geh kuơ lài  mờ tơngai geh ai. Broa\ lơh rcang nền nòn ngan, ờ hềt tu\ lơi mpồl geh gal bè hơ\, cau ling he tàm bơta rcang tam lơh jơnhua ngan. Thiếu tướng Phan Khắc Hy kah wơl:“Ngai 9/3 he lơh Đức Lập mpồng mut tàm Buôn Ma Thuột, 10/3 geh lơh jơh sò tơm ngan tàm anih pôs đồng tờm bol sò tơm tàm Buôn Ma Thụot. Ngai 11/3 he ai geh jơh tiah tam lơh. Bol sò tơm bơyai lơh dra\ wơl he tàm Phước An, mơya he neh rcang lài mpồl ling nàng sal tê wơl mò bol sò tơm tàm tu\ bol sò tơm lơh wơl, neh gơbàn he lơh gơsơt jơh den tàng lơh bol  sò tơm ngòt rngơt ngan mờ bol khi geh dùl jơnau đơs ờ di mơ kung bơh ờ geh jai tàm Buôn Ma Thuột mờ bol sò tơm geh lik bơdĩh Tây Nguyên nàng rê tàm tiah ring kờ` gàr. Ngai 17/3 bol sò tơm geh kơrnuat ai rê quân đoàn 2 ngụy rê hờ tiah ring. He git geh bơta hơ\ ai ala\ mpồl sư đoàn lòt pơ dar bơh gùng sồ 7 kơryan gùng dô rê bơh bol sò tơm, bol sò tơm gơtua\ kơ lìn  dùl ơnih. Jơh quân đoàn 2 bơh bol sò tơm gơbàn wàng se mờ kup ris jơh”.

Dơ\ sò tơm dờng mờ ntàu tam lơh kàl prang bồ sơnam 1975 pờ gùng mờ dơ\ lơh tàm pôs ling bol sò tơm tàm Buôn Ma Thuột neh lơh geh jai pha. Jai pha bơh dơ\ tam lơh Tây Nguyên neh lơh pơnrơ ngan, lơh gơ sơlơu\ jơh dơ\ tam lơh bơh bol sò tơm mờ lơh geh he in bơtàu tơngguh kuơ màng ngan, lơh dơ\ jai pha tam lơh gơs jai pha kuơ màng, lơh geh bơta pa bơh dơ\ tam lơh jai pha tàm broa\ lơh tơng klàs đah jum dà lơgar lài mờ nhai mìu  nam 1975 tus.

Giáo sư, tiến sĩ, thiếu tướng Huỳnh Nghĩ tu\ hơ\ mờ bơnga\ la cau ling geh ai tus ling klàng tàm quân đoàn 3 sa\ tờm tus tam lơh tàm Buôn Ma Thuột, la cau ling đah bơh Tây Bắc geh lòt tus Sài Gòn neh geh jơnau bơsram dờng ngan bơh dơ\ tam  lơh jai pha Buôn Ma Thuột:“Gờtui đơs broa\ rcang pờ gùng lam bồ dơ\ sò tơm mờ ntàu tam lơh rwah Tây Nguyên mờ Buôn Ma Thuột jat ala\ cau mblàng jak phương Tây đơs la Buôn Ma Thuột la jak chài ngan. Nàng lơh gơlik geh bơta do, bol he neh rcang 2 nam is. Rwah Buôn Ma Thuột la jak chài ngan bơh ala\ cau ling klàng Việt Nam, bơta trơ gùm bal bơh jak chài, chài rgơi ling klàng Việt Nam hơ\ sồng rwah geh Buôn Ma Thuột nàng lam bồ. Buôn Ma Thuột la anih di pôs ling cau. Tơnơ\ roh Buôn Ma Thuột, Nguyễn Văn Thiệu neh sang Tây Nguyên, dô pleh, lơh geh dùl broa\ tam gơk dờng bơh dơ\ tam lơh”.

Nàng  geh jai pha  do, bol he neh bơsram bơta  chài tam lơh bơh bèp ồng. Nguyễn Trãi neh đơs:“ Sang tềng pràn lơh tềng ơ sô, pleh tềng pràn lơh tềng ờ pràn, den ngui pràn mơ gùl mờ geh cồng nha tus 2 dơ\”. Kờ` lơh Buôn Ma Thuột mhar jai pha,  pal lời ing lơh Pleiku nàng Buôn Ma Thuột ờ pràn bè lài. Mờ he neh lơi ing Pleiku, bol sò tơm neh gơmut tàm bơta mờ he geh lam lơh. Lòt di gùng, lơh di anih, jai pha Buôn Ma Thuột neh geh ala\ cau sền sơnơng rài dà lơgar mblàng, đơs jơnhua bè bơta chài bơh ling klàng Việt Nam. Phó giáo sư, Tiến sĩ, Đại tá Hồ Sơn Đài kuang atbồ cơldu\ khoa học ling klàng quân khu 7 lài do đơs:“Jai pha bơh Buôn Ma Thuột lời wơl ua\ ngan jơnau bơsram mờng, tàm hơ\ geh jơnau bơsram bè rwah di gùng mờ broa\ lơh bơh dơ\ tam lơh den tàng bol he neh lơh bol sò tơm  nisơna  ngan. Bơta do neh trơ wơl wơl mờ bơta tơmoh bơh ling klàng Việt Nam cộng hoà  la he sò tơm nàng tơng klàs Kon Tum mờ Pleiku. Den tàng ling bol sò tơm tàm Tây Nguyên ua\ ngan mìng ơm đah tô Tây Nguyên mờ geh lơh bol sò tơm gơbàn ờ thàn git, kui kuơ mờ tơnơ\ hơ\ pal ntoat dô, lơh bol he in bơtàu tơngguh jai pha bơh Buôn Ma Thuột, tơng klàs jơh Tây Nguyên mờ ala\ càr tiah ring jat gah dà lềng đah jum tàm gùl lơgar”.

Tơnơ\ geh tơng klàs Tây Nguyên, bơta pràn bơh he dê neh gơguh nisơna, nùs nhơm tam lơh gơguh, bơta pràn phan bơna gơguh.  Kơrnuat lơh mo di pal- mhar sơbac-kơrnuat geh jai neh chul chồl gut ling klàng tàm gùng lòt tam lơh. Dùl bơta pràn tàm dơ\ lòt tam lơh tàm kàl prang bồ sơnam mờ nùs nhơm pin dờ` geh jai pha neh lơh geh bơta pràn ai tus cau ling he geh mut tus Sài Gòn, tơng klàs jơh đah jum dà lơgar, lơh gơs dơ\ tam lơh Hồ Chí Minh pha lin dờng tàm ngai 30/4/1975.

                                                            Cao Thoa cih, }au mblàng K’ Brọp