VOV4.K’ho - Di tơnkah 38 nam ngai cau pơgru Việt Nam ngai 20 nhai 11, tàm Hà Nội, Mpồl tam klăc cau ùr Việt Nam pơgồp bal mờ Bộ Giáo dục mờ Đào tạo, Uỷ ban Dân tộc mờ Tập đoàn Thiên Long bơyai lơh “Tam pà bal mờ cau pơgru” nam 2020, pơn jờng ală cau pơgru là kòn cau.

Ồng Võ Văn Thưởng, Uỷ viên Bộ Chính trị, Bí thư Trung uơng Đảng, Kuang atbồ Ban Tuyên giáo Dà lơgar bal mờ kuang đơng lam ală Bộ, gah lơh broă dà lơgar tus bal.

Broă lơh “Tam pà bal mờ cau pơgru” nàng lam sồr, pơn điang mờ dờp ală broă lơh geh lơh sùm, ờ ơm bơh ală cau pơgru, do là ală cau neh ai uă ngan tơngai, bơta pràn mờ jơh nùs sơrlèt mờ uă kal ke, glar bòl, pơgồp bal tàm broă bơto bơtê mờ bơsram bơtơl rơnàng kơnòm să in.

                       Kuang atbồ Ban Tuyên giáo Dà lơgar ồng Võ Văn Thưởng jào sră jờng rơ ală cau pơgru in

Jăt bi Nguyễn Anh Tuấn, Bí thư lài ngan Đoàn TNCS Hồ Chí Minh, Kuang atbồ mpồl tam klăc ơruh pơnu Việt Nam yal, nam 2020 broă pơn jờng 63 nă cau pơgru kòn cau bơh 26 jơi bơtiàn kòn cau geh pơnrơ jăk dê. Tàm hơ\ geh 6 nă cau pơgru gơwèt mpồl jơi bơtiàn kòn cau ờ gal cau (hờ đơm 10 rơbô nă).

Cau pơgru uă sơnam ngan là pơgru Thạch Bình Thanh, kòn cau Khmer, deh nam 1969, bơto tàm hìu bơsram cấp 1 Thạch Thía, càr Vĩnh Long mờ rơlao 33 nam bơto sră; pơgru gam kơnòm ngan là pơgru PiNăng Thị Hải, kòn cau Rơglai, deh nam 1996, bơto tàm hìu bơsram mầm nòn Phước Bình, càr Ninh Thuận.

Do là ală cau pơgru kòn cau neh sơrlèt mờ ală kal ke, glar bòl mờ bơto kơnòm bơsram tàm tiah sar lơgar ngài, tiah nhàr dà lơgar, tiah geh broă lơh sa mpồl bơtiàn gơtìp kal ke…, geh cồng nha tàm broă bơto sră mờ geh cau mè bèp kơnòm bơsram bal mờ làng bol dờp. Bi Nguyễn Anh Tuấn đơs:

He ndrờm go\ 63 nă cau pơgru geh pơn jờng ngai do, ndrờm neh lòt gan mờ uă nam nhai jo\ jòng bal mờ sơrlèt mờ ală bơta glar bòl kòl jan kal ke.

Bol a` g^t loh là, tơl nă cau pơgru tàm do ngai do geh dờp broă lam sồr, pơn điang, geh bơta bơta pràn đềt mềr mờ broă bơto sră den geh g^t nđờ rơbô, jơ\t rơbô nă kơnòm dềt kis tàm tiah kal ke ngan dà lơgar dê geh bơsram sră, geh pơn điang pơn dờm, gơboh bal, mờ geh bơta niam nàng tam gơl rài kis bơh să tòm kung bè [òn lơgar tòm.

Tàm dơ\ pơn jờng, ală kuang bàng neh iăt jơnau tam pà bal bè rài kis hìu nhă; broă sơrlèt gan mờ kal ke, brồ guh tàm rài kis mờ bơto sră, ală broă sền gròi, ală bơta ờ su\k ơm gơwèt mờ broă bơto sră dà lơgar dê, broă tơnguh bơtàu [òn lơgar… bơto sră tàm hìu bơsram ngài ngan càr Điện Biên dê, do là tiah geh gal jơi bơtiàn kòn cau ờ gal cau ơm kis, pơgru Phùng Thị Thuỷ, kòn cau Thái, bơto tàm hìu bơsram Mầm non xã Pa Thơm, càr Điện Biên yal: tàm hìu bơsram ờ hềt geh ồs đèng, ờ hềt geh sóng điện thoại, kờ` lòt tus hờ hìu bơsram den pal đì rơkì, tu\ trồ mìu den pal lòt jơng rơlao 4 jơ hơ\ sồng tus:

-Bơta kah ngan dơ\ sơnrờp tus hờ [òn, nùs nhơm là tus tàm [òn go\ kơnòm bơsram gơtìp kal ke ngan, a` sền ală kơnòm mờ ào mpha kung ờ geh nàng soh sơl. Mơya tu\ ală kơnòm sền go\ a` den ală kơnòm mờ cau mè bèp tus bal gal ngan.

Bơh tu\ hơ\, nùs nhơm a` kờ` gơboh mờ a` gơlơh kờ` đềt mềr mờ hìu bơsram mờ a` gam bơto tu\ do. Bơh tu\ hơ\, nam lơi a` kung dan tus hìu bơsram tàm [òn nàng bơto.

Gam pơgru Lý Thị Thu, kòn cau Dao, bơto tàm hìu bơsram cấp 1 xã Long Đống, càr Lạng Sơn mờ 20 nam bơto mờ tu\ do gam lơh broă bal tai là drơng broă đội, pơgru sùm tam gơl pa broă lơh đội mờ broă lơh kơnòm pa tào mờ kơnòm dềt, nàng pơgồp bal tàm broă ai geh tai broă lơh, nhơl chờ, lơh geh uă bơta ngăc ngar niam ai ơruh pơnu, kơnòm pa tào mờ kơnòm dềt tàm do in.

Mờ lơh ngan đềt mềr mờ ală hìu nhă bal mờ kơnòm bơsram nàng lam sồr cau mè bèp làng bol kòn cau ai ală kơnòm lòt bơsram. Tam pà bal nùs nhơm ngoh rơngăc tu\ geh tus bal di tơnkah ngai cau pơgru Việt Nam, pơgru Lý Thị Thu pà g^t:

-A` pơnyờ să ngan tu\ geh là dùl tàm ală cau pơgru kòn cau geh dờp khà pơn jờng do, ưn ngài mpồl bơyai lơh neh ai tơl bơta niam nàng bol a` tìp bal, bơsram bal broă mờng chài, geh tìp bal mờ ală cau pơgru là kòn cau tàm gùt lơgar.

Să tòm a` go\ gơlơh tàm tiah a` lơh broă gơtìp kal ke, mờ kơnòm bơsram neh kal ke bloh. Mơya tu\ tus tàm do tìp mờ ală cau pơgru bơh ală càr ndai a` go\ să tòm a` gơlơh bơtoah ngan rơlao mờ ală cau pơgru ndai. Do kung là bơta pràn nàng a` geh lơh ngan rơlao tai tàm broă bơto bơtê a` dê.

Tơnơ\ mờ 5 nam lơh jăt, broă lơh do neh pơn jờng 277 nă cau pơgru geh pơnrơ jăk. Hơ\ là ală cau pơgru “bơto tàm [òn” bơto tàm tiah sar lơgar ngài, tiah geh broă lơh sa mpồl bơtiàn gam uă kal ke; ală cau pơgru gam bơto tàm ală kơnhoàl bồt, xã bồt dà lềng ngài; ală cau pơgru là ală kuang bàng, cau ling tàm mpồl ling sền gàr tiah nhàr dà lơgar bơto kơnòm bơsram bal mờ ală cau pơgru bơto ală kơnòm dềt koe\t kơl te; ală cau pơgru bơto kơnòm bơsram là oh kòn ală jơi bơtiàn kòn cau.

Cau mblàng Ndong Brawl