VOV4.K’ho- Pa do, Đoàn Ơruh pơnu Cộng sản Hồ Chí Minh tiah Tây Nguyên bơyai lơh dơ̆ tàm pơr lòng rơ nàng kơnòm să bơceh pa mờ jờng rơ chi đoàn pràn, tìp mat Bí thư chi đoàn pơn rơ jak gùt lơgar tiah Tây Nguyên nam 2021. Tus bal broă lơh geh Kuang bàng ala mat bơh Ban Thường vụ Đoàn Ơruh pơnu Cộng sản Hồ Chí Minh 5 càr tiah Tây Nguyên dê mờ rlau 100 nă cau ala mat là Bí thư chi đoàn, ơruh pơnu lơh sa jak, ơruh pơnu pơn rơ jak tàm sơn đờm mut lơh broă bơceh pa ală càr tàm tiah do dê. Do là broă lơh gờm chờ tơngkah kir sơnrai 90 nam Ngai crơng gơs Đoàn Ơruh pơnu Cộng sản Hồ Chí Minh (26/3).

10 nă cau lơh sa kă bro pơn rơ jak geh jờng rơ

 Broă lơh geh bơyai lơh ală broă bè: pơrjum “tìp mat tơm bơh bơr gùng dà broă lơh sơn đờm mut lơh broă bơceh pa” dong đoàn viên ơruh pơnu ală mpồl cribơyai, tam pà bal bè broă lơh niam, broă lơh bơceh pa tàm broă lơh sơn đờm mut lơh broă tàm tiah do dê kung bè broă bơtàu tơnguh mpồl lơh sa kă bro sơn đờm mut lơh broă  mờ ai tơlik ală broă lơh nàng kờñ tơnguh mpồl sơn đờm mut lơh broă bơceh pa. Di dơ̆ do, jờng rơ 10 krơh niam cau lơh sa kă bro kơ nòm să pơn rơ jak tàm 5 càr tàm tiah Tây Nguyên dê.

Cau mblàng K’ Hạnh