VOV4.K’ho-Mho ngai 9/10 tàm kơnhoàl Ea Sup, càr Dak Lak, ala mat Tập đoàn Ồs đèng Việt Nam (EVN) pơgồp bal mờ gơnoar atbồ tiah do dê bơyai lơh sơn đờm mut ngui mờ jàu ală broă lơh đèng mat tơngai ơn tàm rơkàng hìu ai Hìu bơsram kấp 2 Quang Trung, thị trấn Ea Súp, kơnhoàl Ea Súp, càr Dak Lak in.

                                                Ală công nhân cah lơh broă Ồs đèng crăp ală pang pil

Broă lơh đèng mat tơngai ơn tàm rơkàng hìu tàm hơ\ geh 4 pang pil, bơta pràn mut lơh 8,5 kWp, lơh geh đèng pah nam kờp du\ geh 15 rơbô kWh.Jat gah Ồs đèng Dak Lak đơs, kờp jơh priă crăp đèng mat tơngai pơgap 250 tơlak đong, bơh Tập đoàn Ồs đèng Việt Nam dê pà. Hìu bơsram kấp 2 Quang Trung tu\ do geh 900 kơnòm bơsram jat bơsram tàm ală khối bơh ơdu\ 6 tus ơdu\ 9, tàm hơ\ geh rlau 35% là oh kòn làng bol jơi bơtìan kòn cau.

                  Tổng Kông ty Ôs đèng tiah tàm nggùl lơgar mờ ală mpồl  dong kờl pà phan mờ priă bơsram

Di dơ\ do, Tổng Công ty Ồs đèng tiah tàm nggùl lơgar kung neh pơgồp bal mờ 2,3 mpồl lơh broă dong kờl bơyai pà phan mờ pà priă bơsram ai uă kơnòm bơsram geh rài kis kal ke in geh cồng nha jak ngan tàm broă bơsram sră mờ khà priă gơguh tus g^t nđờ jơ\t tơlak đong; 2 nơm hìu nùs nhơm kờp mờ priă 100 tơlak đong ai hìu bơnhă r[ah, hìu bơnhă chính sách tàm ù tiah kơnhoàl Ea Sup dê in.

Cau mblàng K’ Hạnh