VOV4.K’ho- Mu\t tus nhai 5, Gia Lai tơn jơh kàl tơrdih tàu sơdàng nam 2020 tàm bơta kơlôi rcăng uă ngan, tu\ tàu nrang lơh geh mìng geh nggùl lơm pơndrờm mờ ală nam lài. Là càr geh bă ù tam tàu dờng ngan rlau jơh tàm tiah Tây Nguyên, geh nam tus rlau 40 rbô tấn, mơya tàu tăc ờ yòm sùm, cồng nha lơh sa pah nam sơlơ ờ uă tai gam là bơta lòng dờng gơ wèt mờ càr.

Ồng Nguyễn Hồng Phong ơm tàm tổ 3, sơnah [òn An Phước, thị xã An Khê geh 1 lồ tàu ơm ngài mờ hìu măy lơh sơdàng An Khê mìng 3 kơi sồ lơm. Đah đơm, ngài di pơgăp 200 thơk là tơnau dà kung gam bềng ngơr dà sơl, mơya tàu tàm sươn den gơtìp lời sơrbì tơhìr ngan dà, ro rơng jơh. Ồng Phong pà git, hìu măy geh dong kờl sơl 1 tơlak đong nàng tuh dà tàu in, mơya priă jền do ờ go\ geh bơta lơi kuơ ờ tu\ tơngai prang duh jo\ jòng sùm tus mờr 8 nhai tàm nam. Jăt ồng Phong yal, tàm An Khê tu\ do, cau lơh broă sa mìng kơlôi tus jơnau tam gơl nàng tam wơl tờm chi tam ndai lơm. Ồng Nguyễn Hồng Phong, đơs: Sền bal den tu\ do là cau lơh broă sa lời sơrbì jơh, ờ go\ geh cau lơi kờ` tam tai tàu ờ. Tài bơh tàu tu\ do tăc ờ yòm ngan. Tam tàu tu\ do ờ geh cồng nha ờ.

Mò Huỳnh Thị Oang, dùl nă cau tờm blơi tàu mờ tăc phan drơng tàm broă lơh sa ai cau lơh broă sa tàm thị xã An Khê in pà gi\t, kàl lơh tàu nam 2020 do, bă tàu pơn jăt tai gơmù tài bơh cau lơh broă sa gơtìp hoàc hươr ngan, tam gơl ù tam tàu nàng tam wơl tờm chi tam ndai, tàm tu\ dùl êt nă ngan cau tam tàu kàl pa. Jăt mò Oanh yal, cồng nha lơh geh bơh rlau 70 tấn tus rlau 100 tấn tàu tàm dùl lồ tàm tiah An Khê, neh là jơnau pơgăp mờ do jo\ ngan gơ bloh. Bàr pe kàl rềp ndo, tài trồ tơngai prang duh, soăt dà, cồng nha tàu lơh geh uă ngan mìng là hơđơm 50 tấn lơm tàm dùl lồ. Tàu pa tam bồ kàl, uă bă tàu mìng lơh geh 20 tấn lơm tàm dùl lồ, lơh cau lơh broă sa hoàc hươr kơn jơ\ ngan. Mò Huỳnh Thị Oanh, đơs: Dùl lồ geh 20 tấn, kờp jơh priă koh tàu mờ priă yờ, ntrờ` mìng gam geh 10 tơlak đong lơm gời. Tàm tu\ hơ\, priă bơcri lơh tàu tàm dùl lồ, mìng priă lơh òr ù lơm là neh jơh tus 7 tơlak đong tơn. Priă blơi sơntìl jơh 10 tơlak đong, priă phơng jơh 9 tơlak đong…bè hơ\ là hoàc hươr ih, tài bơh bơcri jơh bàr jơ\t pe jơ\t tơlak đong, ờ hềt kờp priă apah cau jì nhơ\t tai…hoàc hươr ngan.

Bal mờ rlau 3 rbô lồ, mờ rềp tai hìu măy lơh gơlik sơdàng, thị xã An Khê sền tàu là tờm chi tam tờm. Tờm chi tam tờm do gam sùm gơmù bè priă lơh sa tàm ală kàl rềp ndo. Jăt ồng Phan Vĩnh Tấn, Phó Kuang ătbồ Phòng Lơh sa thị xã An Khê dê yal, kàl tàu nam 2020, bal mờ cồng nha lơh geh kờp bal bơh 25 tus 30 tấn tàm dùl lồ, priă lơh sa bơh tàu dê neh gơmù uă ngan. Tàm tơngai tus, thị xã kung gam ờ hềt geh broă lơh lơi gơ wèt mờ tờm chi tam do, mơya pơlam gùng dà là cau lơh broă sa geh lơh ngan tam gơl chi tam, bơsir wơl hoàc hươr mờ priă geh bơh ală tờm chi tam pa.

Ồng Phan Vĩnh Tân, đơs: Tàm jơnau bơto sồr bơh thị xã An Khê dê den tàm tơngai tus, ală bă ù kal ke bè dà tuh den kung gam tàu sơl. Ai ală bă ù lơi gơtùi rcăng geh dà tuh den bol a` sồr làng bol tam gơl nàng tam ală tờm chi tam pa, bè biăp, chi sa plai, chi lơh sơnơm.

Jăt ồng Nguyền Hoàng Phước, Phó Kuang ătbồ drơng kơnòl broă bơtàu tơnguh phan lơh gơlik phan bơna, hìu măy lơh sơdàng An Khê dê đơs, tờm tàu tìp kal ke sùm tàm 3 kàl pa do, tài bơh gơrềng dơ\ le\ bal bơh trồ prang mờ drà kă bro dê. Tus kàl tơrdih tàu nam 2020, priă tăc sơdàng gơguh wơl, priă tăc tàu gơguh tus 850 rbô đong tàm dùl tấn den tiah tam tàu bơh hìu măy dê mìng gam rlau 22 rbô lồ lơm, 25% tàm khà hơ\ ờ niam ir, ờ gơtùi tơnhàu geh. Tàu nrang lơh geh tàm jơh gùt kàl gơmù tus nggùl tơn. Ồng Nguyễn Hoàng Phước đơs là, nàng priă lơh sa bơh tờm tàu dê geh gàr niam, he pal lam wơl lơh sa jăt broă lơh sươn lồ dờng, lơh jơh mờ măy mok. Mơya, broă do gam gơtìp gơkòl ờ [ươn bơsong. Ồng Nguyễn Hoàng Phước, đơs: Kal ke dờng ngan là bă tàu geh tam dềt, rah rài mờ tam tàm ù dòr, ù kơh, den tàng ờ hềt geh bơta krà` cê jơh nùs pơgồp bal bơh tiah do dê mờ hìu măy, ờ hềt rơndăp ù tiah loh làng tơl tiah, tơl xã nàng bơ\t bơtàu sươn lồ dờng.

Mpồl lơh sa kă bro kờ` bal mờ cau lơh broă sa lơh sa dờng tơrgùm bal, ală tiah bơto sồr tam gơl chi tam, ai bă ù [ươn bè dà tuh tam gơl nàng tam wơl ală tờm chi tam ndai, lơh tiah tam tàu gơtìp gơ crè dềt rah rài. Ơm kơ\p bơh mpồl lơh sa kă bro dê bè dùl rơndăp ù tiah loh làng ai tờm tàu in, ờ hềt gi\t tus tu\ lơi dờp geh cồng nha. Ờ gơtùi lơh sa dờng, tơrgùm bal, jak chài pa, tờm tàu tàm Gia Lai bulah geh bă ù tam dờng ngan rlau jơh Tây Nguyên, mơya bơta kuơ geh pơhìn pah nam gơtìp dềt rơhời, lơh nùs nhơm sơrbì tờm tau nàng tam tờm chi sa plai mờ tam bùm blàng, lơh bă ù tam ală tờm chi tam do gơguh mhar, lơh gơlik jơnau pơhìn tung lơtăng jăt nse ai lơh broă sa sươn sre Gia Lai in.

Cau cih Dương Đình Tuấn- Cau mblàng Lơ Mu K’Yến