VOV4.K’ho - Tơngai lài, tàm 5 càr Tây Nguyên neh geh rlau 760 nă cau jat Yàng Tin Lành geh tơmu\t Đảng, geh tus rlau 13% khà cau geh đảng là cau jat yàng tàm jơh gùt tiah do dê. Pah nam, ală tiah neh pờ rlau 500 ơdu\ bơto pơlam ai pơgăp 250 rbô nă cau duh broă yàng, cau dong broă yàng mờ cau jat yàng Tin Lành mờ ală kuang bàng ală kơnă in.

Làng bol kòn cau jat yàng Tin Lành tàm Tây Nguyên pơrjum

Tàm dơ\ pơrjum sền wơl 10 nam lơh jat Kơrnoat sồr bơh Kuang gơs gơnăp gơnoar atbồ hơđang rlau jơh dà lơgar dê bè bàr pe broă lơh tus mờ yàng Tin Lành tàm tiah Tây Nguyên, càr Bình Phước mờ bàr pe càr jat kềng gah dà lềng tàm gùl lơgar bơh Mpồl đơng lam Tây Nguyên pơgồp bal mờ Mpồl lơh broă bè bơta jat yàng Gơnoar atbồ lơgar dê lơh mho ngai òr 6/7, tàm [òn dờng Buôn Ma Thuột, càr Dak Lak, ală kuang bàng ndrờm đơs là: 10 nam do, ală càr tàm Tây Nguyên neh lơh geh cồng nha uă ngan tàm broă lơh jat Kơrnoat sồr bơh Kuang gơs gơnăp gơnoar atbồ hơđang rlau jơh dà lơgar dê bè bàr pe broă lơh tus mờ yàng Tin Lành. Bơh hơ\, lơh tam gơl niam ngan bơta yàng Tin Lành tàm tiah do; bơh sơnrờp bơtàu tơnguh khat gơboh gơlềng gơlàng, gơtìp bol ờ niam sơmờm, tu\ do neh geh lơh niam wơl mờ geh rơndăp tăp sèng niam ngan.

                          Cau mblàng Lơ Mu K’ Yến