VOV4.K’ho - Tơnơ\ mờ jơnau sồr bơh Chính phủ dê, sồr ală càr chồl pràn broă lơh niam wơl broă lơh bràs tàm ală dà dờng, kơrian ală bơta ờ niam bè bơta lơngăp lơngai, rài kis lơh sa bal mờ tiah kis, ală dà dờng tàm Tây Nguyên gam ngai pah ngai gơbàn ală ơhò lơh bràs lơh aniai.
Tàm ală jơnau yal lài, bol a` neh đơs tus mờ broă gơbàn tơrlah jăt gah dà dờng uă ngan gam gơbàn, đơs tus broă ală mpồl lơh bràs ờ sền gròi tus mờ ală kơrnoăt adăt boh lam dê mờ ală anih lơh broă sền gàr lời geh gơbàn tus mờ bơta tìs, lời ală ơhò lơh bràs tàm tiah ờ geh sền gàr.
Tơn jơh tơngu me “Tây Nguyên – Tài bè lơi tàng gơbàn tơrlah jăt gah dà dờng, bràs roh”, cau ai tơng^t jơnau đơs Việt Nam neh tìp uă anih lơh broă sền gàr tàm Tây Nguyên kờ` jòi geh jơnau hơ tus mờ broă lơh ờ di pal gam gơbàn do.
Rê tơnơ\ mờ dơ\ tus sền tàm ală gơl dà dờng gam gơbàn lơh bràs lềng làng tàm 2 càr Dak Lak mờ Dak Nông, bol a` tus tìp mờ Sở Tài nguyên môi trường 2 càr do kờ` dan geh jơnau yal bè broă ai sră lơh bràs mờ broă lùp sền, sền gròi tàm gah do. Is mờ mùl màl gam gơbàn, ồng Lê Đức Trung, Atbồ anih lơh broă phan geh is mờ dà gơwèt Sở Tài nguyên môi trường càr Dak Nông đơs tòm là, càr Dak Lak mờ càr Dak Nông neh geh quý chế pơgồp bal, lơh glài ală ơhò lơh bràs gơbàn ờ ndrờm bal, mờ quy chế do gam geh lơh niam:
- Bơh nam 2015 den càr Dak Lak mờ càr Dak Nông neh k^ quy chế pơgồp bal, hơ\ là di lah càr Dak Lak go\ ơhò càr Dak Nông lơh bràs ờ di den geh jào càr Dak Nông lơh glài mờ càr Dak Nông go\ ơhò càr Dak Lak lơh bràs ờ di den jào càr Dak Lak lơh glài. Quy chế do gam geh lơh niam mờ broă lơh bràs lềng làng ờ gam geh bơh 2, 3 nam do.
Den tàm Sở Tài nguyên Môi trường càr Dak Lak, ồng Nguyễn Văn Thiềm, atbồ anih lơh broă phan geh is đơs là, broă geh g^t nđờ 10 nơm ơhò tơrgùm lơh bràs tàm dà dờng Krông Nô, gơl rềp bơh xã Ea Rbin, càr Dak Lak mờ xã Nâm Ndir, càr Dak Nông là ờ geh tai. Tài tàm dà dờng do geh uă gơl geh lu\, ơhò lơh bràs bơh đah jum ờ gơtùi guh tus đah tô. Mìng tus tàm tu\ cau ai jơnau tơng^t tơl^k rùp bal mờ gơl lơma, ồng Thiềm hơ\ sồng go\ mùl màl mờ đơs gời là, di gơlan ală anih lơh sa kă bro neh ngui mền lơh bơcah lu\ kờ` geh gùng lòt mờ Sở Tài nguyên Môi trường ờ g^t.
Ồng Thiềm kung dờp tơn 1 bơta mùl màl, hơ\ là geh uă anih lơh sa kă bro lơh bràs ờ di mờ sră ai lơh. Ală anih lơh sa kă bro do dong kờl bal pồn tàm ală dà dờng, di bè ală bơta mờ bol a` neh sền go\. Den bè ală broă lùp sền, sền gròi mờ lơh glài tìs, ồng Nguyễn Văn Thiềm pà g^t:
- Bol a`, anih lơh broă sền gàr phan geh is, mùl màl là mìng sền gàr bè broă lơh sră nggal mơ. Ngan là broă lùp sền, sền gròi den bol a` kung geh tus bal, mìng là sền gròi tơnơ\ mờ tu\ neh ai sră lơh. Mơya, lơh tàm gùt càr den bol a` ờ gơtùi lơh gơs, tài anih lơh broă do mìng geh 2 nă cau lơh broă, den tàng mìng sền gròi tơnơ\ mờ tu\ neh ai sră lơh. Gam broă sền gròi ni sơna là geh kơnhoàl, xã mờ kuang àng, bè cảnh sát sền gàr tiah kis, cảnh sát gùng lòt tàm dà.
Jăt mblàng bơh ồng Thiềm dê, bol a` jòi tus anih lơh broă cảnh sát sền gàr gùng lòt, kuang àng càr Dak Lak. Thiếu tá Nguyễn Huy Thành, Phó kuang atbồ anih lơh broă pà g^t, mpồl cảnh sát sền gàr gùng lòt tàm dà càr dê tu\ do geh 2 nơm canô mờ 16 nă cau ling, drơng broă lơh tàm 180 kơi sồ gùng lòt tàm dà dờng. Broă lơh ờ geh bơta lơi kal ke, mơya broă sền gròi mờ lơh glài ală ơhò lơh bràs tìs gam ờ di jăt mờ jơnau kờ`, hơ\ là tài geh ală bơta geh is:
- Ală cau lơh bràs tìs, sùm lơh broă tàm trồ mang, sùm geh cau gàr lài den tàng broă tus sền gròi bơh cảnh sát gùng lòt tàm dà là kal ke ngan. Mờ ală gơl gùng tàm dà dờng càr Dak Lak dê, kàl mìu den dà jơn tang, broă lòt sền gròi ngòt rơngơ\t ngan. Kàl prang den dà soăt, uă gơl dà dờng ờ gơtùi lòt. Mờ tàm hơ\ tai, gùng lòt tàm dà dờng càr Dak Lak geh tàm uă kơnhoàl, bơh tiah do tus mờ tiah ndai pal ngui rơndeh hoài canô jòi anih tơmù hơ\ sồng gơtùi lòt.
Mìng is ồng Y Poăt Tơr, Kuang atbồ Sở Giao thông vận tải càr Dak Lak đơs tòm, ồng ờ lah gơnoar atbồ ală kơnhoàl, [òn dờng tàm broă lời ală ơhò lơh bràs lềng làng, lơh tơrlah ală dà dờng. Ồng dờp broă lời ală ơhò lơh bràs ờ dan sră lơh broă gam geh lơh broă là tài kal ke bơh broă lơh anih lơh broă ồng dê. Mơya ồng Y Poăt Tơr kung mblàng tai là, gah sền gàr ơhò, plung mờ lơh bràs gơrềng tus uă gah lơh broă mờ ală kơnhoàl dê, bè đah Công thương, Giao thông vận tải, Công an mờ ală kơnhoàl, ală xã… broă ờ pơgồp bal, lơh ờ geh cồng nha là bơta [uơn wă ngan tài sở, gah lơh broă do ờ gơtùi sồr ală sở, gah lơh broă ndai, ờ gơtùi sồr ală kơnhoàl, ală xã tàm càr. Ồng Y Toăt Tơr đơs tai là, mìng tu\ geh broă lơh pràn bơh Chủ tịch UBND ală càr, ală Bí thư Đảng uỷ càr, gah lơh bràs do hơ\ sồng geh ală broă tam gơl niam mùl màl.
- Pal lơh ngan, di lah ờ lơh ngan den ờ gơtùi lơh geh cồng nha. Mơya lơh ngan tàm do ờ mìng gah gùng lòt mờ pơn diang phan mờ gam geh ală gah ndai pal lơh broă bal mờ geh broă đơng lam pràn bơh Chủ tịch UBND càr, bơh Bí thư Đảng uỷ càr, den hơ\ sồng gah broă do lơh geh cồng nha.
Jơnau mblàng bol cau lam bồ 1 sở tàm càr Dak Lak loh làng di pal mờ mùl màl. Tàm uă tiah tàm gùt lơgar, gah lơh bràs gam geh ală tam gơl dờng, tu\ ală cau lam bồ ală càr tơl^k nùs nhơm lơh ngan tàm broă lơh mùl màl. Mơya tàm Tây Nguyên gam ờ tơl bơta do. Ală sở, gah lơh broă, ală kơnhoàl tàm ală càr tàm Tây Nguyên gam lơh mờ jơnau đơs gời, ờ hềt ai wơl bơta lơngăp lơngai tus mờ ală dà dờng in.
Cau cih mờ yal tơng^t Ndong Brawl
Viết bình luận