VOV4.K’ho – Pơrjum dơ\ 4 Mpồl duh broă đơng lam atbồ Đảng Dà lơgar kơnă XII geh bơta sền gròi, iat sền bơh kuang bàng, cau geh Đảng mờ ală rơnàng làng bol càr Gialai dê. Tàm hơ\, bơ\t bơtàu, lơh niam wơl Đảng, rơcang sơndră sa kuề sa kùa là jơnau geh sền gròi uă ngan. Mò Nguyễn Thị Thanh Xuân, là cau geh Đảng, kis tàm ntum Ia Vê, kơnhoàl Cư\ Prong, càr Gialai, đơs: “Là dùl nă cau geh Đảng, mờ là cau tàm mpồl cau lơh broă sa lơh kơ nòl broă cau ùr, a` kơ\p kờn ngan Pơrjum Dà lơgar Đảng dơ\ do lơh bè lơi geh ală gùng dà broă lơh loh làng, rềp mờ bơta geh ngan nàng bơ\t bơtàu, lơh niam wơl Đảng nàng Đảng he ngai sơlơ sàng kloh, pràn kơldang kơ\ kơl jăp rlau. Rơcang sơndră ală bơta ờ niam sa kuề sa kùa, lơh kal ke làng bol in. Tàm do, tam dră sa kuề sa kùa uă ngan là kơnă kuang bàng đơng lam bồ, mờ kuang bàng. Bơh hơ\ nàng làng bol in pin dờn tàm gùng dà bơh Đảng dê, bơ\t bơtàu rài kis ngai sơlơ niam bơne\ rlau tai”.

Làng bol kis tàm càr Kon Tum tơl^k nùs nhơm kờ` bal, ring bal uă mờ broă pơrjum dơ\ do geh tơl^k kơrnoăt bè “Tơnguh broă bơ\t bơtàu, lơh niam Đảng kơrian, tơmù bơta niam bè gùng dră bal, nùs nhơm kơlôi sơnơng, rài kis, ală bơta gơl^k geh is, tam gơl is tàm mpồl. Ồng Nguyễn Huy Du, kuang jăt jơng atbồ mpồl cau ling yau kơnhoàl Ngọc Hồi đơs: “Bơh tàm ală dơ\ pơrjum Dà lơgar, a` go\ Đảng dà lơgar he gam tơrgùm tàm broă bơ\t bơtàu Đảng, mơya kuơ màng ngan dơ\ do a` go\ niam ngan. Kuang atbồ đơng lam Đảng dà lơgar nền nòn ngan tàm broă lơh niam wơl Đảng. Kờ` Đảng dà lơgar he kloh niam, pràn kơl dang, sơndră mờ sa kuề sa koà sơlơ lơh pràn niam den hơ\ sồng geh gàr niam nùs nhơm pin dờn làng bol dê tus mờ Đảng. Nùs nhơm pin dờn làng bol sơlơ uă, pin dờn mờ Đảng jơh nùs den hơ\ sồng gàr niam rài dà lơgar. Jăt a` kơlôi, kờ` bơ\t bơtàu Đảng kloh niam, pràn kơl dang den pal geh 1 kơrnoăt bè broă sền gròi, sền gròi sơlơ pràn den sơlơ niam”.

Cau cih mờ yal tơng^t Lơ Mu K’ Yến mờ Ndong Brawl