VOV4.K’ho - Krơi mờ ua\ nam lài,  pria\ plai kơphe gam pơnjat tai gơbàn gơ mù geh lơh ua\ ngan  cau tam kơphe tàm Tây Nguyên gơmut tàm bơta hoàc hươr is, hoàc hươr bal tài broa\ lơh prap kơphe. Tu\ do, mờ pria\ blơi kơphe 37 rbô tàm dùl kg, pria\ plai kơphe tàm ala\ càr Tây Nguyên neh gơmù pơndrờm mờ bal tu\ mờ nam lài la rlau 5 rbô tàm dùl kg mờ gơmù di 3.500 đong tàm dùl kg pơndrờm mờ tu\ bồ kàl tơnhàu. Do la bơta gơbàn ờ di ngan mờ bơta bè ờs pah nam, geh lơh ua\ ngan cau prap kơphe gơbàn tàm bơta hoàc hươr is, hoàc hươr bal. Ngan ngồn tus mờ ala\ hìu nha\ prap ngan kơphe kơp gơguh pria\ tàm tu\ pal càn  pria\ mờ anih pria\ jền dà lơgar ngui tàm rài kis mờ bơcri lơh sa tàm kàl pơnjat tai. Ồng Nguyễn Tri Sáu kis tàm [òn 5, ntum Hà Mòn, kơnhoàl Đak Hà, càr Kon Tum, ai git, bơh prap ing kơphe ua\, den tàng hìu nha\ neh pal roh pria\ ơpah cau is, prap, ma\y, tu\ do tơl tấn kơphe tac roh gời rlau 3 tơlak pria\.

                                                Cau mblàng K’ Brọp.