VOV4.K’ho – Dơ\ cribơyai bơh Quốc hội dê bè cồng nha mut lơh rơndap broă bơtàu tơnguh lơh sa - mpồl bơtiàn neh dờp geh bơta sền gròi bơh gal ngan cau te\ khà càr Gialai mờ ală càr Tây Nguyên dê. Jat cau te\ khà Rơ Chăm Ngưur, ơm tàm [òn Jút 1, xã Ia Dêr, kơnhoàl Ia Grai, Quốc hội, Chính phủ pal sền gròi rlau tai tus bơta jòi anih tơlik pac phan lơh gơs bơh suơn sre tàm Tây Nguyên in:

“Mìng is mờ ù tiah Tây Nguyên kung gam là tiah kal ke bè lơh sa, mpồl bơtiàn. Să tờm a` kung bè uă làng bol lơh broă sa tàm [òn lơgar gam sền gròi ngan bè bơta anih tơlik tac ai phan lơh gơs bơh suơn sre in. Bulah bè hơ\, anih tơlik tac phan lơh gơs bơh suơn sre dê kung gam ờ hềt kơ\ kơljap. A` kơp kờ` là, Quốc hội geh ală broă lơh kuơ màng rlau bè bơta jòi anih tơlik tac ai phan lơh gơs bơh suơn sre in, lơh bè lơi nàng chul chồl lơh sa, mpồl bơtìan tàm ù tiah Tây Nguyên.”

Mò Nguyễn Thị Ủn kis tàm tổ 7,  sơnah [òn Nghĩa Thành, thị xã Gia Nghĩa, càr Daknông den đơs la,  geh  ala\ kal ke tàm broa\ lơh sa tàm càr tu\ do, bè phan lơh geh tac ờ yòm, ua\ tu kòp lơh aniai ua\ ngan chi tam, neh  sơrlèt rlau mờ bơta lơh niam bồm sơnơm làng bol dê. Cau te\ khà kơp kờ` la Quốc hội, ala\ gah sơnah lơh broa\ geh gơnoar pal geh broa\ lơh rlau tai, nàng  cau lơh broa\ sa bơtàu tơngguh  kơljap:

            ‘’Tàm Dak Nông den a` go\ làng bol  lơh ngan lơh broa\, lơh  sa jơh mờ pràn mơya geh chi tam ngan la tiêu  pria\ gơmù ua\ ngan,  cau tam tiêu den ua\, tu sa, geh lơh tiêu ờ tơl khà niam. A` geh jơnau dan mờ ala\ gah, sơnah lơh broa\ geh gơnoar, kung bè cau hờ đang la Quốc hội lơh mbè lơi nàng làng bol Dak Nông kung bè 5 càr Tây Nguyên  bơsong geh jơnau  lơh broa\ sa tam tiêu,  lơh mbè lơi nàng bơtàu tơngguh kơljap’’.

                                                            Cau cih mờ yal tơnggit  K' Duẩn mờ K’ Brọp