VOV4.K’ho- Ngai òr (24/6), Mpồl lơh broă bơh Bộ Giáo dục mờ Đào tạo neh lòt sền broă rcang ai dơ\ pơr lòng jơh bơsram kấp pe dà lơgar tàm càr Dak Lak. Mpồl neh lòt sền tiah in photô jơnau pơr lòng, tiah lơh phách, ai điềm mờ phan bơna tàm bàr pe tiah pơrlòng tàm Dak Lak.

                   Lòt sền broă rcang ai dơ\ pơr lòng jơh bơsram kấp pe dà lơgar tàm càr Dak Lak

Mpồl sồr cụm pơr lòng Dak Lak li\p sră sền rùp ù tiah cơl du\ pơr lòng tàm ală tiah pơr lòng nàng gơ in buơn ai cau pơrlòng in; pal gàr niam bơta krơi is tiah lơh phách ai điềm pơr lòng; plai sền gròi niam broă tàm camera, sền gròi bơh tu\ ai jơnau pơr lòng bè điềm pơr lòng, tiah ai điềm pơrlòng, gàr niam dơ\ pơr lòng geh lơh ờ do ờ dă, niam, di mờ jơnau sồr.

Dơ\ pơrlòng jơh bơsram kấp pe dà lơgar nam do, Dak Lak geh rlau 22 rơbô 500  nă cau cih mat dan pơrlòng tàm 32 tiah pơrlòng, 860 cơl du\ pơr lòng.

Mờr 14 rbô nă cau pơrlòng tus bal dơ\ pơrlòng jơh bơsram kấp pe dà lơgar nam 2019 bơh càr Lâm Đồng dê tàm 38 anih pơrlòng. Ală anih pơrlòng mờ ală anih ơm geh rơndăp tăp sèng dipal, pal ơm rềp mờ anih pơrlòng nàng [ươn ai cau pơrlòng in lòt pơrlòng. Lâm Đồng neh rơndăp anih pơrlòng tàm ală hìu bơsram tàm thị trấn mờ ờ geh cau pơrlòng lơi pal lòt gùng jòng ir rlau 20 kơi sồ nàng tus anih pơrlòng.

Kuơmàng tàm 2 kơnhoàl geh gal cau pơrlòng là cau kòn cau hơ\ là Lạc Dương mờ Dam Rong, anih pơrlòng tàm ală hìu bơsram geh hìu ơm bal, geh hìu tru\ gơm biăp piang sa bal nàng cau pơrlòng in geh anih ơm anih sàu sa tàm ală ngai pơrlòng.

Dơ\ pơrlòng jơh bơsram kấp pe nam 2019, gùt càr Dak Nông geh 871 nă cau tus bal sền pơrlòng, tàm hơ\ kuang bàng sồr ai bơh Hìu bơsram Đại học Giao thông - Vận tải [òn dờng Hồ Chí Minh.

Nam do càr Dak Nông pơn jat tai tă bơh kes priă dà lơgar, dong kờl priă jền ai mờr 500 nă cau pơrlòng geh rài kis kal ke, cau pơr lòng kòn cau tus pơrlòng. Tơl nă oh geh dong kờl 440.000 rơbô đông tàm 4 ngai pơrlòng, tàm hơ\ geh priă sa, priă đì rơndeh mờ priă ơm. Broă dong kờl nàng kờ` ờ geh cau pơr lòng lơi pal sang te\ pơrlòng tài bơh rài kis kal ke.

Cau mblàng K’ Hạnh mờ Lơ Mu K’ Yến