VOV4.K’ho - Tềng đăp mờ bơta mùl màl mus kơl chi brê, sơgràm ù brê mờ lơh sa suơn sre tàm bă ù brê gơtìp kal ke tàm Tây Nguyên.

Drim òr (09/7), tàm [òn dờng Dà Làc, càr Lâm Đồng, Ban Kinh tế Dà lơgar pơgồp bal mờ Bộ NN mờ PTNT bơyai lơh pơrjum “Tơnguh bơtàu lơh sa, tơnguh uă priă geh, rài kis làng bol lơh broă sa suơn sre tàm bă ù brê Tây Nguyên”.

Jăt jơnau yal bơh 5 càr Tây Nguyên, kờp tus lồi nam 2019, kờp jơh bă ù lơh sa suơn sre tàm bă ù brê là mờr 345 rơbô lồ, geh 11,3% khà bă ù geh ai lời brê.

Tàm hơ\, uă ngan là càr Dak Lak mờ di pơgăp 84 rơbô lồ mờ ờ uă ngan là càr Lâm Đồng mờ 52 rơbô lồ. Khà bă ù do mìng là mìng tam kơphe, tiêu, tòm chi sa plai mờ phan tam ờ jo\ tơngai bè bùm, tơngời mờ ală bơta phan tam ờ jo\ tơngai.

Dùl tàm ală broă gơbàn uă ngan là broă làng bol kis ntrờn tus tàm Tây Nguyên mờ sơgràm ù brê. Lơh gơtìp hoàc huơr ù brê, rài kis làng bol gơtìp kal ke…

Pơrjum sền wơl ală bơta, ală broă gam ờ pràn, bơta tòm mờ cri bơyai ală broă lơh kờ` pơlam Bộ Chính trị. Ban Bí thư ai geh ală gùng dà broă lơh, cơ chế, broă lơh di pal mờ bơyai lơh jăt ndrờm bal tàm tơngai tus. Bơh tu\ hơ\, kờ` ring niam [òn ơm kis mờ tơnguh bơtàu broă lơh sa kơl jăp ai làng bol gam ngui ù brê in lơh sa suơn sre tàm Tây Nguyên.

Cau mblàng Ndong Brawl