VOV4.K’ho-Ơ làng bol mờ gơ\p bơyô! Nam 2016 neh jơh. Gơ wèt mờ ală càr Tây Nguyên do là dùl nam bal mờ uă bơta lòng kal ke. Bơta trồ prang dờng ngan, mìu nhàc dà ko\ dà cò geh tàm pơn jat sùm lơh aniai ờ niam tus gah lơh broă sa sươn sre ală càr tàm Tây Nguyên, bơh hơ\ lơh broă lơh sa gơtìp gơ ơm wơl ờ bơtàu tơnguh tai. Pơrjum Hội đồng Nhân dân lồi nam 2016 bơh 5 càr Tây Nguyên dê pa do pà go\ uă broă lơh sa- mpồl bơtiàn ờ lơh geh jat di bè broă rơndăp lơh neh jàu, gơguh tai lơh sa gơ ơm wơl ờ bơtàu tơnguh tai. Ơm tềng đap ală kal ke do, gơnoar atbồ ală càr tàm Tây Nguyên neh geh ală broă lơh geh kuơ ngan. Hơ\ là gi\t loh bơta pràn bơh càr he dê nàng bơcri priă di broă mờ di pal, lơh geh ală bơta dong kờl chul chồl bơtàu tơnguh lơh sa. Bồ nam pa, cau ai tơngi\t jơnau đơs bơh Anih jơnau đơs Việt Nam tàm Tây Nguyên dê geh jơnau cih yal bè ală bơta pràn neh mờ gam geh lơh geh nàng lơh sa- mpồl bơtiàn Tây Nguyên dê bơtàu tơnguh rlau tàm tơngai tus.

Lâm Đồng là càr lam lài ờ mìng tàm tiah Tây Nguyên lơm gời ờ mờ gơ wèt tus mờ jơh gùt lơgar sơl tàm broă lơh sa sươn sre jat broă lơh đòm jat kông nghệ cao. Tu\ do, kờp jơh bă ù lơh sa đòm jat ngui kông nghệ cao tàm càr Lâm Đồng là 49 rbô lồ, geh tus 17% khà bă ù lơh broă sa sươn sre. 9 mpồl lơh sa kă bro tàm càr Lâm Đồng geh Bộ lơh broă sa mờ bơtàu tơnguh [òn lơgar dà lơgar dê dờp là mpồl lơh sa kă bro đòm jat ngui kông nghệ cao, geh tus 35% pơndrờm mờ gùt lơgar. Rơ\p mìng geh 17% khà bă ù lơh broă sa sươn sre lơm, mơya lơh sa sươn sre ngui kông nghệ cao neh lơh geh tus 80% priă geh bơh tăc phan mờ lơgar ndai bơh càr dê. Lâm Đồng gam lơh jơnau kờn 50% bă ù lơh broă sa sươn sre tàm càr do geh đòm jat ngui kông nghệ cao tàm broă lơh sa.

Lơh broă sa sươn sre ngui kông nghệ cao tàm Lâm Đồng

Ồng Phạm S, Pho\ Kuang atbồ Ủy ban Nhân dân càr Lâm Đồng, pà gi\t: “Tu\ do, srơh lơh broă sa sươn sre ngui kông nghệ cao gơ gơs là dùl gùng dà dờng, bơsong bè bơta kal ke lơh pas. Tàm ù tiah càr Lâm Đồng dê, den ală tờm chi pràn bè cê, kơphê, biăp, bơkàu, dà toh mờ puăc jơh ală ndrờm ngui kông nghệ cao lơm. Nùs nhơm đơng lam càr dê là bơtàu tơnguh lơh broă sa sươn sre mơya pal sền gàr niam tiah ơm kis [òn lơgar brê bơnơm. Den tàng bè hơ\, uă bă ù lơh sa ngui kông nghệ cao neh rơndăp ù tiah tơl tiah lơh sa. Uă broă lơh bă ù geh priă jền lơh geh uă ngan, kờp bal jơh gùt càr là 150 tơlak priă dùl lồ. Tàm hơ\ 25 tus 30 rbô lồ geh priă bơh lơh sa là bơh 500 tơlak tus 2 tơmàn priă tàm dùl lồ. Ngan bè bơta đòm jat ngui kông nghệ cao den tàng bè hơ\, tơnguh priă jền ù lơh broă sa sươn sre tu\ do lam bồ gùt lơgar”.

Lơh broă sa sươn sre ngui kông nghệ cao tàm Lâm Đồng

Bal mờ lơh sa sươn sre ngui kông nghệ cao, Lâm Đồng gam mu\t lơh kơ cế krơi is mờ chính phủ dong kờl lời ai [òn dờng Dà Làc in, hơ\ là bơtàu tơnguh nhơl chờ, tàm hơ\ geh broă lơh nhơl chờ hìu kuơ\ gơlang tàm brê. Do kung là dùl bơta pràn chồl, geh dong kờl uă ngan ai bơta bơtàu tơnguh lơh sa- mpồl bơtiàn càr Lâm Đồng dê in tàm tơngai hìng nau ờ jo\ tai.

Ală ngai lồi nam 2016, Ủy ban Nhân dân càr Gialai neh bơyai lơh geh cồng nha Pơrjum hòi jà bơcri priă tàm Gialai mờ Tây Nguyên. Tàm do, Ủy ban Nhân dân càr Gialai neh dan mờ Chính phủ, ală bộ gah sơnah lơh broă dà lơgar sền sơ wì kơ cế krơi is ai càr mờ ai Tây Nguyên in. Gialai kung neh lam lài tàm 5 càr Tây Nguyên bè broă lơh tam gơl pa hành chính nàng lơh geh bơta bơtàu tơnguh mhar. Cồng nha, nam 2016 càr lơh ngan gơguh tus 38 khà, ơm dơ\ 13 tàm 63 càr mờ [òn dờng. Do là cồng nha tơngo\ mpờl go\ loh làng ngan rlau jơh ală broă lơh ngan càr dê nàng lơh niam wơl tiah bơcri priă. Jơnau do kung lơh geh bơta niam ngan, lơh geh bơta pin dờn ai ală cau bơcri priă tus mờ càr Gialai in.

iêu Cư\ Sê- Gialai

Ồng Võ Ngọc Thành, Kuang atbồ Ủy ban Nhân dân càr Gialai, đơs:“Bol a` pin dờn là pơrjum hòi jà bơcri priă càr Gialai dê nam 2016 geh gơ gơs là dùl bơta dong kờl uă ngan nàng ai càr in ngui jơh ală bơta pràn bơta jak mờ càr gam geh tu\ do. A` kung neh cribơyai mờ ală sở, gah sơnah lơh broă càr bal mờ dùl bơta lơh ngan jơh nùs ngan là càr geh lơh jơh ală bơta, lơh geh tơl ală bơta niam dong kờl niam ngan rlau jơh nàng ală cau bơcri priă in tus sền sơ wì, ki\ pơrgon hơ\ sồng lơh ală rơndăp broă lơh tàm ù tiah càr dê [ươn [oài ngan rlau jơh”.

Kung gơrềng tus bơta gơhòi gơ jà bơcri priă sơl, lồi nam 2016, Ủy ban Nhân dân [òn dờng Kontum, càr Kontum bơyai lơh Pơrjum cribơyai mờng chài gơhòi gơ jà bơcri priă mờ uă mpồl lơh sa kă bro tàm càr mờ càr ndai tus bal. Ala mat ală mpồl lơh sa kă bro đơs là, kờn gơhòi gơ jà bơcri priă, gơnoar atbồ tiah do pal sang te\ jơh ală bơta kơryan kal ke, bè tàm broă tơm priă ai ù lơh broă, bơta pràn jak càn priă, bơta ờ lơh niam tàm broă lơh sră nggal bơh ală sở, gah sơnah lơh broă geh gơrềng bơh càr dê. Kuơmàng, sền gròi tus jơnau kòn bơnus, mò Lưu Thị Nga, Kuang atbồ Kông ti dùl nă să is Thương mại Vinh Quang 1, là cau geh 10 nam bơta mờng chài bơcri priă tàm broă ù tiah, hìu đam tàm Kontum geh jơnau đơs tă pơgồp bè do: "ùl nam tàm ală jơnau dờng màng nàng rơndăp broă lơh geh dờp, ai lơh mờ geh cồng nha den broă kuơmàng ngan rlau jơh hơ\ là broă rơndăp lơh bơh kuang bàng đơng lam tiah do dê. Broă rơndăp lơh bơh kuang bàng tiah do dê sền sơ wì, kờn bal den rơndăp broă lơh bơh cau bơcri priă dê lơh geh cồng nha”.

Tàm dơ\ lòt lơh broă tàm càr Gialai nàng dong càr jòi ală broă lơh chồl pràn gơhòi gơ jà bơcri priă, Thủ tướng Nguyễn Xuân Phúc đơs tờm: Chính phủ geh đơng lam ală bộ, gah sơnah lơh broă dà lơgar sền sơ wì ală kơ cế dong kờl krơi is ai càr in mờ tiah Tây Nguyên in. Mơya, broă gơhòi gơ jà bơcri priă kuơmàng ngan rlau jơh kung gam là bơh càr sơl, kờn pal lơh dùl bă dùl ròt bal dờng màng 3 bal mờ mpồl lơh sa kă bro, hơ\ là “kơlôi rơcang bal, lơh bal mờ tam pà bal”. Thủ tướng Nguyễn Xuân Phúc tơngkah, broă lơh bal mờ mpồl lơh sa kă bro kờn pal geh lơh dùl ròt bal tàm gơnoar atbồ 3 kơnă hơ\ là kơnă càr, kơnhoàl mờ xã:“Ală kơnă gơnoar atbồ pal lơh ngan gơ gơs là gơnoar atbồ tìp mat cribơyai, geh bồ tơngoh tam gơl pa bơceh pa. Gơnoar atbồ pal rơcang lài lơh bal mờ mpồl lơh sa kă bro, tă bơsong kal ke ai mpồl lơh sa kă bro in. Kơnă càr, kơnă kơnhòal mờ kơnă xã jơh ală ndrờm pal dong kờl bal, tơn jơh hơđang đơng lam dong kờl, hơđơm den lơh kal ke ờ dong kờl”.

Tây Nguyên gam mu\t tàm nam 2017 bal mờ dùl nùs nhơm pa. Dùl jơnau pal chờ hờp ngan tàm broă lơh sa sươn sre, broă lơh geh priă jền tờm bơh uă ngan làng bol tàm tiah Tây Nguyên dê, hơ\ là: Ală dơ\ mìu nhàc dà ko\ dà cò tàm pơn jat sùm tàm ală ngai lồi nam bulah lơh gơlik hoàc hươr sơl, mơya cèng wơl tus bơta kuơ dờng ngan.

Tơnau dơng dà Ia Mlah tàm kơnhoàl Krông Pa, càr Gialai dơng ngơr dà lài mờ kàl prang

Jơh ală tơnau dơng dà hìu măy pờ tơlik ồs đèng, bơtơ\t dơng dà tàm Tây Nguyên ndrờm dơng ngơr bềng dà lơm. Kàl prang neh tus, cau lơh sa sươn sre tàm Tây Nguyên ờ huan kơlôi sơnơng uă ir bè jơnau trồ prang, ờ geh dà ngui sa, ờ geh dà tuh phan tam in. Khà priă kơphê, kau su, ală phan bơna pràn bơh Tây Nguyên dê kung neh gơguh tus 30% pơndrờm mờ nam lài. Bè hơ\, nam 2017, Tây Nguyên dờp geh tus 3 tềl tơngo\ niam, tàm broă lơh bơtơ\t rbòng dà, drà kă bro phan lơh geh bơh sươn sre mờ kơ cế chính sách. 5 càr tàm Tây Nguyên neh kơ\ kơl jăp bơta pin dờn lơh geh cồng nha uă.

Cau cih mờ yal tơngi\t- Lơ Mu K’ Yến