VOV4.K’ho - Tàm ală ngai rềp ndo, tàm tiah Tây Nguyên sùm gơlik geh ală dơ\ rềs àr gùng lòt ngòt rơngơ\t ngan, lơh chơ\t gi\t nđờ jơ\t nă cau mờ uă cau ndai gơtìp sồt să.. Tềng đăp bơta geh ngan pal yal lài ngan do, mho ngai 21/04, ồng Nguyễn Xuân Phúc kuang jăt jơng gơs gơnăp gơnoar atbồ hơđang rlau jơh dà lơgar mơkung là Kuang atbồ Mpồl sền gàr ờdo ờdă gùng lòt dà lơgar dê, neh pơyua sră đơng lam jal mhar tam pà bal bơta moat jrùm tus mờ ală hìu bơnhă geh cau gơtìp aniai, mơkung sồr ală tiah, mờ mpồl lơh broă geh gơrềng mhar mu\t lơh ală broă lơh kờ` kơria` gơlik geh rềs àr nđàc sơngi\t.

Mang lồi poh lài, tơnơ\ gùng lòt jòng pơgăp 500 kơi sồ bơh [òn dờng Hồ Chí Minh tus Tây Nguyên, rơndeh nac jơnờng bi\c bàng sồ 51B-150.53 nisơna tơm song tơn tàm tơr è rơndeh pơndiang phan bàng sồ 47C-018.17 pơndiang bềng gac gam ơm rềp tơn kềng gah Gùng rơndeh sồ 14, gơl lòt gan kơnhoàl Krông Buk, càr Dak Lak. Dơ\ tơm pràn ngan, lơh cau măi rơndeh mờ cau lòt jăt jơng rơndeh gơtìp chơ\t tơn tềng hơ\, uă cau nac đìh tềng rơndeh gơtìp sồt să kơ` jơ\ ngan pal tus dong kờl sơm sồt tàm hìu sơnơm.

Mìng dùl ngai tơnơ\, kung tàm gơl gùng do sơl, ngài pơgăp mờ hơ\ mìng bàr pe jơ\t kơi sồ (di ù tiah [òn drà Ea Drang, kơnhoàl Ea H’Leo, càr Dak Lak dê) gơlik geh tai dơ\ rềs àr ngòt rơngơ\t ngan tu\ àng drim gờn đah rơndeh pơndiang gan mờ rơndeh pơndiang sồ siă lơh 6 nă ]au chơ\t tơn tềng hơ\, 1 nă ]au gam bơtuah đau kis. Ờ hềt jơh nrơ\t ndơl, mho ngai 21/04, tàm gùng rơndeh 26 lòt gan ntum Ea Pil, kơnhoàl M’Drak, càr Dak Lak pơn jăt tai gơlik geh dơ\ rềs àr ngòt rơngơ\t ngan, rơndeh pơndiang phan klơn lề jơh bal bàr nă bèp mờ kòn ồng Nguyễn Văn Bình mờ Nguyễn Văn Tĩnh. Mờ lài hơ\ 4 ngai, kung tàm gùng rơndeh do sơl, rơndeh sơntèk pơndiang zờu tàm tu\ mù gùng kơh, neh klơn chơ\t bi Khổng Văn Đức tàm ntum Ea Kênh, kơnhoàl Krông Pach.

Mìng tàm 4 ngai, tàm 2 gơl gùng rơndeh lòt gan càr Dak Lak neh gơlik geh 4 dơ\ rềs àr gùng lòt ngòt rơngơ\t ngan, lơh 10 nă ]au chơ\t, gi\t nđờ jơ\t nă cau ndai gơtìp sồt să. Bơta jê sồt hơ\ gơlik bơh lơi taih? Tài bơh gùng lòt ờ niam halà tài bơh rơndeh ờ niam taih? Tài broă lơh atbồ sền gàr ờdo ờdă gùng lòt halà tài bơh jơnau gi\t wa\ bơh ]au măi rơndeh lòt rê tàm gùng dê?

Mho ngai 21/04, ồng Nguyễn Xuân Phúc kuang jăt jơng gơs gơnăp gơnoar atbồ hơđang rlau jơh dà lơgar mơkung là Kuang atbồ Anih duh broă ờdo ờdă gùng lòt dà lơgar dê, neh pơyua sră đơng lam jal mhar tam pà bal bơta moat jrùm tus mờ ală hìu bơnhă geh cau gơtìp aniai, mơkung sồr Kuang atbồ Anih duh broă làng bol mơkung là Kuang atbồ Mpồl sền gàr ờdo ờdă gùng lòt ală càr: Kon Tum, Gia Lai, Dak Lak mờ Dak Nông sồr ală mpồl lơh broă geh gơrềng sơlơ lòt sền tàm gơl gùng Hồ Chí Minh mờ ală gơl gùng tàm ù tiah càr dê, lơh glài krà` ală broă lơh lơh tìs rơndăp tăp sèng ờdo ờdă gùng lòt.

Lơh jăt sră pơyua đơng lam jal mhar bơh Kuang jăt jơng gơs gơnăp gơnoar atbồ hơđang rlau jơh dà lơgar dê, mpồl lơh broă geh gơrềng bơh càr Dak Lak dê gam mhar lùp khàu lơh loh jơnau bơh tài lơh gơlik ală dơ\ rềs àr gùng lòt ngòt rơngơ\t ngan pa gơlik geh tàm gơl gùng rơndeh 14 gam sơnđan là gùng Hồ Chí Minh mờ gùng rơndeh 26 lòt gan ù tiah càr Dak Lak dê. Mơkung tơrgùm lơh glài ală cau lơi lơh tìs khà angkol hơ\ là `ô ơlak bìer, lòt mhar, lòt tìs gùng, lơh tìs pơndiang kơ` jơ\, ờdo ờdă măy mok rơndeh rơndồ. Ồng Bùi Văn Ngọc kuang atbồ Cơldu\ lơh broă Mpồl sền gàr ờdo ờdă gùng lòt càr Dak Lak, đơs: “Mpồl sền gàr ờdo ờdă gùng lòt càr dê neh sồr ală mpồl lơh broă geh gơrềng bal pơgồp bal, sơlơ lòt sền, lơh glài ală cau lơi lơh tìs jăt tơngume tus mờ rơndeh pơndiang na], rơndeh pơndiang phan kung bè rơndeh măi lơh tìs kơrnoat boh lam bè ờdo ờdă lòt rê tàm gùng. Gah gùng lòt pơndiang phan càr yal lài ală mpồl lơh sa kă bro lơh broă gah rơndeh rơndồ pơndiang phan pơndiang na] in là pal lơh jăt niam tu\ jơ lơh broă bơh ]au măi rơndeh dờng, cau măi rơndeh pơndiang phan dê ờ uă rlau 10 jơ tàm ngai mờ ờ uă rlau 4 jơ sùm, ngan là tàm ală tu\ geh dơ\ lơh chờ, ngai ơm rlô; kuơmàng pal sền bơta ờdo ờdă măy mok rơndeh rơndồ lài mờ tu\ ai rơndeh in lòt”.

Bal mờ hơ\, Gah gùng lòt pơndiang phan càr Dak Lak pơgồp bal mờ Mpồl atbồ rơndăp broă lơh gùng Hồ Chí Minh, Mpồl lơh broă gùng rơndeh Việt Nam lòt sền, kờp sền wơl bơta pal geh ờdo ờdă gùng lòt, lam niam lòt rê tàm gùng Hồ Chí Minh. Ồng Nguyễn Đình Dương kuang atbồ đơng lam rơndăp broă lơh gùng Hồ Chí Minh, gơl lòt gan Gia Lai- Krông Buk bơh càr Dak Lak dê, đơs bè do: “Bơh 2 dơ\ rềp ndo, den a` sền go\ gơrềng tus rơndeh rơndồ mờ cau măi rơndeh. Rơndeh rơndồ tac thang di tàm tu\ gam mù gùng kơh gùng rơnưng. Ai dơ\ tàm Krông Buk den digơlan pơgăp tàm tu\ jơ hơ\ là gơdan bi\c. Rơndeh pơndiang phan ]au ơm rềp kềng gah gùng ]au dê, mơya ờ gi\t bè lơi mờ cau măi rơndeh kung tơm sơl tềng tơr è rơndeh pơndiang phan, hơ\ là tìs bơh ]au măi rơndeh dê. Bơh hơ\, mpồl atbồ gùng Hồ Chí Minh, ngan là tàm anih lơh broă bol a` dê geh gròi sền kờ` sền gàr niam ờdo ờdă gùng lòt gơ in niam rlau; tơngkah oh mi sơlơ lòt sền jrong, k[àng yal, digơlan gơtìp gơpừ, den pal ntàu lơh niam wơl tơn. Jơh lơh bơnah dơ\ 2 là pal mu\t lơh sơng tàm gùl gùng tơn nàng kờ` pơlam gùng lòt tàm trồ mang gơ in ờdo ờdă”.

Pal sền ngac ngan là jơh bal 2 dơ\ rềs àr ngòt rơngơ\t gơlik geh sùm tàm 2 ngai tàm Gùng rơndeh 14, gơl lòt gan kơnhoàl Krông Buk, mờ Ea H’Leo ndrờm gơrềng tus rơndeh pơndiang gac mờ khà uă. Ală dơ\ rềs àr jê nùs jê tồr do gơlik geh tai tàm tu\ trồ mang mờr àng drim. Digơlan, do là tu\ tơngai ală ]au măi rơndeh pleh bơta gròi sền bơh mpồl lơh broă geh gơnoar dê bè bơta pơndiang uă ir, pơndiang kơ` jơ\ ir, broă lòt rê mờ ală bơta pal geh ndai tai. Rlau mờ hơ\ tai, tơnơ\ gùng lòt jòng gùt mang àng sùm, dilah ờ lơh jăt tu\ jơ lơh broă, ]au măi rơndeh digơlan glar bòl ngan, ờ chài gi\t geh bơta rơndeh lòt rê mhar halà rơle\. Bal mờ hơ\, gùng rơndeh 14 gam sơnđan là gùng Hồ Chí Minh lòt gan Tây Nguyên gam geh lơh ơnàng mờ lơh niam wơl, uă gơl gùng neh lă ]ài ring niam ngan, dilah ]au măi rơndeh ờ sền nga], lòt mhar pleh mhar khăt gơboh kung là jơnau lơh gơlik ală dơ\ rềs àr gùng lòt ngòt rơngơ\t kal ke gơtùi gi\t lài.

                                                                                             Cau mblàng Lơ Mu K’ Yến