Nam nhơl chờ dà lơgar 2014 Tây Nguyên-Dà Làc mờ tơnggu me “Ù tiah brê bơnơm dờng Tây Nguyên” la jơnau chài rgơi, lơh sa, mpồl bơtìan geh pơnrơ ngan bơh ala\ kơna\ dà lơgar, kờ` yal jơnau yal tơnggit bè kòn bơnus,  ù tiah,  phan geh is, bơta niam chài rơgơi ù tiah Tây Nguyên đơs bal mờ Dà Làc-Lâm Đồng đơs is neh gơ lời wơl ua\ jơnau kah lời kir niam tàm nus nhơm cau na] nhơl chờ. Rlau 40 broa\ lơh tờm geh bơyai lơh nam 2014, gơtùi đơs do la 1 nam nhơl chờ geh bơyai lơh geh cồng nha niam. Pơpồp bơnah tàm cồng nha hơ\, ờ gơtùi ờ đơs tus.

Ai tơngume “Brê bơ nơm dờng ơning ơnàng Tây Nguyên”, Nam Nhơl chờ Dà lơgar 2014- Tây Nguyên-Dà Làc, neh lời wơl jơnau kah niam bơne\ ngan tus mờ làng bol tàm lơgar mờ cau năc nhơl chờ lơgar ndai in. Tàm dùl jơnau yal sền wơl cồng nha mu\t lơh ală broă lơh Nam Nhơl chờ Dà lơgar 2014 Tây Nguyên- Dà Làc bơh bồ nam tus tu\ do, Mpồl bơyai lơh yal dùl ê\t: Càr Lâm Đồng neh jơh nùs mu\t lơh broă rơndăp lơh pơ gồp bal mờ ală mpồl geh gơ rềng mu\t lơh ală broă lơh bơh Nam Nhơl chờ dà lơgar 2014, kuơmàng là broă rơndăp lơh pơ gồp bal mờ ală càr Tây Nguyên…

Bơh nam 2013 tơn, dùl tàm ală broă lơh pơ gồp bal đah càr Lâm Đồng mờ 4 càr; Dak Nông, Dak Lak, Gia Lai mờ Kon Tum bơh Mpồl lơh broă nhơl chờ dà lơgar đơng lam, geh lơh geh cồng nha nmgan là broă lơh lòt sền bơt bơtàu phan bơna nhơl chờ tiah Tây Nguyên mờ bơta lơh bal bơh 60 nă kuăng bàng ala măt bơh Dà lơgar mờ 5 càr tàm Tây Nguyên dê geh lơh tàm ală ngai bơh 25 tus 31 nhai 5 nam 2013. Pơn jăt hơ\, dơ\ sơnđờm mu\t lơh bơh càr Lâm Đồng bơyai lơh bơh ngai 27/12/2013 tus ngai 1/1/2014 mờ tơ nơ\ hơ\ là dùl ròt ală broă lơh bơh ală càr dê mờ uă broă lơh dờng dềt krơi is lơh duh hồl ngan nùs nhơm rài kis Nam Nhơl chờ Dà lơgar 2014- Tây Nguyên- Dà Làc. Tàm hơ\, pal đơs tus là ală broă lơh bè Măng Dray Sap ndu gơn rơh. Lơh chờ bồ nam pa Nâm Nung, Cribơyai lơh bal bơtàu tơnguh ală phan bơna nhơl chờ tàm tơrbo\ bal đah ală tiah, ală anih nhơl chờ tàm ală càr Tây Nguyên, Poh lơh chờ Chài rơ gơi- nhơl chờ Dak Nông mờ tơngume Lòt còp sền tiah kơh bơ nơm dờng M’nông, Dơ\ lòt nhơl Famtrip “ Nhơl chờ Dak Nông- gam bè ờs bơh yau mờ gơ hòi gơ jà ngan…” bơh càr Dak Nông bơyai lơh.

Mờ càr Dak Lak, hơ\ là ală broă lơh: Dơ\ pơr lòng plung ờs mờng bơh yau Krông Ana, dơ\ lơh chờ rwas Buôn Đôn, nhơl chờ tơnau dà Lak “ Gam bè ờs bơh yau mờ dờng niam ngan”…

Mờ càr Gia Lai là ală broă lơh: Lơh wơl dơ\ lơh chờ “ Chờ gờm tam lơh jai pha bơh cau Bahnar dê”, pơr lòng trah mòn rùp mờ chi, mờ trah mòn rùp rài yau Gia Lai, ràng tơlik rùp niam chài “ Kơ nhoàl ù tiah- kòn bơnus Gia Lai mờ Tây Nguyên”, dơ\ nhơl chờ ‘ Dùl ê\t Pleiku”, ‘ Lòt còp sền ù tiah dà ia Dà dờng Ayun Hạ”, “ Trekking lòt nhơl hờ bơdìh..”

Mờ càr Kon Tum là ală broă lơh dơ\ lơh chờ hìu chài rơ gơi Bahnar Kon Tum, Poh chài rơ gơi- nhơl chờ Măng Đen Kon Plông, pơr lòng chài rơ gơi tru\ gơm phan sa rài yau Kon Tum, broă lơh “ Rê mờ brê bơ nơm dờng ơning ơnàng tờm nho tơlir niam Kon Plông…

Tàm càr Lâm Đồng, mpồl tờm drơng lơh ală broă lơh geh lơh tàm jơh dùl nam 2014, tàm hơ\ tơr gùm lơh uă tàm ală nhai bồ nam ( kàl prăng, uă broă, gơ jăt bal mờ Festival Bơkau Dà Làc), nhai 6, mờ nhai 7 ( kàl nhơl chờ nhai duh), mờ ală nhai lồi nam ( Tơn jơh Nam Nhơl chờ Dà lơgar 2014, dơ\ bơyai lơh tơngkah Ngai Kơn ra` lik lìng mờ sa tềp Tây). Mờ ală broă lơh pơn rơ ngan, bè: Pơr lòng lơh bơta niam chài ồi yau mờ soh phan kòn cau Tây Nguyên ai cau in sền, lơh ai cau in sền ală bơta chài rơ gơi rài yau ală kòn cau dê, Ùr hàng ală kòn cau soh phan kòn cau ai cau in sền, Pơr lòng uh kơm buăt mờ pe\ gòng, uh rơkèl ală kòn cau nam 2014, pơr lòng tru\ gơm phan sa tiah tàm gùl lơgar mờ Tây Nguyên, Ngai chờ Chài rơ gơi, tàp pràn să jan\ mờ nhơl chờ ală kòn cau tiah Tây Nguyên dơ\ I, dơ\ lơh chờ nhai duh Dà Làc “ Mìu tiah drà kơh bơ nơm”, Dơ\ lơh chờ Noel Dà Làc…mờ uă dơ\ lơh chờ niam ngan ndai. Tàm hơ\, pal sền ngăc là broă lơh Poh chài rơ gơi Cê Lâm Đồng dơ\ 5 mờ Dơ\ lơh chờ chài rơ gơi nhơl chờ.

Mờ tơngume “ Bô thồm ce tàm tiah kơh bơ nơm Lâm Đồng”, Poh chài rơ gơi ce Lâm Đông dơ\ 5 neh geh lơh bơh ngai 19 tus 23/12/2013 pa do, geh 5 broă lơh tờm mờ 11 broă lơh lơh jăt bal. Tàm hơ\, bơta tờm là cribơyai bè ală broă rơndăp lơh bơtàu tơnguh tiah ce, lòt còp tiah tam ce lơh phan gơ jăt bal mờ ală broă sơngka sền gàr mờ lơh gơs phan bơh ală hìu măi, dơ\ pơr lòng pik cê mờ lơh drà ràng tơlik gah lơh cê. Ồng Nguyễn Thành Long ơm tàm bòn 8, ntum Dà Mbri, [òn dờng Bảo Lộc là dùl tàm ală cau lơh broă sa geh jờng rơ là hìu bơnhă lơh cê pơn rơ jak, pà git: Poh chài rơ gơi cê Lâm Đồng mùl màl là ngai chờ bơh ală cau lơh broă đềt mềr mờ gah lơh cê tàm tiah do“ Càr mờ bòn dờng bơyai lơh ală ngai chờ bè do là bơta chờ hờp ngan rlau jơh tus mờ ală cau tam cê bè bol an\. Nàng geh ală ngai tìp măt lùp bơsram, nàng rề ơnàng bơta kơlôi sơ nơng broă lơh, jòi gơlik ală phan bơna geh bơta niam geh bơngă uă tàm drà kă bro tàm lơgar mờ tăc tus lơgar ndai. An\ chờ hờp ngan geh dờp là hìu bơnhă pơn rơ jak neh lơh broă cê tàm tơngai jo\ ngan mờ lơh geh bơta niam phan bơna dê”.

Dơ\ lơh chờ chài rơ gơi- nhơl chờ càr Lâm Đồng là broă lơh tơn jơh wơl ală broă lơh geh lơh sùm tàm nam 2014 pa do. Cau tus bal geh sền go\ dùl dơ\ lơh bơta niam chài lơh gơkờn ngan cau mờ uă ngan, bơh 14 broă lơh geh lơh, tàm hơ\ geh uă broă lơh niam ngan, bè: ù tiah bơkàu Dà Làc bơkau geh sùm puan kàl tàm nam; ràng tơlik bơkàu Dà Làc “ Ală rùp să bơkàu tiah mrềt”, sươn lơh bơta niam chài “ Đăng trồ kàl mrềt”, dơ\ lòt nhơl đah bơdìh “ Dà Làc ờ geh tàm drà”, dơ\ lòt còp “ Nhơl chờ bơkàu”, ngai chờ rơnàng kơ nòm să bòn dờng bơkàu, yal tơngit lơh bơta niam chài tàn ồi yau mờ soh phan ală kòn cau Tây Nguyên ai cau in sền, cribơyai dunia “ Nhơl chờ Dà Làc- Tây Nguyên mu\t gơ rờm bal mờ bơtàu tơnguh”, Măng cê tiah kơh bơ nơm…

Ồng Nguyễn Văn Yên kuang jăt jơng atbồ Anih duh broă làng bol càr Lâm Đồng, pà git: “Bol an\ kơp kờ` poh lơh chờ do cèng wơl gơp bơ yô tàm lơgar mờ dunia in bơta kơlôi sơ nơng pa bè ală broă lơh nhơl chờ, ală rùp hin pa bè Tây Nguyên dờng ơning ơnàng mờ kòn bơnus Tây Nguyên. Do gam là broă lơh tàm tơrbo\ bal nhơl chờ ală càr Tây Nguyên mờ ală càr, kơ nhoàl ù tiah bòn lơgar ndai, bơh hơ\ dong ai nhơl chờ Tây Nguyên mờ gùt lơgar in bơtàu tơnguh”.

Ờ mìng là broă lơh đah bơdìh lơm mờ ală broă lơh pơ gồp bal nàng bơtàu tơnguh nhơl chờ đah Lâm Đồng mờ ală càr Kon Tum, Gia Lai, Dak Lak mờ Dak Nông tàm broă lơh Nam Nhơl chờ Dà lơgar 2014-Tây Nguyên- Dà Làc neh mùl màl lơh geh cồng nha mờ geh kuơ ngan ngồn mờ geh bơta kơ\ kơl jăp. Bơh ală cồng nha neh lơh geh, gah nhơl chờ Việt Nam đơs bal mờ gah nhơl chờ bơh tơl càr tàm Tây Nguyên đơs is geh gơnuar ơn jơnau kơp kơ nờm bè ală broă lơh pơ gồp bal jo\ jòng kơ\ kơl jăp nàng jơh bal gùt ù tiah Tây Nguyên là tiah tus ngan ngồn lơh gơ kờn bơh cau năc nhơl chờ dê. Gơtùi đơs pơnyơu bè do: Bal mờ ală phan bơna nhơl chờ Tây Nguyên cèng bal bơta pơrya mùl go\ ai jơh gùt kơ nhoàl in mờ cèng bal bơta pơrya mùl go\ bơh dùl càr mờ bơh tơl kòn cau dê, bol he geh gơnuar kơp kơnờm bè dùl dơ\ nhơl chờ gùng lòt tơlir Tây Nguyên, halà dùl tiah nhơl chờ gùng lòt phan lời wơl bơh tiah tàm gùl lơgar tàm tơrbo\ bal mờ jơh gùt kơ nhoàl Tây Nguyên.

                                    }au mblàng Lơ Mu K’ Yến.