VOV4.K’ho – Kờp jơh bă brê mờ ù lơh broă brê bơnơm tàm ù tiah Tây Nguyên tu\ do geh rlau 3 tơlak 326 rbô lồ; tàm hơ\ ù tiah geh brê là 2 tơlak 500 rbô lồ, geh tus 76% kờp jơh bă brê mờ ù lơh broă brê bơnơm, khà chi che tàm brê là 43%.

Cồng nha lòt sền bơh Thường trực Mpồl đơng lam Tây Nguyên mờ Chi cục Kiểm lâm tiah 4 dê pa do pà go\, pơndrờm mờ nam 2015, bă brê tàm tiah Tây Nguyên neh gơmù 3.300 lồ. Pal sền ngac ngan là bă brê, ù lơh broă brê bơnơm geh jàu ai ală cau tờm brê in atbồ ndrờm geh jơnau tam pìt tam phà.

Broă sền gàr mờ bơtàu tơnguh wơl brê Tây Nguyên tìp uă bơta kal ke tài bơh tu\ do jơh gùt ù tiah Tây Nguyên gam 20.700 hìu làng bol ờ hềt geh ai ơm, rơndăp tăp sèng kơ\ kơl jăp. Jơh gùt tiah do gam 2 rbô anih lơh gơlik phan bơh brê bơnơm mờ phan lơh mờ chi, tàm hơ\ uă anih ơm rềp brê, geh tu\ là tàm brê, neh blơi tơn phan brê tơnhàu tìs mờ kơrnoat boh lam bơh brê.

Cau cih mờ yal tơngi\t-Lơ Mu K’ Yến