VOV4.K’ho – Bè hơ\ là kàl pơlòng jơh bơsram kai bơsram 3 dà lơgar dơ\ sơnrờp neh tơn jơh tàm bơta [uơn. Dơ\ pơlòng jơh bơsram kai bơsram 3 dà lơgar nam do là cồng nha tam gơl pa bơh Gah bơto bơtê mờ bơsram dà lơgar ai tàm tơngu me tơrgùm bal dơ\ pơlòng jơh bơsram kai bơsram 3 mờ pơlòng mu\t bơsram tàm hìu bơsram dờng, hìu bơsram Cao đẳng bơh ală nam lài. Den tàng, kơnòm bơsram geh ală cồng nha rơwah mu\t bơsram tàm hìu bơsram dờng, hìu bơsram Cao đẳng mờ jơh bơsram kai bơsram 3 bơh tàm dơ\ pơlòng do. Tàm Tây Nguyên, cồng nha bơh broă tam gơl pa neh sơnrờp ngan geh tàm 1 dơ\ pơlòng niam bơne\, nền nòn, geh bal kơnòm bơsram mờ cau hìu nhă đơs niam ngan.

Nam do, 5 càr Tây Nguyên geh rơlao 63 rơbô nă kơnòm bơsram tus bal pơlòng jơh bơsram kai bơsram 3 dà lơgar. Tàm hơ\ tơrgùm gal ngan tàm càr Dak Lak mờ mờr 28 rơbô nă kơnòm bơsram, pơn jăt tai là ală mpồl pơlòng tàm [òn dờng Pleiku, càr Gia Lai mờ [òn dờng Dà Làc, càr Lâm Đồng ndrờm tàm khà 17 rơbô nă, gam tai tàm ală càr Kon Tum mờ Dak Nông, kơnòm bơsram mìng tus pơlòng kờ` ai cồng nha jơh bơsram kai bơsram 3.

Tàm tu\ uă càr tiah tàm gùl lơgar mờ đah tô dà lơgar, kơnòm bơsram gơtìp glar bòl tài trồ tơngai duh bơh 39 tus 40 độ C, den tàm Tây Nguyên trồ tiah mrềt niam, [uơn ai kơnòm bơsram in tàm broă lòt rê mờ lơh jơnau pơlòng. Geh uă kơnòm bơsram neh tơn jơh dơ\ pơlòng mờ nùs nhơm chờ hờp tài neh lơh gơs jơnau pơlòng, mờ lơngăp lơngai tài ờ pal tus pơlòng dơ\ pơn jăt tai, kal ke mờ hoàc huơr bè ală bi, ală lo\ tàm ală nam lài. Kơnòm bơsram Đỗ Thị Nương, bơh ntum Ea Hồ, kơnhoàl Krông Năng, càr Dak Lak pà g^t: “Sơnrờp ngan lòt pơlòng kung ờ g^t bè lơi, mơya tu\ neh mu\t lơh jơnau pơlòng den go\ di pal. Di pal ngan tu\ bơyai lơh pơlòng jơh bơsram kai bơsram 3 mờ geh rơwah mu\t bơsram tàm hìu bơsram dờng. Oh kung go\ pơlòng bal bè do niam, [uơn mờ ờ roh tơngai lòt rê mờ ờ hoàc huơr priă jền”.

Tàm tơngai lài mờ tàm dơ\ pơlòng, ală broă lơh bơh gơnoar atbồ ală càr, gah bơto bơtê mờ bơsram bal mờ ală mpồl lơh broă kờ` dong kờl kơnòm bơsram bal mờ cau hìu nhă jun kơnòm bơsram lòt pơlòng geh đơs niam ngan. Ồng Trần Xuân Hiếu, jun kòn lòt pơlòng tàm hìu bơsram kai 3 kòn cau càr Kon Tum đơs: “Ală sao tơrgùm tus hờ do tàm hìu bơsram kòn cau càr do đơs ngan là cau mè, cau bèp kung iang nùs nhơm. Mho ngai 29 ală sao geh hìu bơsram cèng tus tàm hìu bơsram kòn cau càr kờ` geh anih ơn mờ sa”.

Den ồng Nguyễn Như Tài, 1 nă cau bèp kơnòm bơsram jun kòn lòt pơlòng tàm [òn dờng Dà Làc, càr Lâm Đồng pà g^t: “Go\ gơnoar atbồ tàm do, ală mpồl lơh broă pơgồp bal bơta pràn kàl pơlòng n`hăp `har ngan, bơh hìu ơm tus mờ ală cau bơsram dờng drơng tàm broă lơh nền nòn ngan, ai tơl bơta niam kờ` ală oh kòn bol a` in”.

Jăt jơnau yal bơh mpồl bơyai ală mpồl pơlòng, dơ\ pơlòng jơh bơsram kai bơsram 3 dà lơgar dơ\ sơnrờp neh bơyai lơh niam ờ do ờ dă. Khà kơnòm bơsram tus pơlòng geh bơh 95% tus 99% jăt mờ khà kờp kơnòm bơsram dan tus pơlòng. Tiến sĩ Huỳnh Thanh Hùng, kuang atbồ mpồl sền pơlòng sồ 29 tàm càr Gia Lai pà g^t, bơh tàm ală ngai sơnrờp bơh dơ\ pơlòng, broă nền nòn bơh ală kơnòm bơsram, kuang bàng sền pơlòng mờ ală cau hìu nhă jun kơnòm bơsram tus pơlòng neh lơh mpồl bơyai ală mpồl pơlòng iang nùs ngan. Tiến sĩ Nguyễn Tấn Vui, gơnoar atbồ hìu bơsram dờng Tây Nguyên kung pà g^t, dơ\ pơlòng do neh bơyai lơh nền nòn mờ ờ do ờ dă: “Sền bè broă bơyai lơh niam ngan, ờ geh kơnòm bơsram lơi mờ cau sền pơlòng lơi tìs mờ kơrnoăt pơlòng. Broă pơgồp bal bơh ală anih pơlòng mờ ală kuang bàng tàm hìu bơsram dờng Tây Nguyên bal mờ ală hìu bơsram kai 3, hìu bơsram trung cấp, cao đẳng tàm do niam bơne\ ngan, mờ nùs nhơm geh kơnòl uă”.

Bơh tàm broă pal tus 2 dơ\ pơlòng krơi is là pơlòng jơh bơsram kai bơsram 3 mờ pơlòng rơwah mu\t bơsram tàm hìu bơsram dờng, tu\ do tài geh broă tam gơl pa bơh Gah bơto bơtê mờ bơsram dà lơgar ai lơh, bơh nam do, kơnòm bơsram mìng geh 1 dơ\ pơlòng jơh bơsram kai bơsram 3 dà lơgar. Broă tam gơl pa do neh dong kờl mpồl bơtiàn tềm pềr uă ngan khà priă, bơta pràn mờ tơngai. Bè broă bơyai lơh, pơlòng jơh bơsram kai bơsram 3 dà lơgar dơ\ sơnrờp tàm Tây Nguyên kung geh sền là niam ngan. Broă pơlòng geh bơyai lơh nền nòn, lơh iang nùs jơh ală cau mờng gơtìp ờ su\k ơm bè ală bơta ờ niam gơl^k geh tàm dơ\ pơlòng mờ broă kờ` geh cồng nha niam bơh bơto bơtê mờ bơsram, gơl^k geh kal ke tàm ală nam lài do.

Cau mblàng Ndong Brawl