VOV4.K’ho- Drim ngai 17/11, Ủy ban Mặt trận Dà lơgar Việt Nam càr Dăk Lăk bơyai lơh Dơ\ tơngkah kir sơnrai 90 nam Ngai crơng gơs Mặt trận Jơi bơtiàn tơrgùm dùl Việt Nam mờ Ngai bơhiàn Mặt trận Dà lơgar Việt Nam (18/11). Yal tàm dơ\ tìp măt pà gi\t, 5 nam do, mặt trận ală kấp tàm càr neh hòi jà tă pơgồp geh mờr 73 tơmàn đong tơmu\t tàm Kes priă Tài cau r[ah, lơh pa mờ lơh niam wơl rlau 1 rbô 500 nơm hìu tam klăc dờng, dong kờl sơntìl chi tam, phan ròng dong ală hìu bơnhă r[ah bơtàu tơnguh lơh sa, pà phan ai hìu bơnhă chính sách mờ hìu r[ah in di tàm dơ\ sa tềp, dơ\ lơh chờ.

Tàm dơ\ bơyai lơh tơngkah kir sơnrai, ală cau ala măt neh cribơyai, tơngo\ bơta kơlôi sơnơng, jơnau kơ\p kờ` tàm ală tu\ tus bal lơh broă lơh hòi jà, tam klăc, bơtòm tơrgùm làng bol ală jơi bơtiàn, ală gah jăt yàng tus bal lơh ală srơh bơh dà lơgar dê lam lơh. Kuơmàng ngan rlau jơh là pơn jăt tai lòt rềp, ơm rềp bal mờ làng bol lơh jăt niam ală srơh mờ ală dơ\ hòi jà bè Bơsram mờ lơh jăt bồ tơngoh, nùs nhơm, rài kis mờ broă lơh jak Hồ Chí Minh dê; Jơh gùt làng bol tam klăc bal bơ\t bơtàu [òn lơgar pa, tiah drà ngac ngar jak chài, Cau Việt Nam ngui sa lài phan Việt Nam. 

Ală cau dùl nă să is mờ mpồl cau geh jờng rơ tài bơh neh geh cồng nha jak ngan tă pơgồp tàm broă lơh bơ\t bơtàu mpồl tam klăc dờng jơh gùt jơi bơtiàn

Tàm Dak Nông,  Ủy ban Mặt trận dà lơgar Việt Nam càr yu\ rơyùm bơyai lơh dơ\ tơnkah 90 nam Ngai bơhìan Mặt trận dà lơgar Việt Nam(18/11). Tus tu\ do, gùt càr neh hòi jà tănpơ gồp geh rlau 25 tơmàn đong ai ală broă lơh gàr tơl niam rài kis mpồl bơtìan; tàm hơ\ Kes pria\ “ Tài cau r[ah” geh rlau 15 tơmàn đong, dong kờl lơh pa mờr 500 nơm hìu Tam klăc dờng ai hìu bơnhă r[ah in, 18 nơm hìu nùs nhơm kờp mờ pria\ rlau 2 tơmàn đong.

Đơs tàm dơ\ tơngkah, ồng Lưu Văn Trung Phó Bí thư Thường trực Tỉnh ủy, Kuang atbồ Ban Nội chính Tỉnh ủy sồr tàm tơngai tus, Mặt trận dà lơgar ală kấp lơh jat nền Nghị quyết Pơrjum dờng Đảng bộ càr dơ\ 12, nàng bơt bơtàu broă lơh lơh broă di pal, hòi jà, tơr gùm ală rơ nàng làng bol đòm jat niam nùs nhơm tam klăc bal, tryang tryồng tàm pơr lòng, lơh broă sa, lơh ngan lơh jat geh cồng nha ală jơnau kờ` Nghị quyết dê neh ai.

Cau mblàng Lơ Mu K’Yến mờ K’Hạnh