VOV4.K’ho- Bal mờ làng bol gùt lơgar gam jơh nùs ngan lơh ală broă lơh niam wèt tus tiah tàm gùl lơgar pròc mhàm, ală ngai do, làng bol ală jơi bơtiàn tàm Tây Nguyên kung bơyai lơh uă broă lơh hòi jà tă pơgồp priă jền, phan sa, dà hùc, àu mpha…pơyua pà làng bol tiah dà ko\ dà cò lơh aniai in.

Tàm hìu sồ 87, tàm thôn 2, xã Ea Kao, [òn dờng Buôn Ma Thuột, gi\t nđờ jơ\t nă cau gam ờ ru ngan mờ broă klơm mbar kơnâm jòng, mbar kơnâm lơm pòng nàng pơyua pà làng bol tàm tiah dà ko\ dà cò lơh aniai tàm ală càr tiah tàm gùl lơgar in. Mò Trần Thị Duyên ơm tàm thôn 2, xã Ea Kao, đơs: Làng bol xã Ea Kao tơrgùm rê tàm hìu a` nàng dong kờl bal uă ngan. Jơh tơl nă cau neh klơm geh rlau 2 rbô kơnâm mbar mbar jòng, mbar klơm lơm pòng mờ tă pơgồp geh gi\t nđờ rbô thùng [ung mi, ba` lơngồt, dà hùc; 500 ki\ àu mpha yau pơyua tus càr Quảng Trị nàng dong kờl làng bol tiah dà ko\ dà cò. Tàm ală ngai tus, làng bol pơn jăt tai dờp bơta dong kờl priă jền, phan bơna bơh ală cau geh nùs nhơm niam mờ pơn jăt tai klơm mbar pơyua tus ală càr gơtìp dà ko\ dà cò ndai tàm tiah tàm gùl lơgar…

Mpồl rơndeh bơh Câu Lạc Bộ Hìu kờ` gơboh mờ Câu lạc bộ cau măy rơndeh 81– Gia Lai

Tàm kơnhoàl Cư Mgar, làng bol neh pơgồp bal mờ mpồl ơruh pơnu tàm do klơm rlau 2 rbô kơnâm mbar jòng, tă pơgồp rlau 3 rbô thùng [ung mi, dong kờl mờr 2 tấn àu mpha mờ gi\t nđờ rhiang tơlak đong nàng kờ` tam pà bal bơta kal ke mờ làng bol tàm tiah dà ko\ dà cò tàm ală càr: Quảng Trị mờ Thừa Thiên- Huế in. Hìu bơnhă mò Lê Thị Vinh ơm tàm thị trấn Quảng Phú, kơnhoàl Cư Mgar ờ mìng tă pơgồp 5 tạ phe lơm mờ gam să tờm tơn tus bal klơm mbar mờ làng bol. Mò Lê Thị Vinh, đơs: Bulah hìu bơnhă a` ờ ru ngan, lơh sa ờ go\ pas sơm sơl mơya go\ rài kis làng bol dê tàm tiah tàm gùl lơgar tu\ do gam pal kong mờ mìu càl rbu\t dờng dà tih dà cò den jơh tơl nă cau tus bal tàm do, nàng dong kờl mờ klơm bal mbar. Cau den ràu nha, cau den rơco phe, cau den klơm nàng thàn pơyua pà làng bol tiah dà ko\ dà cò in, là dùl êt nùs nhơm tam pà bal bơta jê sồt muăt jrum roh rui mờ làng bol.

Mìng tàm bàr pe ngai lơm, làng bol Dăk Lăk neh klơm rlau 10 rbô kơnâm mbar jòng, kơnâm mbar lơm pòng pơyua pà làng bol tiah dà ko\ dà cò lơh aniai tàm ală càr: Quảng Bình, Thừa Thiên- Huế, Hà Tĩnh in. Mờ làng bol kung neh tă pơgồp gi\t nđờ rhiang tơlak đong, gi\t nđờ jơ\t rbô bơnah phan, gi\t nđờ tấn àu mpha mờ uă phan sa dà hùc pơgồp bơnah dong làng bol tiah tàm gùl lơgar sơrlèt gan kal ke bơh trồ tiah lơh aniai. Mò H’Kim Hoa Byă, Kuang ătbồ Ủy ban Mặt trận dà lơgar Việt Nam càr Dăk Lăk pà gi\t, bulah ờ hềt ngan ngồn hòi jà dong kờl, mơya neh geh gi\t nđờ jơ\t mpồl, cau dùl nă să is tàm Dăk Lăk tus dong kờl priă mờ phan bơna ai làng bol gam gơtìp trồ tiah lơh aniai tàm tiah tàm gùl lơgar in. Mò H’Kim Hoa Byă, đơs: Bol a` neh dờp geh rlau 250 tơlak đong dong kờl làng bol gơtìp dà ko\ dà cò lơh aniai tàm tiah gùl lơgar in. Ală ngai tus, bol a` pơn jăt tai hòi jà tă pơgồp mờ pơn jăt tai dờp priă mờ phan bơna dong kờl làng bol tiah dà ko\ dà cò. Priă mờ phan bơna gam geh mpồl cau lơh broă ờs mờng lơh broă mờ càr gơ\p bơyô nàng di tu\ tam pà, dong kờl ai làng bol kong bơta gơrềng tài bơh trồ tiah lơh aniai nàng sơrlèt gan kal ke.

Làng bol Dak Lak klơm mbar kơnơm dong kờl làng bol tiah tàm gùl lơgar

Ai tàm Gia Lai, ală ngai do, ală mpồl lơh broă niam tàm Gia Lai gam lam lơh uă broă lơh klơm mbar kơnâm jòng, mbar kơnâm lơm pòng, dong kờl phan ngui sa pal geh pơyua tus làng bol tiah tàm gùl lơgar gơtìp dà ko\ dà cò lơh aniai. Hìu dềt sồ 76, gùng Nguyễn Viết Xuân, [òn dờng Pleiku bơh hìu bơnhă bi Phạm Văn Pháp dê neh gơ gơs là dùl nơm hìu [ềp dờng bal mờ gi\t nđờ jơ\t nơm glah tru\ mbar kơnâm gam hìt dờng ồs mờ prăp gi\t nđờ rhiang thùng [ung mi rơcăng lòt dong kờl làng bol tiah dà ko\ dà cò lơh aniai tàm càr Quảng Bình. Mìng tàm 2 ngai, ală làng bol tàm do neh klơm geh rlau 1 rbô nơm mbar kơnâm lơm pòng. Bi Phạm Văn Pháp pà gi\t: Bol a` kơlôi mbar klơm kơnâm jòng, kơnâm lơm pòng geh lời jo\ đau. Dơ\ bàr tai là làng bol tơnơ\ uă ngan sa [ung mi, phan sa ro den sa ba` là [ươn sa rlau mờ kung pràn kơldang să jan in sơl, ngan là mbar klơm lơm pòng geh lời jo\ đau. Ngai hìng, bol a` lòt jun ba` nàng jồp chân không nàng ờ gơtìp pơr ìu.

Kung tàm Gia Lai sơl, gi\t nđờ rhiang nă cau jăt yàng Phờk tàm Hìu yàng Phờk Ngọc Nghiêm tàm [òn dờng Pleiku mờ làng bol ală kơnhoàl: Kbang, Mang Yang gam klơm mblar kơnâm lơm pòng nàng pơyua làng bol tiah dà ko\ dà cò lơh aniai in. Dùl mpồl rơndeh geh 8 nơm rơndeh pơndiang phan pơndiang 5 tấn phe bal mờ rlau 600 thùng [ung mi mờ ală phan bơna pal geh ndai, àu mpha bơh Mpồl cau măy rơndeh 81 mờ Mpồl lơh broă niam Hìu kờ` gơboh dê neh tus mờ làng bol tiah tàm gùl lơgar. Bi Lê Đức Lâu, Kuang ătbồ Mpồl lơh broă niam Hìu kờ` gơboh pà gi\t: Tiah yal anih lơi gơtìp hoàc hươr den bol a` pơgồp bal mờ gơnoar ătbồ tiah hơ\ mờ mpồl chữ thập đỏ tàm tiah hơ\. Bol a` gàr niam ờdo ờdă rơndeh rơndồ, kòn bơnus tàm jơh gùt gơl gùng lòt, tus tiah jàu phan. Tàm tiah dà ko\ dà cò, dilah pal lòt den pal gàr niam màng kis, dilah lòt mờ rơkị, rơkị măy den pal soh àu pơrđồng, pal gàr niam ờdo ờdă ai ală cau lòt tàm mpồl dong kờl in.

Lài hơ\, ală cau bơyô kơnòm să tàm [òn dờng Dà Làc, càr Lâm Đồng neh jơh nùs hòi jà bơta dong kờl bơh ală cau geh nùs nhơm niam dê, tàm sơm băt tê bal tă pơgồp, dong làng bol tiah dà ko\ dà cò. Mìng tơnơ\ 4 ngai hòi jà lơm, mpồl neh dờp geh priă jền, phan bơna kờp priă gơguh tus mờr 250 tơlak đong. Dơ\ phan dong kờl bơh sơnrờp cèng jăt bal 14 tấn phan bơna pal geh neh tus tàm xã Quảng Thọ, kơnhoàl Quảng Điền, càr Thừa Thiên- Huế. Mpồl dong kờl neh jàu rlau 1 rbô bơnah phan ai làng bol in; lòt còp, pơndờm pơnđiang mờ pà phan ală hìu bơnhă geh cau pròc mhàm gơtìp rềs àr tàm dơ\ dà ko\ dà cò.

Ală broă lơh bềng bơta kuơ bơh làng bol Tây Nguyên dê nàng kờ` tam pà bal mờ ală bơta kal ke bơh làng bol tiah tàm gùl lơgar gơtìp dà ko\ dà cò lơh aniai gam geh bơta pràn lơh gơrề uă ngan. Bơta hơ\, bơnah lơi pà go\ bơhiàn nha ngan jơm glòm bal nha sèt dờng màng ngan bơh jơi bơtiàn he dê.

            VOV Tây Nguyên- Cau mblàng K’Hạnh