VOV4.K’ho- Pơrjum dờng cau ala mat gùt lơgar dơ\ 13 bơh Đảng dê gam geh lơh tàm càr lơgar Hà Nội. Bal mờ gùt lơgar, làng bol ală jơi bơtìan kòn cau Tây Nguyên gam wèt tus Pơrjum dờng bal mờ bơta pin dờn, bơta kơ\p gơn pa. Bơdìh mờ ală broă lơh tàm pơr lòng lơh geh cồng nha gờm chờ broă lơh dờng màng do, mpồl lơh broă geh gơ noar tàm Tây Nguyên kung gam lam lơh kơ nòl broă sền gàr bơta ờ do ờ dă gùt làng bol ngan, pơgồp bơnah lơh geh cồng nha bơh Pơr jum dờng dê.

Ală nam lài, broă lam lơh ală broă lơh dong kờl bơh Đảng mờ Dà lơgar dê gơ wèt mờ tiah làng bol jơi bơtìan kòn cau mờ tiah kơh bơ nơm ờ mìng dong lơh tam gơl muh mat [òn lơgar tàm Dak Lak geh ua\ bơta bơtàu tơnguh, mờ gam dong ua\ hìu bơnhă jơi bơtìan kòn cau brồ guh lik klàs r[ah. Wèt tus Pơrjum dờng Đảng gùt lơgar dơ\ 13, ồng Y Đức Êban, cau geh bơngă pin dờn, Kuang atbồ [òn Sut M’grư, kơnhòal Cư M’gar, càr Dak Lak kơ\p gơn bè bơta tam gơl bơh [òn lơgar dê bal mờ bơta pin dờn brồ guh.

A` kơ\p gơn Đảng mờ Dà lơgar sền gròi gơ wèt mờ tiah làng bol jơi bơtìan kòn cau, tus rềp rlau tai nàng rài kis làng bol dê sơlơ gơguh mờ bơtàu tơnguh rlau tai. Dơ\ 2 là sền gròi hòi jà làng bol ba` ia\t, ba` dờn, ba` jat ală cau geh nùs nhơm gơ jrà` kơ uềng. Pin dờn tàm bơta đơng lam bơh Đảng dê sùm sùm jat Đảng, sùm sùm jat Dà lơgar nàng rài kis làng bol dê bơtàu tơnguh rlau tai mờ ală nam lài dê.

Mpồl ling sền gàr tiah nhàr lơgar Dak Lak sơlơ tơnguh broă lòt sền tàm dơ\ Pơrjum dờng Đảng dê

Ồng Y Phen Niê, Chủ tịch Mpồl cau lơh broă sa xã Dray Sáp, kơnhòal Krông Ana, càr Dak Lak đơs là broă lơh kuang bàng đơs bal, broă lơh mpồl kuang bàng lài mờ pah dơ\ bơyai lơh Pơrjum dờng Đảng đơs is geh gơ noar broă kuơ dờng màng ngan, geh gơ rềng tus bơta lơh geh cồng nha bơh Pơrjum dờng Đảng dê mờ broă lơh kuang đơng lam bơh Đảng dê sơl. Den tàng bè hơ\, pah dơ\ Pơrjum dờng, ờ mìng is ồng lơm gời mờ gam ua\ ngan làng bol Việt Nam kung ndrờm kơ\p gơn broă Pơrjum dờng geh pồ rơ wah geh ală kuang bàng geh tơl bơta niam, tơl bồ tơngoh jak chài, mơ kung geh bơta kơlôi sơnơng mờ geh bơta wă wờng nàng tă pơgồp ai làng bol in, lơh jat niam bơta pràn tam klăc bal nàng ai dà lơgar in sơlơ bơtàu tơnguh.

Kơ\p kờ` là Pơrjum geh sac rơ wah geh dùl nă cau lam bồ mờ cau atbồ pal geh bơta kơ\ nùs ua\, pleh mờ bơta  duh rơngòt lơh gơmù te\  bơta ờ niam bồ tơngoh bơh Đảng kung bè lơh gơmù te\ bơta pin dờn bơh Đảng gơ wèt mờ cau lơh broă sa. Đảng là Đảng đơng lam tơl làm, kờ` pal geh dùl nă cau geh tơl  bơta niam mờ tơl bồ tơngoh jak nàng đơng lam dà lơgar Việt Nam sơlơ bơtàu tơnguh tàm tơngai tus.

Dak Lak geh gơ noar broă tờm kuơ màng bè lơh sa, sền gàr lơngap lơngai, sền gàr dà lơgar bơh tiah Tây Nguyên mờ gùt lơgar, mờ rlau 73 kơi sồ gùng nhàr rềp nhàr bal mờ lơgar Campuchia. Nàng pơgồp bơnah gàr niam bơta ờ do ờ dă ngan ai Pơrjum dờng Đảng gùt lơgar dơ\ 13, tơl kuang bàng, cau ling Mpồl ling sền gàr tiah nhàr lơgar càr, bal mờ broă tơnguh ua\ kơ nòl broă sền gàr tiah nhàr lơgar, ală mpồl neh ai ală kuang bàng, cau ling lòt tàm ală ù tiah nàng rcang lài g^t loh ală bơta, bơsong jơh ală broă tàm tiah nhàr lơgar, ba` lời gơlik geh bơta ờ niam gơ rềng tus bơta lơngap lơngai, rơndap tap sèng tàm ală ngai bơyai lơh Pơrjum dờng. Trung tá Nguyễn Thanh Tùng, Kuang atbồ Pôs đồng ling sền gàr tiah nhàr lơgar Ea H’leo, Gah đơng lam Mpồl ling sền gàr tiah nhàr lơgar càr Dak Lak pà g^t.

Gơ wèt mờ mpồl ling neh ai ală mpồl lòt tàm tiah nhàr lơgar nàng lòt sền. Bơdìh mờ hơ\, mpồl lơh broă kung lơh jat kơ nòl broă 2 dơ\, lòt sền, ơm kơ\p ờm sền gàr tàm tiah nhàr lơgar Pôs đồng atbồ mờ kung lơh jat kơ nòl broă rcang sơn dră kòp Covid-19, mpồl lơh broă neh ngui ală gùng dà broă lơh sền gàr tiah nhàr lơgar, gàr niam bơta ờ do ờ dă gùng sơn tơ\p jrong nhàr lơgar kung bè jơh gùt  tiah nhàr lơgar bơh mpồl ling dê mờ bơh càr Dak Lak dê nàng sền gàr geh cồng nha Pơrjum dờng cau ala mat gùt lơgar dơ\ 13 bơh Đảng dê.

Rơnàng kơ nòm să Kon Tum tàm pơr lòng gờm chờ Pơrjum dờng Đảng dê

Wèt tus Pơrjum dờng Đảng dơ\ 13 bal mờ bơta pin dờn Pơrjum dờng geh cồng nha niam bơ ne\ mờ kơ\p gơn ua\ bơta gơn kơ nờm tàm ală broă lơh bơh Đảng mờ Dà lơgar dê nàng dà lơgar in bơtàu tơnguh tàm ală tơngai pơn jat tai. Bal mờ ală gùng dà broă lơh bơtàu tơnguh lơh sa- bơta niam chài- mpồl bơtìan, Thiếu tá Huỳnh Trọng Hiếu, Chính trị viên phó Pôs đồng ling sền gàr tiah nhàr lơgar Yok M’Bre, Gah đơng lam Mpồl ling sền gàr tiah nhàr lơgar càr Dak Lak kơ\p kờ` ală Nghị quyết Pơrjum dờng sền gròi rlau tai tus bơta sền gàr lơngap lơngai, sền gàr dà lơgar, sền gàr tiah nhàr dà lơgar dê.

Bal mờ gùt Đảng, gùt làng bol mờ làng bol tiah nhàr lơgar hô hâng ngan gờm chờ Pơrjum dờng Đảng dơ\ 13. Mờ Pơrjum dờng dơ\ do, gơ wèt mờ mpồl ling sền gàr tiah nhàr lơgar bol a` kơ\p gơn pơn jat tai dờp geh bơta sền gròi đơng lam bơh Đảng, Dà lơgar dê kung bè bơta đơng lam ală kấp gơ wèt mờ broă lơh sền gàr gơ noar tờm, sền gàr lơngap lơngai tiah nhàr lơgar bơh dà lơgar dê, ờ mìng is bơh mpồl ling sền gàr tiah nhàr lơgar càr Dak Lak lơm mờ gơ wèt bal mờ mpồl ling sền gàr tiah nhàr lơgar Việt Nam dê sơl.

 Ai tàm càr Kon Tum, Ban Thường vụ Tỉnh đoàn neh bơyai lơh dơ\ lam lơh “ Rơnàng kơ nòm să Kon Tum 90 ngai tàm pơr lòng gờm chờ Pơrjum dờng Đảng gùt lơgar dơ\ 13 mờ 90 nam Ngai crơng gơs Đoàn Ơruh pơnu Cộng sản Hồ Chí Minh. Mờ nùs nhơm “ 90 nam- Ală broă lơh ơruh pơnu cộng sản dê”, tàm 90 ngai tàm pơr lòng, ală kấp bộ Đoàn càr Kon Tum dan cih mat, dờp mờ lam lơh ua\ broă lơh, bơnah broă ơruh pơnu pơgồp bal bồ tơngoh mờ bơta pràn rơnàng kơ nòm să dê tài bơh bơta bơtàu tơnguh bơh mpồl bơtìan dê. Bi Xiêng Thanh Phúc, Bí thư Tỉnh đoàn Kon Tum pà g^t:

Broă tờm là ală kấp bộ Đoàn bơyai lơh ală broă lơh loh làng ngan bè lơh broă lơh ơruh pơnu, bơnah broă ơruh pơnu. Đoàn ơruh pơnu tus bal bơt bơtàu [òn lơgar pa, tiah drà ngăc ngar. Bơyai lơh ai đoàn viên, ơruh pơnu rê tàm ală tiah tềl lời wơl kah yau, anih pơr hê. Cribơyai mờ kấp ủy, gơ noar atbồ tus cribơyai mờ đoàn viên, ơruh pơnu bè nùs nhơm, bơta kơ\p kờ` bơh ơruh pơnu dê. Ală kấp bộ Đoàn pơn jat tai bơ to bơtê bơta niam kăc màng dê ai đoàn viên ơruh pơnu in.

Mờ ală broă lơh ngan ngồn, làng bol ală jơi tìan kòn cau Tây Nguyên, ală mpồl lơh broă geh gơ noar gam lơh ngan tàm pơr lòng gờm chờ Pơrjum dờng cau ala mat gùt lơgar dơ\ 13 bơh Đảng dê bal mờ bơta pin dờn, bơta kơ\p gơn pa.

VOV Tây Nguyên- Quốc Học tơr gùm wơl- Cau mblàng K’ Hạnh