VOV4.K’ho-Bal mờ lơh niam kơnòl broă pơlam tàp, rcăng tam lơh, kuang bàng mờ cau ling Mpồl đơng lam ling klàng kơnhoàl Krông Pach, càr Dăk Lăk dê gam jơh nùs ngan tus bal srơh “Mpồl ling tơrgùm bal pràn bơ\t bơtàu [òn lơgar pa”. Bơh ală bơnah broă, bè: ai kuang bàng tus bal lơh broă tàm kấp ủy, bơ\t bơtàu ală broă lơh sa, dong kờl gi\t nđờ rbô ngai lơh gùng, tuah wàs rbòng dà…neh pơgồp bơnah uă ngan dong Krông Pach gờ` gơ gơs là kơnhoàl bơh sơnrờp tàm Dăk Lăk lơh jơh ală broă bơ\t bơtàu [òn lơgar pa.

Gơl gùng lòt ală xã tàm tơrbo\ bal thôn Phước Lộc mờ tiah tờm UBND xã Ea Phê jòng mờr 7 kơi sồ. Lài do, gùng do là gùng ù mờ uă ngan anih gơtìp rơlu\ rơlùn, pah tu\ mìu tus den bo\ bil ntiar ngan, ai trồ tơngai den thul kơmbuh ù lơm lơh ờ niam ngan tàm broă lòt rê bơh làng bol dê.

   Mpồl ling griăp [òn tàm kơnhoàl Krông Pach, Dăk Lăk neh tă pơgồp git nđờ rhiang ngai lơh broă nàng lơh gùng

Ồng Nguyễn Văn Sơn ơm tàm thôn Phước Lộc 5, xã Ea Phê pà gi\t, lồi nam lài, dà lơgar dong kờl mờr 200 tấn sơmang, rlau 1.500 khối bràs, lu\ nàng lơh gùng; kuơmàng Mpồl đơng lam ling klàng kơnhoàl Krông Pach neh hòi jà gi\t nđờ rbô nă kuang bàng, cau ling mờ mpồl ling griăp [òn tus lam tuh brê tông lơh gơl gùng. Bơh tu\ gùng geh lơh gơs mờ ai ngui, muh mat [òn lơgar bơh xã dê neh tam gơl jơh, broă lòt rê bơh làng bol dê ờ gam tìp kal ke bè lài tai. Ồng Sơn yal:

Tu\ dà lơgar pà priă den làng bol bal mờ mpồl ling klàng bơh kơnhoàl dê hòi tơrgùm pah ngai gơguh tus 40 nă cau tus tuh bê tông, mờ pơgăp 10 ngai den neh lơh sir jơh gơl gùng. Tơnơ\ tu\ geh gùng bê tông làng bol chờ hờp ngan, muh mat thôn dê kung tam gơl jơh tơn, ală sau lòt bơsram ờ gam gơtìp bo\ bil tàm kàl mìu, thul kơmbuh ù tàm kàl prang bè lài, broă pơndiang phan lơh geh bơh sươn sre bơh làng bol dê kung ờ gam kal ke bè lài tai.

Nàng lơh jat srơh “Mpồl ling tơrgùm bal pràn bơ\t bơtàu [òn lơgar pa”, tơngai lài, bal mờ broă lơh gơs kơnòl broă pơlam tàp rcăng tam lơh den ală kuang bàng, cau ling Mpồl đơng lam ling klàng kơnhoàl Krông Pach gam lơh niam broă lam sồr làng bol, tus bal jơh nùs lơh jat bàr pe tơngume, broă bơ\t bơtàu [òn lơgar pa.

             Ala mat Mpồl đơng lam ling klàng kơnhoàl Krông Pach pà kơnrồ me ai cau r[ah in

Thiếu úy Nguyễn Quang Tuyến, gơ wèt Mpồl đơng lam ling klàng kơnhoàl Krông Pach, cau tus bal jơh nùs tàm srơh bơ\t bơtàu [òn lơgar pa tàm do pà gi\t:

Bol a` pơgồp bal mờ ală mpồl cau ndai, bè: Đoàn ơruh pơnu, Mpồl cau lơh broă sa, Mpồl cau ùr bơdìh mờ broă lơh dong kờl ngai lơh gùng den kung gam dong kờl tai ngai lơh broă dong làng bol toès kòi, pik kơphê…Bol a` kờp sền ală hìu kal ke bè hìu ơm nàng dong kờl khi lơh bơ\t niam wơl rkàng hìu, kơlik hìu nàng geh anih ơm niam rlau. Bơdìh hơ\ tai, pah nhai, pah quý bol a` kung pơgồp bal mờ làng bol lam pơs wàs lơh kloh niam tiah ơm kis, lơh geh ù tiah [òn lơgar tơlir, kloh, niam nàng lơh geh broă bè tiah ơm kis.

Krông Pach là kơnhoàl geh càr Dăk Lăk rwah là kơnhoàl lam lài bơh càr dê bè bơ\t bơtàu [òn lơgar pa, mờ jơnau kờ` geh ai là tus jơh nam 2020 geh lơh jơh broă lơh bơ\t bơtàu [òn lơgar pa. Bơh nam 2015 tus tu\ do, Krông Pach neh geh 9 tàm 15 xã, thị trấn jơh lơh jơnau kờ` dà lơgar bè bơ\t bơtàu [òn lơgar pa.

Jat ồng Trần Hồng Tiến, Bí thư Huyện ủy Krông Pach yal, bơh tu\ do tus jơh nam 2020, kơnhoàl geh lơh ngan lơh geh jơh ală broă [òn lơgar pa tàm 6 xã gam wơl, là: Ea Uy, Ea Yiêng, Ea Hiu, Hồng Tiến, Tân Tiến mờ Vụ Bổn, nàng lơh geh broă rơndăp lơh neh ai.

   Krông Pach geh gơ gơs là kơnhoàl bơh sơnrờp tàm Dăk Lăk lơh jơh ală broă lơh bơ\t bơtàu [òn lơgar pa tàm nam 2020

Ồng Tiến pà gi\t, nàng lơh geh bơta do, kờ` ngan bơta tàm sơmbăt tê bal tơrgùm bal pràn bơh ală kấp ală gah, ală rơnàng làng bol dê tàm hơ\ geh mpồl ling lơh broă tàm kơnhoàl:

Ală oh mi tàm Đảng bộ ling klàng kơnhoàl neh geh broă rơndăp lơh lơh gơs broă sồ 19 là sền gàr lơngăp lơngai sền gàr dà lơgar. Bơdìh hơ\ tai, ală oh mi kung neh sồr ală chi bộ gơ wèt bal sac rwah ală bơnah broă loh làng nàng dong kơnhoàl bơ\t bơtàu [òn lơgar pa. Bè, dong kờl lơh gùng lòt, bơto pơlam ngui bơta jak chài măy mok, dong kờl làng bol sơntìl chi tam dong kơnhoàl tơn jơh jơgloh tơrmù r[ah, bơh hơ\ dong kờl uă ngan ai kơnhoàl in lơh gơs jơnau kờ` bơ\t bơtàu [òn lơgar pa.

Thiếu tá Nguyễn Tiến Chức, Chính trị viên phó Mpồl đơng lam ling klàng kơnhoàl Krông Pach pà gi\t, lơh jat srơh “Mpồl ling tơrgùm bal pràn bơ\t bơtàu [òn lơgar pa” bơh nam 2015 tus tu\ do, mpồl ling neh ai mờr 1 rbô nă cau lơh broă nàng tus lơh rlau 145 kơi sồ gùng lòt; lơh niam wơl mờ tuah wàs rlau 50 kơi sồ rbòng dà; sơng dà lơh niam wơl hìu bơsram, hìu sơnơm; lơh pà 15 nơm hìu bơta nđàc kờp priă mờr 1 tơmàn 200 tơlak ai ală hìu r[ah, cau chính sách in.

Kuơmàng, neh ai 15 nă đảng viên jak lòt tus [òn lơgar tus bal lơh broă tàm kấp ủy tàm 15 xã, thị trấn nàng kờ` dong ală tiah lơh geh broă bè chính trị Đảng bộ sàng goh, pràn kơldang kơ\ kơl jăp…Tơngai tus, mpồl ling geh pơn jat tai dong ală xã lơh ală broă nàng lơh jơh ală broă jat di broă rơndăp lơh neh ai.

Gơ wèt mờ ală xã mờ ờ hềt lơh jơh ală broă, bol a` geh sac rwah ală kuang bàng geh broă lơh jak pơn jat tai tus bal lơh broă tàm kấp ủy nàng dong gơnoar atbồ tiah hơ\ in tàm broă lơh bơ\t bơtàu [òn lơgar pa. Pơn jat tai bơto bơtê cau ling jơh nùs tus bal srơh do. Bơdìh hơ\ tai, den pơn jat tai tă pơgồp nàng lơh bê tông gùng lòt [òn lơgar, lơh bê tông ală rbòng dà tàm sươn sre, bơh hơ\ dong ală tiah lơh jơh jơnau kờ` bơ\t bơtàu [òn lơgar pa.

Gơtùi đơs, broă lơh jat srơh “Mpồl ling tơrgùm bal pràn bơ\t bơtàu [òn lơgar pa” bơh Mpồl đơng lam ling klàng kơnhoàl Krông Pach dê bơh ală broă geh kuơ ngan neh ngan ngồn lơh gơrề uă, geh kấp ủy, gơnoar atbồ mờ làng bol tàm tiah do cih dờp mờ đơs niam ngan. Dong jơnau kờ` ai Krông Pach gơ gơs là kơnhoàl bơh sơnrờp càr Dăk Lăk dê kung bè dơ\ bàr tàm Tây Nguyên lơh jơh ală broă bơ\t bơtàu [òn lơgar pa tơnơ\ Đơn Dương bơh càr Lâm Đồng dê là gơtùi lơm lơh geh ngan ngồn. Bơh hơ\, bơ\t bơtàu kơ\ kơl jăp nùs nhơm rcăng lài sền gàr lơngăp lơngai, sền gàr dà lơgar tàm làng bol.

Cau mblàng Lơ Mu K’Yến