VOV4.K’ho - Ngai òr 11/02, Đại tướng Udomdej Sitabutr kuang đơng lam bồ ling đang ù gờl lơgar Thái Lan hơ mờ cau lơh bau\ là, ồng ờ git bè jơnau yal tơngit đơs là, mò Yingluck Sinawatra kuang gơs gơnap gơnuar atbồ hờđang rlau jơh lơgar Thái Lan lài do dăn ơm pleh tài jơnau gùng dră bal. Kung tàm ngai òr, ồng Patrick Murph kuang jat jơng atbồ anih ala mat lơgar Mỹ tàm lơgar Thái Lan kung neh ờ dờp jơnau yal tơngit bè broă mò Yingluck Sinawatra dăn ơm pleh tài jơnau gùng dră bal tàm lơgar Mỹ. Ờ uă kuang ala mat Đảng tài lơgar Thái Lan bơh mò Yingluck dê kung neh ờ dờp jơnau yal tơngit do. Tàm tu\ hơ\, cau chài cah rơ`a is bơh mò dê neh sồr ling klàng mờ cảnh sát lơgar Thái Lan ba` sền gròi, kơryan gơnuar khat gơ boh is jat adat boh lam bơh mò Yingluck dê. Jơnau sồr do geh tơlik tơ nơ\ mờ tu\ anih duh broă sền gàr ngap lơngai dà lơgar ờ ai gơnuar mò Yingluck geh lòt hờ lơgar ndai, tài jơnau ờ dipal, mơkung geh broă lơh sền gròi tus mờ mpồl rơndeh dờng jun mò Yingluck rê còp bòn tờm tàm càr Chaing Mai.