Mờ să jan sơrbăc mhar, tơryang tơryồng, jơh nùs tàm broă lơh ơruh pơnu, bơh tu\ pa mu\t bơsram tàm hìu bơsram Đại học cảnh sát nhân dân tơn, Trần Khánh Duy neh là dùl nă đoàn viên pơnrơ ngan. Bơh 4 nam bơsram, Trần Khánh Duy neh dờp geh 9 sră jờng rơ bơh hìu bơsram mờ ală kơnă mpồl ơruh pơnu dê ai pà.

Nam 2015, tu\ rê [òn lơgar dờp broă lơh, Thiếu úy Trần Khánh Duy geh pồ lơh Phó Bí thư lơh kơnòl broă Đoàn ơruh pơnu Kuang àng càr Kontum. Mờ bơta pràn kơnòm să bal mờ nùs nhơm jơh nùs ngan, Trần Khánh Duy neh lơh niam gơnoar broă dong broă ai Đảng ủy Kuang àng càr in mờ đơng lam lam lơh ală broă rơndăp lơh, broă lơh broă Đoàn mờ srơh ơruh pơnu Kuang àng càr Kontum. Mờ bi kung neh lơh niam broă jòi gi\t jơnau gơlik geh mờ pơlam gùng broă lơh bơto bơtê chính trị, nùs nhơm ai đoàn viên ơruh pơnu in, pơlam mpồl ơruh pơnu kơnă hơđơm in lơh ală broă lơh ơruh pơnu, bơnah broă ơruh pơnu, drơng niam broă lơh ờs mờng.

Pơnyơu bè tàm nam 2016 pa do, Chi đoàn phòng Cảnh sát atbồ hành chính bè rơndăp tăp sèng ờdo ờdă mpồl bơtiàn neh tơn ru\c lơyah tơngai mờ lơh phàt sră kim ta làm bă tiah ai mờr 30 rbô nă cau in. Mơkung tus tơn tàm hìu nàng lơh sră lơh kim ta ai ală cau kờn pal geh dong kờl in, bè cau gơtìp kòp kơn jơ\, cau kra să jan ờ pràn. Halà bè Chi đoàn phòng Lơngăp lơngai mpồl bơtiàn, Chi đoàn kuang àng ală kơnhoàl: Sa Thầy, Kon Braih, mờ bơnah broă “Tơnguh jơnhoa cồng nha broă lơh lam sồr làng bol tàm tiah làng bol kòn cau”, pơgồp bơnah sền gàr niam bơta lơngăp lơngai, ờdo ờdă tàm [òn lơgar. Đoàn viên, ơruh pơnu ală Chi đoàn neh tus bal lam sồr làng bol, di tu\ dong broă dan geh ală broă lơh bơsong ală bơta gơrềng tus “yàng ờ ngan Hà Mon”tàm [òn lơgar. Đoàn kơnă hơđơm Phòng cảnh sát cơ động lơh “sươn biăp ơruh pơnu” kờn drơng jơnau kờn ngui sa ai kuang bàng mờ cau ling in…

Pah nam, Thiếu úy Trần Khánh Duy bal mờ đoàn viên ơruh pơnu kuang àng càr Kontum neh lam sồr mờ gơhòi gơ jà gi\t nđờ rhiang nă đoàn viên ơruh pơnu lòt lơh broă hờ [òn lơgar, bơyai lơh kham kòp mờ pà sơnơm ờ sa priă ai làng bol kis tàm ală xã tiah sar lơgar ngài, mơkung dong làng bol lơh gùng lòt tàm [òn, pà àu mpha, sră pơ àr ai kơnòm dềt r[ah bơsram jak in…Bơh nam 2015, bi Trần Khánh Duy neh dan, crơng gơs mờ bơtàu tơnguh Mpồl pà mhàm dong kờl is mờ rlau 300 nă đoàn viên, ơruh pơnu cih mat lơh bal, pah nam lam lơh 2 dơ\ pà mhàm dong kờl is, lơh geh gi\t nđờ rhiang kơldung mhàm pràn ai cau kòp in.

Bal mờ hơ\, Thiếu úy Trần Khánh Duy neh bơ\t bơtàu mờ lam lơh Broă lơh lòt sền broă lơh Đoàn mờ srơh ơruh pơnu Kuang àng càr, lơh uă tàm broă lơh bơh ală mpồl đoàn kơnă hơđơm dê, iat kơno jơnau đơs, bơta kơlôi sơnơng jơnau kơ\p kờn bơh đoàn viên ơruh pơnu dê, bơh hơ\ bơsong ală kal ke mờ lơh ală tơngume broă lơh Đoàn dipal rlau mờ jơnau kờn tàm rài kis geh ngan. Kơnờm bè hơ\ mờ broă lơh bơh đoàn viên ơruh pơnu dê ngai sơlơ geh cồng nha rlau, pơgồp bơnah bơ\t bơtàu mpồl đơng lam mpồl ơruh pơnu kuang àng càr Kontum ngai sơlơ pràn kơldang kơ\ kơl jăp. Boh bơr mờ ơruh pơnu pơnrơ jak ală càr Tây Nguyên dê, Thiếu úy Trần Khánh Duy, đơs bè do:

“Tàm khat broă lơh lơi, rơnàng kơnòm să Kuang àng càr Kontum sùm đơs nền gơnoar broă lam lài, lơh lài tàm broă lơh mu\t lơh kơnòl broă chính trị bơh mpồl dê mờ jơh nùs tus bal lơh ală broă lơh dong kờl is, tơrgùm bal pràn tài mpồl bơtiàn. Ngan bơh jơnau do, să tờm a` kung bè jơh ală đoàn viên ơruh pơnu bơh Kuang àng càr dê neh pơgồp bơnah bal mờ mpồl kuang àng càr Kontum lơh gơs jak ngan kơnòl broă geh jàu, gàr bơta lơngăp lơngai chính trị, gàr niam ờdo ờdă mpồl bơtiàn, sền gàr rài kis ring lơngai mờ chờ hờp bơh làng bol dê, dipal là cau Kuang àng làng bol tài dà lơgar hi\u să tờm, tài làng bol drơng broă”.

Mờ ală cồng nha jak ngan tàm broă đơng lam mờ mu\t lơh broă lơh Đoàn mờ srơh ơruh pơnu, pa do, Thiếu úy Trần Khánh Duy neh geh Hội Liên hiệp ơruh pơnu Việt Nam jàu pà sră jờng rơ mờ dờp kuang bàng Mpồl ơruh pơnu pơnrơ jak Mpồl Tây Nguyên nam 2016.

Cau cih mờ yal tơngi\t- Lơ Mu K’ Yến