VOV4.K’ho - Drim òr (14/01), tàm hìu lơh broă Chính phủ, Thủ tướng ồng Nguyễn Xuân Phúc đơng lam dơ\ lơh broă mờ kuang bàng tờm càr Bình Phước bè broă tơnguh bơtàu lơh sa mpồl bơtiàn nam pa do mờ lơh jăt rơndăp broă nam do bơh càr dê.

Jơnau yal mờ Thủ tướng, Chủ tịch UBND càr Bình Phước mò Trần Huệ Hiền pà g^t, mờ uă broă lơh rơcang lài, tam gơl pal, geh cồng nha tàm broă atbồ, đơng lam bơh bồ nam 2020 den tàng broă lơh sa mpồl bơtiàn càr dê geh cồng nha kuơ màng mờ geh uă bơta àng niam, geh 21 tàm 24 khà broă lơh sa mpồl bơtiàn mìng geh mờ sơrlèt mờ rơndăp broă neh geh ai, tàm hơ\ khà gơguh lơh sa geh 7,51% gơwèt mpồl uă gùt lơgar dê.

Đơs pơn du\t dơ\ lơh broă, Thủ tướng ồng Nguyễn Xuân Phúc sồr, tàm tơngai tus càr pal wèt broă lơh sa suơn sre hữu cơ, gàr niam broă lơh gơs, ai geh bơta kuơ gơguh uă, pơn jăt tai tơnguh gơnoar là tiah tờm năng lượng uă ngan gùt lơgar dê, ai geh broă tơnguh pràn tàm broă pơgồp bal tiah, nàng gàr gơnoar kuơ màng rơlao tai tàm broă lơh sa pa.

Cau mblàng Ndong Brawl