VOV4.K’ho– Drim ngai 14/9, mpồl kuang bàng Bộ Ngoại giao bơh ồng Lê Hoài Trung - Ủy viên Đảng dà lơgar, Thứ trưởng Bộ Ngoại giao, Chủ nhiệm Ủy ban tiah nhàr dà lơgar, Chủ tịch Ủy ban dà lơgar mpồl UNESCO Việt Nam lơh kuang atbồ mpồl neh lơh broă mờ kuang đơng lam bồ càr Kon Tum. Tàm dơ\ lơh broă, ală kuang bàng neh iat jơnau yal bè broă dunia, ală broă gơ rềng tus dà lềng tiah đah mat tơngai lik mờ broă lơh tam cah, tồt `jrong tiah nhàr dà lơgar đah lơgar he mờ ală lơgar Lào, Campuchia. Kuang đơng lam bồ càr Kon Tum kung yal bè broă lơh mờ lơgar ndai bơh càr dê tàm 5 nam do (bơh nam 2015 tus nam 2020).

Thứ trưởng Bộ Ngoại giao, ồng Lê Hoài Trung sồr, tàm tơngai tus, càr Kon Tum pal lơh niam rlau tai broă lơh bal lơh sa đah càr Kon Tum mờ ală càr tiah nhàr dà lơgar bơh lơgar Lào mờ lơgar Campuchia dê. Kươmàng, càr Kon Tum pal bơ tơl, lơh sir sră nggal rơndap ù tiah Mpồng nhàr dà lơgar dunia Bờ Y (kơnhòal Ngọc Hồi) mờ pờ tai Mpồng nhàr dà lơgar sơne\ Hồ Le (kơnhòal Ia H’Drai) tàm tiah nhàr lơgar đah Việt Nam mờ Campuchia nàng yal Chính phủ in sền sơ wì ring bal tàm tơngai tus.

Cau mblàng K’Duẩn