VOV4.K’ho – Drim ngai 9/9, tàm Hà Nội, geh lơh Pơrjum pờ tơlik tơn tàm internet Bộ trưởng Ngoại giao mpồl ASEAN dơ\ 53. Thủ tướng Nguyễn Xuân Phúc neh tus bal mờ đơs gờm chờ pơrjum. Tàm gơ noar broă là Chủ tịch Mpồl ASEAN nam 2020, Thủ tướng đơs, pơrjum dơ\ do là cơng tàng ai broă mpồl ASEAN gam tam gơl, gơ rờm bal mờ tu\ tơngai pa, kơ\ kơljap, tam klac bal sơrlèt gan kal ke, bơta lòng.

Tàm tu\ tơngai nam 2020 geh lơh ua\ broă lơh, ASEAN kung mut tus tơngai 60 nam, Thủ tướng pà git, Mpồl ASEAN gam bơtàu tơnguh pràn kơldang ngan, gơ gơs là rài lơh sa dờng dơ\ 5 tàm dunia mờ là mpồl kuơmàng ngan, geh gơnoar broă lơh tờm ai cribơyai, lơh broă bal tài ring lơngai, lơngap lơngai mờ pas sơm bơh tiah do dê in. Mờ bơta kơ\ kơljap, kơ\ dơn tềng đap ală tam gơl kal ke bơh broă gơlik geh dê, Thủ tướng đơs niam jơnau yal bơr bal bơh ală Bộ trưởng Ngoại giao dê di tơngkah 53 nam ngai crơng gơs mpồl ASEAN neh đơs nền nùs nhơm lơh ngan gàr sùm tiah Đông Nam Á ring lơngai, lơngap lơngai, lơh tờm is mờ kơ\ kơljap.

Cau mblàng K’Duẩn