VOV4.K’ho- Tàm tu\ lơgar he pa geh 82 nă cau bơ tờp kòp Covid-19 tàm mpồl bơtìan tàm Hải Dương mờ Quảng Ninh, tàm drim ngai 28/01 tơn, tàm tiah tờm pơrjum dà lơgar, là anih gam geh lơh pơrjum dờng Đảng gùt lơgar dơ\ 13, Thủ tướng Nguyễn Xuân Phúc neh bơyai lơh pơrjum jal mhar mờ Mpồl đơng lam dà lơgar rơcang sơndră kòp Covid-19 nàng ring bal ală broă lơh rơcang sơndră kòp di tu\.

Tềng đap bơta tiah geh kòp Hải Dương neh git go\ 72 nă cau bơ tờp kòp mờ tàm tiah geh kòp Quảng Ninh geh 10 nă cau bơ tờp kòp, Thủ tướng Nguyễn Xuân Phúc sồr lam lơh ơm yah ngài mpồl bơtìan tàm tiah Chí Linh (Hải Dương) mờ wàng se, kơryan [làng rơndeh par Vân Đồn. Bơh nùs nhơm yal loh làng broă gơlik geh bơh kòp dê, đơs tàm dơ\ pơrjum, Thủ tướng Nguyễn Xuân Phúc đơs loh, làng bol ba` ngòt, kơ lôi rơcang ir. Chính phủ, Mpồl đơng lam dà lơgar, Bộ Y tế mờ 2 càr Hải Dương, Quảng Ninh gam lơh broă jơh nùs nàng sơndră kòp, neh đal git tiah geh kòp mờ pơn jat tai jòi ală cau ơm rềp dùl bă krà` cê, sơbac mhar.

Cau mblàng K’Duẩn