VOV4.K’ho- Ồng Samdech Techo Hun Sen Thủ tướng lơgar Campuchia, Chủ tịch Đảng Làng bol lơgar Campuchia (CPP) gờm chờ ồng Nguyễn Phú Trọng geh pin dờn pồ lơh Tổng Bí thư Ban Chấp hành Đảng Cộng sản dà lơgar Việt Nam. Tàm điện gờm chờ, ồng Samdech Techo Hun Sen neh ala măt Ủy ban Đảng làng bol dà lơgar Campuchia mờ să tờm ồng pơyua jơnau gờm chờ jơh nùs mờ chờ hờp ngan tu\ gi\t jơnau yal ồng Nguyễn Phú Trọng geh pồ lơh Tổng Bí thư Ban Chấp hành Đảng Cộng sản dà lơgar Việt Nam khoá XIII. Thủ tướng Campuchia đơs nền, cồng nha do đơs wơl bơta dòn kơnờm mờ bơta pin dờn bơh Đảng Cộng sản Việt Nam dê, làng bol Việt Nam dê gơ wèt mờ bơta pràn jak mờ bơta đơng lam àng sơrdah ngac ngar bơh Tổng Bí thư dê, nàng kờ` lam Việt Nam pơn jăt tai lơh geh uă cồng nha tàm bơtàu tơnguh lơh sa- mpồl bơtiàn, sền gàr bơta ring lơngai, kơ\ kơl jăp mờ pas gơs jo\ jòng.

Chủ tịch Đảng làng bol dà lơgar Campuchia tơlik nùs nhơm pin dờn tàm tơngai lơh broă pa bơh ồng Nguyễn Phú Trọng Tổng Bí thư, Chủ tịch lơgar dê, bơta gi\t gơ\p ờs mờng bơh jo\, tam klăc bal mờ lơh broă bal niam bơne\ đah Đảng làng bol dà lơgar Campuchia mờ Đảng Cộng sản dà lơgar Việt Nam dê geh sơlơ tơnguh tai mờ lơh jrô ơnàng rlau tai, tài bơta kuơ bơh làng bol 2 lơgar dê.

Cau mblàng Lơ Mu K’Yến