VOV4.K’ho- Ngai 03/02, Chủ tịch Đảng Làng bol Campuchia, Thủ tướng Chính phủ Campuchia, ồng Hunsen geh dơ\ cribơyai tàm điện thoại nting bơr gờm chờ cồng nha bơh pơrjum dờng cau ala mat gùt lơgar dơ\ 13 bơh Đảng he dê mờ nting bơr gờm chờ Tổng Bí thư, Chủ tịch lơgar, ồng Nguyễn Phú Trọng.

Tàm dơ\ cribơyai tàm điện thoại, Thủ tướng Campuchia, ồng Hunsen jơh nùs nting bơr gờm chờ Đảng Cộng sản Việt Nam neh bơyai lơh geh cồng nha Pơrjum dờng cau ala mat gùt lơgar dơ\ 13 mờ đơs nền do là dùl broă chính trị kươmàng bơh lơgar Việt Nam dê; nting bơr gờm chờ ồng Nguyễn Phú Trọng geh Đảng dà lơgar pin dờn pồ wơl lơh Tổng Bí thư; đơs niam gơ noar broă, bơngă pin dờn bơh Tổng Bí thư, Chủ tịch lơgar, ồng Nguyễn Phú Trọng dê gơ wèt tus mờ broă lơh bơt bơtàu mờ sền gàr dà lơgar Việt Nam.

Tổng Bí thư, Chủ tịch lơgar, ồng Nguyễn Phú Trọng ưn ngài jơh nùs Chủ tịch Đảng Làng bol Campuchia, Thủ tướng Hunsen. 2 nă kuang đơng lam bồ đơs nền, 2 gah geh pơn jat tai pơgồp bal jơh nùs, lơh jat geh cồng nha ală jơnau ring bal dờng màng đah kuang đơng lam bồ dờng màng 2 Đảng, 2 lơgar; pơn jat tai bơt bơtàu ai git gơp lơgar rềp bal niam bơne\, lơh bơyô ờs mờng, lơh broă bal tơl làm đah Việt Nam mờ Campuchia ngai sơlơ bơtàu tơnguh kơ\ kơljap.

Cau mblàng K’Duẩn