VOV4.K’ho- Mang òr 18/5, tàm [òn dờng Sầm Sơn, càr Thanh Hoá, Thủ tướng Nguyễn Xuân Phúc tus bal Pơrjum hòi jà bơcri priă tàm càr Thanh Hoá. Tàm dơ\ pơrjum, càr Thanh Hoá hòi jà bơcri tàm 5 broă pal lơh lài, tàm hơ\ geh: công nghiệp lơh gơs phan, lơh mòn, lơh broă sa sươn sre; nhơl chờ; lơh sơnơm; bơtàu tơnguh phan bơna, tiah drà. Bơta pràn bơh càr Thanh Hoá dê là geh ală gùng lòt geh bal tơl gùng rơndeh, gùng rơndeh ồs, gùng dà mờ gùng rơndeh par [ươn [oài, geh [làng rơndeh par Thọ Xuân, anih ơhò dà lềng ơm jrô Nghi Sơn. Kuang đơng lam bồ càr hơ lơh jơh 100% jơnau sồr tơngai pơrgon lơh jơh broă ai ù lơh broă bơh ală cau bơcri priă dê; tơrmù uă ngan rlau jơh 30% tu\ tơngai lơh sră nggal hành chính pơndrờm mờ jơnau sồr. Đơs tàm dơ\ pơrjum, Thủ tướng Nguyễn Xuân Phúc đơs niam ngan, càr Thanh Hoá bơyai lơh pơrjum hòi jà bơcri priă tàm càr geh lơh dờng, jờng rơ càr geh 32 rơndăp broă lơh geh ai sră cơng tàng bơcri priă, ring bal ai gùng dà broă lơh bơcri priă, ki\ sră nggal cih kah mờ kờp jơh priă bơcri là rlau 135 rbô tơmàn. Thủ tướng Nguyễn Xuân Phúc kơ\p kơnờm Thanh Hoá gơ gơs là càr lam lài tàm gơhòi gơ jà bơcri priă bơh broă pơn jat tai lơh niam wơl tiah kă bro, ngui niam bơta pràn dờng ngan bơh ù tiah, sră nggal hành chính dùl êt, [ươn mờ mhar...

Cau cih mờ yal tơngi\t- Lơ Mu K’Yến