VOV4.K’ho - Mho mờ mang òr (08/8), tàm Hà Nội, Thủ tướng Chính phủ Nguyễn Xuân Phúc bal mờ pơ-ùr neh đơng lam dơ\ tơnkah 50 nam ngai crơng gơs mpồl ASEAN mờ 22 nam ngai lơgar Việt Nam mu\t bal tàm mpồl do.

Đơs tàm dơ\ tơnkah, ồng Nguyễn Xuân Phúc neh yal wơl ală cồng nha mpồl ASEAN dê tàm tơngai tơnguh bơtàu 50 nam do mờ đơs tòm, mpồl ASEAN gam lơh tòm rài kis, gàr niam gơnoar rơcang lài đơng lam tàm broă lơh mpồl do dê gam geh.

Ồng Nguyễn Xuân Phúc đơs là, mpồl ASEAN pal tơnguh broă tam klăc, ring bal, tơnguh bơta pràn geh is, ai broă pơgồp bal tơnguh khà uă rơlao, bơ\t bơtàu 1 mpồl bơtiàn lơh broă jăt adăt boh lam, geh broă tus bal uă bơh làng bol mờ cèng geh bơta kuơ mùl màl làng bol in.

Di tàm dơ\ do, ồng Nguyễn Xuân Phúc neh ưn ngài broă lơh bal, broă dong kờl bơh ală lơgar lơh broă bal, ală mpồl lơh broă dunia bal mờ ală bơyô neh ai ală lơgar tàm mpồl ASEAN in, tàm hơ\ geh lơgar Việt Nam tàm tơngai do; tơl^k nùs nhơm kơ\p kờ` ală kuang bàng Đại sứ, Đại biện, atbồ ala măt ală mpồl lơh broă dunia pơn jăt tai là mpồl lơh broă bal geh cồng nha bơh ală lơgar bal mờ mpồl lơh broă mờ lơgar Việt Nam bal mờ mpồl ASEAN.

Cau cih mờ yal tơng^t Ndong Brawl