VOV4.K’ho - Mho òr (06/6), dơ\ wă rò mùl màl Thủ tướng Chính phủ Nguyễn Xuân Phúc bal mờ mpồl kuang bàng dờng màng lơgar Việt Nam neh bơyai lơh tàm hìu năc Chính phủ, càr lơgar Tokyo. Thủ tướng lơgar Nhờk ồng Shinzo Abe neh đơng lam dơ\ wă rò do.

Thủ tướng lơgar Nhờk ồng Shinzo Abe wă rò Thủ tướng Nguyễn Xuân Phúc

Tơnơ\ mờ dơ\ wă rò, bàr Thủ tướng lam bồ mpồl ala măt dờng màng 2 lơgar bơyai lơh pơrjum cri bơyai. Tàm pơrjum cri bơyai, 2 gah ring bal chồl pràn pơgồp bal 2 lơgar bơh broă pờ ơnàng broă lơh bal, tàm hơ\ geh ală gah bè bơcri priă, kă bro, ODA, lơh sa suơn sre công nghệ cao, lơh broă.

Bàr Thủ tướng sền broă k^ sră hơ bal

Bàr Thủ tướng ring bal pơgồp bal chồl pràn broă bơcri priă bơh lơgar Nhờk tàm lơgar Việt Nam bơh broă lơh geh cồng nha tơngai dơ\ 6 broă bơceh bal bơh lơgar Việt Nam mờ lơgar Nhờk mờ tơnguh broă lơh bal công tư (PPP); mờ đơs tòm broă lơh bal nền nòn lơh ală rơndăp broă lơh bơh 6 gah broă lơh geh rơwah tàm broă ngui jơh măy mo\k tàm broă lơh sa lơgar Việt Nam dê; tơnguh broă lơh bal tàm ală gah bơto bơtê mờ bơsram, lơh broă bal ală càr, [òn dờng.

Bàr Thủ tướng pơrjum [ăo bal tơnơ\ mờ pơrjum cri bơyai

Bàr Thủ tướng kung cri bơyai bè ală broă tàm dunia bal mờ tàm tiah do mờ 2 lơgar geh sền gròi bal mờ đơs tòm, broă pơgồp bal nền nòn tàm ală dơ\ pơrjum uă lơgar bè mpồl ASEAN, APEC, ASEM, Liên hợp quốc.

Cau cih mờ yal tơng^t Ndong Brawl