VOV4.K’ho - Mho ngai 12 nhai 11, (jăt jơ lơgar Tây), dơ\ pơrjum dờng mùl màl geh bơyai lơh jăt broă lơh pờ tơl^k tơn tàm internet bơh pơrjum cri bơyai tài bơta ring lơngai Paris dơ\ 3 (PPF3) neh bơyai lơh mờ broă tus bal bơh rơlao 50 nă kuang bàng đơng lam Dà lơgar, Chính phủ, Tổng Thư ký Liên Hợp Quốc, ală mpồl lơh broă dunia.

Pơrjum geh tơngu me “tam dră mờ kòp Covid-19: Mu\t tus dùl rài dunia niam bơne\ rơlao”, mờ tơngu me cri bơyai ală broă rơcang sơndră mờ uă bơta nàng sơrlèt mờ bơta tơlòng bơh kòp Covid-19 lơh gơbàn mờ ngui bơta niam nàng bơ\t bơtàu dùl dunia kơl jăp rơlao.

Mờ ală cồng nha niam mờ lơgar Việt Nam neh lơh geh tàm dơ\ tam dră mờ kòp Covid-19, Kuang atbồ pơrjum tài bơta ring lơngai neh jà Thủ tướng ồng Nguyễn Xuân Phúc pơyoa jơnau yal bơh video tus mờ pơrjum.

Tàm jơnau yal, Thủ tướng pơn jờng tơngu me mùl màl bơh pơrjum tài bơta ring lơngai Paris dơ\ 3, mờ đơs, kòp Covid-19, he “Ờ gơtùi lòt ngài di lah lòt is dùl nă”. Jăt Thủ tướng đơs, kòp gơtòp neh lơh geh bơta tung lơtang gùt plai ù, là bơta tơlòng bal mờ kòn bơnus pal tus bal bơsong bơh broă tam klăc bal gùt dunia, lơh broă bal uă gah broă kung bè pơgồp bal lơh tàm khà dà lơgar, tàm tiah mờ tàm gùt plai ù, gàr niam ba` lời geh dùl nă làng bol, ờ geh dùl lơgar lơi gơtìp sơbì is hờ tơnơ\.

Cau mblàng Ndong Brawl