VOV4.K’ho - Drim do (27/6), Thủ tướng Chính phủ ồng Nguyễn Xuân Phúc bal mờ pơ-ùr mờ mpồl kuang bàng dờng màng lơgar Việt Nam neh bơh Hà Nội, lòt gùng tus pơrjum dờng mpồl G20 mờ còp lơgar Nhờk bơh ngai 27 nhai 6 tus ngai 1 nhai 7 jăt jơnau jà bơh Thủ tướng lơgar Nhờk ồng Shinzo Abe.

Lơgar Việt Nam geh jà tus ală pơrjum mờ dơ\ pơrjum tàm pơrjum dờng mpồl G20; tus bal cri bơyai tàm ală pơrjum bơh pơrjum mờ pơgồp jơnau đơs tus mờ rơndăp broă jơnau yal bơr bal pơrjum nam 2019.

Broă tus bal pơrjum dờng mpồl G20 geh tơngo\ gùng dà broă lơh rơcang lài, lơh ngan tơrgùm bal mờ dunia bơh lơgar Việt Nam dê, tơl^k broă geh dờp bơh mpồl bơtiàn dunia gơwèt mờ nùs nhơm pin dờn bal mờ bơngă lơgar Việt Nam dê, dùl lơgar lơh broă bal pin dờn, geh kơnòl mờ bơta ring lơngai, lơngăp lơngai mờ tơnguh bơtàu tàm tiah do.

Tàm pơrjum do, lơgar Việt Nam geh jơnau đơs mờ chồl pràn ờ uă broă geh ală lơgar gam tơnguh bơtàu, kuơ màng là mpồl ASEAN mờ lơgar Việt Nam sền gròi bè tam gơl trồ tiah, kă bro, tơnguh bơtàu…

Dơ\ tus còp lơgar Nhờk do bơh Thủ tướng kờ` chồl pràn broă lơh bal uă ơnàng bơh bàr lơgar, tơnguh broă pơgồp bal bơh bàr lơgar tàm ală pơrjum tàm tiah do mờ tàm dunia.

Cau mblàng Ndong Brawl