VOV4.K’ho- Mho ngai 30/11, tàm Hìu duh broă Chính phủ dê, Mpồl duh broă Tàm pơrlòng mờ Jờng rơ Dà lơgar dê neh pơrjum bơh bơta đơng lam bơh ồng Nguyễn Xuân Phúc Thủ tướng Chính phủ dê mơkung là Kuang ătbồ Mpồl duh broă Tàm pơrlòng mờ Jờng rơ dà lơgar dê, bè broă lơh rơcăng ai Pơrjum dờng tàm pơrlòng kờ` gơboh dà lơgar gùt lơgar dơ\ X. Jăt jơnau yal bơh Mpồl tàm pơrlòng mờ jờng rơ dà lơgar dê, tus tu\ do, neh jơh bơyai lơh pơrjum dờng tàm pơrlòng kấp bộ, kấp càr. Pơrjum dờng tàm pơrlòng kờ` gơboh dà lơgar gùt lơgar dơ\ X digơlan geh lơh tàm 2 ngai, hơ\ là ngai 9 mờ 10 nhai 12 do, bal mờ tơngume “Tam klăc, bơceh pa, tàm pơrlòng bơ\t bơtàu mờ sền gàr Dà lơgar”.

Pơgăp 2 rbô 300 nă cau ala măt geh tus bal pơrjum dờng dơ\ do. Tàm dơ\ pơrjum, ồng Nguyễn Xuân Phúc Thủ tướng Chính phủ đơs, broă lơh rơcăng ai Pơrjum dờng Tàm pơrlòng kờ` gơboh dà lơgar gùt lơgar dơ\ X sền bal niam, bal mờ nùs nhơm geh kơnòl uă ngan rlau jơh. Thủ tướng sồr kờp sền wơl ală bơnah broă dùl bă niam bơne\ mờ jơh nùs. Broă lơh bơyai lơh Pơrjum dờng pal lơh niam, lơh gơlik tềl kah pràn kơldang, tềm pềr mờ geh cồng nha; Thủ tướng tơngkah “ba` lời hu\i cau lơi, ngan là ală cau pơnrơ jak”.

Cau mblàng Lơ Mu K’Yến